![ABP Premium](https://cdn.abplive.com/imagebank/Premium-ad-Icon.png)
Baaghi 3 Trailer : टायगर श्रॉफच्या जबरदस्त अॅक्शनसह 'बागी 3' चा ट्रेलर रिलीज
टायगर श्रॉफ स्टारर आगामी चित्रपट 'बागी 3' चा ट्रेलर आज रिलीज करण्यात आला असून चित्रपटात श्रद्धा कपूर आणि अंकिता लोखंडेही दिसून येणार आहेत.
![Baaghi 3 Trailer : टायगर श्रॉफच्या जबरदस्त अॅक्शनसह 'बागी 3' चा ट्रेलर रिलीज Baaghi 3 Trailer : Trailer released Tiger shroff and shraddha riteish sajid nadiadwala ahmed khan Baaghi 3 Trailer : टायगर श्रॉफच्या जबरदस्त अॅक्शनसह 'बागी 3' चा ट्रेलर रिलीज](https://static.abplive.com/wp-content/uploads/sites/4/2020/02/06234018/bagi-trailer-3.jpg?impolicy=abp_cdn&imwidth=1200&height=675)
Baaghi 3 Trailer : टायगर श्रॉफ स्टारर आगामी चित्रपट 'बागी 3' चा ट्रेलर आज रिलीज करण्यात आला आहे. चित्रपटात टायगर पुन्हा एकदा आपल्या जबरदस्त अॅक्शनने चाहत्यांचं मन जिंकण्यासाठी नव्या अंदाजात येत आहे. ट्रेलर पाहून या गोष्टीचा अंदाज आपण सहज लावू शकतो की, टायगर या चित्रपटात अॅक्शनची नवी मेजवाणी चाहत्यांसाठी घेऊन येणार आहे. फक्त अॅक्शनच नाही तर यावेळी टायगर देशात नाहीतर विदेशात लढताना दिसणार आहे. चित्रपटाची कथा सीरियामधील दहशतवादामध्ये फसलेल्या रितेश देशमुखला त्यातून बाहेर काढण्याबाबत आहे.
चित्रपटात टायगर पुन्हा एकदा रॉनीच्या भूमिकेत दिसणार आहे. रॉनीचा एक भाऊ आहे, विक्रम. हा एक पोलीस आहे. परंतु, त्याला आपल्या ऑफिशिअल कामामुळे सीरियाला जावं लागतं. परंतु, यादरम्यान तेथे असलेल्या दहशतवादाला तो बळी पडतो. सीरियामध्ये फसलेल्या आपल्या भावाला वाचवण्यासाठी रॉनीदेखील तेथे जातो.
चित्रपटामध्ये श्रद्धा कपूर आणि अंकिता लोखंडेही दिसून येत आहे. चित्रपटामध्ये श्रद्धा कपूर, रॉनीची गर्लफ्रेंड सियाच्या भूमिकेत दिसून येणार आहे. तसेच अंकिता लोखंडे विक्रमची गर्लफ्रेंड रूचीच्या भूमिकेत दिसून येणार आहे. चित्रपटात टाइगर श्रॉफ पुन्हा एकदा आपली बॉडी आणि दमदार अॅक्शन सादर करताना चाहत्यांना दिसणार आहे.
पाहा चित्रपटाचा दमदार ट्रेलर :
दरम्यान, आगामी चित्रपट बागी फ्रेंचायझीचा तिसरा चित्रपट आहे. याआधी या चित्रपटाचे दोन भाग रिलीज करण्यात आले आहेत. या दोन्ही चित्रपटांना प्रेक्षकांचा प्रचंड प्रतिसाद मिळाला आहे. चित्रपटाचं दिग्दर्शन अहमद खान यांनी केलं आहे. तर निर्मिती साजिद नाडियाडवाला आहे. चित्रपट 6 मार्च रोजी प्रदर्शित होणार आहे. चित्रपटामध्ये टायगर आणि श्रद्धा यांच्या व्यतिरिक्त रितेश देशमुख, अंकिता लोखंडे, जयदीप अहलावत आणि विजय वर्मा हेदेखील चित्रपटात दिसणार आहेत.
संबंधित बातम्या :
हरभजन सिंहचा बॉलिवूड डेब्यू; 'फ्रेंडशिप' चित्रपटात साकारणार मुख्य भूमिका
आमिरच्या एका शब्दावर खिलाडी अक्षयने बदलली 'बच्चन पांडे'ची रिलीज डेट
बहुप्रतिक्षीत 'झुंड' चित्रपटाचं पोस्टर रिलीज; बॉलिवूडचे महानायक दिसणार मुख्य भूमिकेत
हिना खानच्या डेब्यू चित्रपटाचा ट्रेलर रिलीज; प्रेक्षकांसाठी ड्रामा, रोमांस आणि सस्पेंसची मेजवानी
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)