Bhool Bhulaiyaa 2 OTT Release : बॉक्स ऑफिसवरील यशानंतर 'भूल भुलैय्या-2' ओटीटीवर होणार रिलीज; 'या' प्लॅटफॉर्मवर होणार प्रदर्शित
लवकरच भूल भुलैय्या-2 (Bhool Bhulaiyaa 2) हा चित्रपट नेटफ्लिक्स या ओटीटी प्लॅटफॉर्मवर प्रदर्शित होणार आहे.
Bhool Bhulaiyaa 2 OTT Release : बॉलिवूडमधील प्रसिद्ध अभिनेता कार्तिक आर्यनच्या (Kartik Aaryan) भूल भुलैय्या-2 (Bhool Bhulaiyaa 2) या चित्रपटानं प्रेक्षकांची मनं जिंकली. या चित्रपटानं बॉक्स ऑफिसवर 175 कोटींचा टप्पा गाठला आहे. आता हा चित्रपट ओटीटीवर प्रदर्शित होण्यास सज्ज झाला आहे. लवकरच हा चित्रपट नेटफ्लिक्स या ओटीटी प्लॅटफॉर्मवर प्रदर्शित होणार आहे.
नेटफ्लिक्सवर होणार रिलीज
भूल भुलैय्या-2 हा चित्रपट नेटफ्लिक्स या ओटीटीवर प्लॅटफॉर्मवर रिलीज होणार आहे. नेटफ्लिक्सच्या सोशल मीडिया अकाऊंटवरुन भूल भुलैय्याः2 चित्रपटाच्या दे ताली, दे ताली या गाण्याची झलक शेअर करण्यात आली आहे. या पोस्टला 'आम्ही या गाण्यावर डान्स करत आहोत. कारण भूल भुलैय्या-2 चित्रपट येत आहे.', असं कॅप्शन देण्यात आलं आहे.
We’re singing 🎶De Taali, De Taali, De Taali🎶 because BHOOL BHULAIYAA 2 IS COMING SOON😍💃🏻#BhoolBhulaiyaa2 pic.twitter.com/IG22QN1nAm
— Netflix India (@NetflixIndia) June 14, 2022
कार्तिक आर्यननं शेअर केली पोस्ट
चित्रपटाला मिळालेल्या यशानंतर कार्तिकनं सोशल मीडियावर एक पोस्ट शेअर केली. या पोस्टमध्ये त्यानं, 'तुम्ही चित्रट बघत राहा, मी प्रमोट करत राहणार. भूल भुलैय्या-2 पाहा थिएटरमध्ये. '
'भूल भुलैया 2' मध्ये कार्तिक आर्यन हा रूह बाबा ही भूमिका साकारली आहे. 2007 मध्ये रिलीज झालेल्या भूल भुलैया चित्रपटाचा हा दुसरा भाग आहे.भूल भुलैया चित्रपटाच्या पहिल्या भागामध्ये अक्षय कुमार, अमिशा पटेल, विद्या वालन आणि शाइनी आहूजा या कलाकारांनी प्रमुख भूमिका साकारली होती. भूल भूलैया-2 मध्ये कार्तिक आर्यनसोबतच तब्बू, कियारा अडवाणी आणि राजपाल यादव यांनी प्रमुख भूमिका साकारली आहे.
सेलिब्रिटींनं केलं चित्रपटचं कौतुक
अनेक सेलिब्रिटींनी या चित्रपटाचं कौतुक केलं आहे. अभिनेत्री कंगना रनौतनं सोशल मीडियावर पोस्ट शेअर करुन या चित्रपटाचं कौतुक केलं होतं. कंगनानं पोस्टमध्ये लिहिलं, 'या चित्रपटानं बॉक्स ऑफिसवरील दुष्काळ संपवला आहे. कार्तिक आर्यन आणि कियारा अडवाणी यांचे तसेच चित्रपटाच्या टीमचे अभिनंदन.'तर विवेक अग्निहोत्री यांनी ट्वीटमध्ये लिहिलं, 'भूल भूलैय्या-2 चित्रपट हिट ठरल्याबद्दल कार्तिकला शुभेच्छा.
हेही वाचा :
महत्त्वाच्या बातम्या
ट्रेंडिंग न्यूज
