Aryan Khan Case: ‘माझी प्रतिष्ठा खराब झाली!’, ड्रग्ज प्रकरणात अटक झाल्यानंतर आर्यन काय काय म्हणाला?

Aryan Khan Case: आर्यनला नार्कोटिक्स कंट्रोल ब्युरोने अर्थात एनसीबी ऑक्टोबरमध्ये मुंबईबाहेर एका क्रूझ जहाजावर छापा टाकल्यानंतर अटक केली होती.

Aryan Khan

Aryan Khan Case: बॉलिवूड अभिनेता शाहरुख खानचा (Shah Rukh Khan) मुलगा आर्यन खानची (Aaryan Khan) ड्रग्ज प्रकरणातून सुटका झाली आहे. आर्यनला नार्कोटिक्स कंट्रोल ब्युरोने अर्थात एनसीबी ऑक्टोबरमध्ये मुंबईबाहेर एका क्रूझ जहाजावर छापा टाकल्यानंतर अटक केली होती. चौकशी सुरू असल्याने त्याला सुमारे 26 दिवस कोठडीत ठेवण्यात आले होते. आर्यनला गेल्या महिन्यातच क्लीन चिट मिळाली होती. या प्रकरणी आर्यन खानकडून अद्याप कोणतेही वक्तव्य आलेले नाही. त्याचवेळी, आता एनसीबीच्या एका वरिष्ठ अधिकाऱ्याने आर्यन खानच्या अटकेनंतर दिलेल्या वक्तव्याबाबत खुलासा केला आहे.

एनसीबीचे अधिकारी संजय सिंह यांनी या प्रकरणाचा तपास करण्यासाठी स्थापन केलेल्या विशेष तपास पथकाचे (एसआयटी) नेतृत्व केले होते. तपासाच्या सुरुवातीच्या टप्प्यात त्यांनीच आर्यन आणि इतर आरोपींशी संवाद साधला. नुकतेच एका मुलाखतीदरम्यान आर्यन खानने या प्रकरणाबाबत चौकशीदरम्यान काय सांगितले होते, याचा खुलासा त्यांनी केला आहे.

मला आंतरराष्ट्रीय ड्रग स्मगलर म्हणून दाखवलं जातंय…

संजय सिंह म्हणाले की, आर्यनने त्यांना सांगितले एजन्सी त्याला आंतरराष्ट्रीय ड्रग स्मगलरसारखी वागणूक देत आहे. संजयच्या म्हणण्यानुसार, आर्यन त्यांना म्हणाला की, 'सर, मला आंतरराष्ट्रीय ड्रग स्मगलर म्हणून दाखवलं जातंय, मी ड्रग्ज विकतो का?, हे आरोप चुकीचे नाहीत का? त्या दिवशी माझ्याकडून कोणतेही ड्रग्ज सापडले नाही, तरीही मला अटक करण्यात आली.

माझी प्रतिष्ठा खराब झाली

आर्यनने त्यांना विचारले, जेव्हा त्याच्याविरुद्ध कोणताही पुरावा सापडला नाही, तरीही इतका काळ तुरुंगात राहावे लागणे योग्य आहे का? आर्यनने संजय यांना विचारले होते की, 'सर, तुम्ही माझ्यासोबत खूप वाईट केले आणि माझी प्रतिष्ठा खराब झाली. मला इतके आठवडे तुरुंगात का घालवावे लागले? मी खरंच त्याच्या लायक होतो का?'

आर्यनला क्लीन चिट

गेल्या वर्षी ऑक्टोबरमध्ये आर्यन खान ड्रग्ज प्रकरणात अडकला होता. 26 दिवसांच्या कोठडीनंतर आर्यनला जामीन मिळाला. आर्यनचा जामीन जुही चावलाने केला होता. त्याच्यासाठी तिने एक लाखाचा बाँड भरला होता. त्याच वेळी, 28 मे रोजी जेव्हा एनसीबीने आरोपपत्र दाखल केले, तेव्हा या प्रकरणाच्या तपासादरम्यान आर्यनकडे कोणतेही ड्रग्स सापडले नाहीत, असे म्हटले होते. त्यानंतर आर्यनला क्लीन चिट मिळाली.

संबंधित बातम्या