(Source: Poll of Polls)
AR Rahman Guitarist Divorce : एआर रेहमानच्या गिटारिस्टनेही नवऱ्यापासून घेतला घटस्फोट, सोशल मीडियावर विभक्त झाल्याची घोषणा
Mohini Dey Divource Announcement : संगीतकार एआर रहमानने घटस्फोटाची घोषणा केल्यानंतर काही वेळातच त्याच्या टीममधील गिटारिस्टनेही तिच्या पतीपासून विभक्त झाल्याचं सांगितलं आहे.
Mohini Dey Announce Seperation : ऑस्कर विजेता लोकप्रिय संगीतकार ए आर रेहमान याने पत्नीपासून विभक्त होत असल्याची घोषणा केली आहे. ए आर रेहमानने लग्नाच्या 29 वर्षानंतर पत्नी सायरा बानूपासून घटस्फोट घेण्याचा मोठा निर्णय घेतला आहे. ए आर रेहमानने पत्नीपासून वेगळं होणार असल्याची घोषणा करताच त्याच्या चाहत्यांना मोठा धक्का बसला आहे. ए आर रेहमानने सोशल मीडियावर पोस्ट करत यासंदर्भात माहिती दिली आहे.
एआर रेहमानच्या गिटारिस्टनेही नवऱ्यापासून घेतला घटस्फोट
ए आर रेहमान सोशल मीडियावर एक पोस्ट लिहून आपण पत्नी सायरापासून विभक्त झाल्याची माहिती दिली. या पोस्टमध्ये त्याने लिहिलं की, 'या नात्यात 30 वर्षे घालवू असं वाटलं होतं पण तसं झालं नाही'. या घोषणेच्या अवघ्या काही तासांनंतर, त्यांच्या ग्रुपमधील गिटार वादक मोहिनी डे हिने पतीपासून घटस्फोट घेत असल्याची घोषणा केली आहे. या घोषणेनंतर चाहत्यांमध्ये एकच गोंधळ उडाला. नेटकरी या घटस्फोटाकडे संशयाच्या नजरेने पाहू लागले आहेत आणि सोशल मीडियावर यावर प्रतिक्रिया देत आहेत.
सोशल मीडियावर विभक्त झाल्याची घोषणा
एआर रेहमाननंतर गिटारिस्ट मोहिनी डे आणि तिचा पती मार्क यांनी सोशल मीडियावर घटस्फोटाची घोषणा केली आहे. या दोघांनीही इंस्टाग्रामवर एक संयुक्त निवेदन जारी करत लिहिलं आहे, "माझे प्रिय मित्र, कुटुंब, चाहते आणि फॉलोअर्स. जड अंतःकरणाने, मार्क आणि मी विभक्त होण्याचा निर्णय घेतला आहे. पहिली गोष्ट म्हणजे हे नातं आम्ही परस्पर संमतीने आणि समजुतीने संपवण्याचा निर्णय घेतला आहे. आम्ही नेहमीच चांगलं मित्र राहू. आम्ही ठरवलं आहे की, आमच्या आयुष्यात गोष्टी वेगळ्या आहेत आणि परस्पर संमतीने आम्ही वेगळे झालो आहोत".
कोण आहे मोहिनी डे?
मोहिनी डे ही मूळची कोलकाताची आहे आणि एक बास गिटार प्लेअर आहे. ती गान बंगालच्या विंड ऑफ चेंजचा भाग आहे. मोहिनी डे संगीतकार एआर रेहमानच्या टीमचाही एक भाग आहे. तिने ए आर रेहमानसोबत जगभरात 40 हून अधिक शो-कॉन्सर्ट केले आहेत. मोहिनी डेने ऑगस्ट 2023 मध्ये स्वतःचा पहिला अल्बम देखील रिलीज केला आहे.
मोहिनी डेची पोस्ट चर्चेत
View this post on Instagram
29 वर्षानंतर ए आर रेहमानचा घटस्फोट
ए आर रेहमानने लग्नाच्या 29 वर्षांनंतर घटस्फोट घेण्याचा निर्णय घेतला आहे. एआर रेहमान आणि सायरा बानो यांनी 1995 मध्ये लग्न केलं. या जोडप्याला खतिजा, रहीमा आणि आमीन अशी तीन मुले आहेत. तिन्ही मुले विवाहित आहेत. काळासोबत नात्यात तणाव वाढत असल्याने त्यांनी विभक्त होण्याचा मोठा निर्णय घेतला आहे.
महत्त्वाच्या इतर बातम्या :
Salman Khan Security : सलमान खानची सुरक्षा व्यवस्था पाहून लॉरेन्स बिश्नोईलाही फुटेल घाम; ड्रोन, कमांडो अन् बॉडीगार्ड
महत्त्वाच्या बातम्या
ट्रेंडिंग न्यूज
