Ankita Walawalkar : उन्माद आणि अहंकार, उथळ अंकिताचा खळखळाट फार, प्रसिद्धी डोक्यात, नेटकरी काय काय म्हणाले?

Ankita Walawalkar : 'कोकण हार्टेड गर्ल' अंकिता वालावलकरवर नेटकरी नाराज झाले आहेत.

Ankita Walawalkar

Ankita Walawalkar : 'कोकण हार्टेड गर्ल' अर्थात अंकिता वालावलकर (Ankita Walawalkar) सध्या चर्चेत आहे. अंकितावर सोशल मीडियातून प्रचंड टीका होत आहे. अंकिता वालावलकरला ज्या सोशल मीडियाने मोठं केलं तोच सोशल मीडिया अंकिताला आरसा दाखवत आहे. अंकिताच्या डोक्यात प्रसिद्धीची हवा गेली असून, तिला अहंकार आला आहे, अशा शब्दात नेटकरी अंकितावर बरसत आहेत.

'या' कारणाने चाहत्यांनी अंकिताला सुनावलं 

'कोकण हार्टेड गर्ल' (Kokan Hearted Girl) अंकिताने 'वास्तव' असं म्हणत एक व्हिडीओ शेअर केला होता. तिने एक दुकान घेतलं असून ते सांभाळण्यासाठी तिला एका मुलीची गरज होती. त्यानुसार एका मुलीने तिच्यासोबत संपर्क साधला. अंकिताने त्या मुलीला दुकानात झाडू मारावा लागेल, असं सांगितलं. त्यानंतर त्या मुलीने आपला नकार कळवला. मुलीने दिलेला स्पष्ट नकार आणि त्यामागचं कारण अंकिताला पटलं नाही आणि नेहमीप्रमाणे या घटनेचा व्हिडीओ बनवून तिने शेअर केला. पण या व्हिडीओचं कौतुक करण्याऐवजी तिच्या चाहत्यांनी तिलाच ट्रोल केलं. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Ankita PrabhuWalawalkar (@kokanheartedgirl)

चाहत्यांनी केलेल्या एका कमेंटवर अंकिताने स्पष्टीकरण देत लिहिलं होतं,"दहा हजार रुपयांची नोकरी करणाऱ्या मुलीने सेल्फ रिस्पेक्टबद्दल बोलू नये". अंकिताच्या या कमेंटमुळे तिचे चाहते आणखीनच खवळले. आपण किती कमावतो यावर आपला सेल्फ रिस्पेक्ट ठरतो का? दहा हजारात जॉब करणाऱ्या मुलींना सेल्फ रिस्पेक्ट नसतो हे सांगणारी तू कोण? अशा शब्दांत नेटकऱ्यांनी तिचा चांगलाच समाचार घेतला.

 

अंकिताला नेटकरी काय काय म्हणाले? (Netizens React On Ankita Walawalkar Video)

अंकिताची नेटकऱ्यांनी चांगलीच शाळा घेतली. घंट्याची कोकणकन्या..कोकण रिफायनरी विरुद्ध आंदोलनात तर कुठेच दिसली नाही, प्रसिद्धीची नशा डोक्यात गेली, कोकण हार्टेड गर्ल हे तिने स्वत:च स्वत:ला दिलेलं नाव आहे? ही दुसरी राखी सावंत आहे, कोणी पदवी दिली हिला 'कोकण हार्ट गर्ल'?, स्वयंमघोषित कोकण हार्टटेड आहे ही ! कोकण हेट गर्ल बोला तिला, आपला भूतकाळ मिरवणारी काकू आहे ही, अंकिताला देवबाग बाहेर कोणी कुत्र ओळखत नाही, रिफायनरी काकू, मनसे हर्टेड गर्ल, आपल्या तोंडून निघालेला प्रत्येक शब्द खरा आहे असं तिला वाटू लागलं आहे, अंकिताचं मार्केट पडलं, असं म्हणत नेटकऱ्यांनी अंकिताला चांगलच ट्रोल केलं आहे. 

कोकणकन्येवर नेटकऱ्यांचा टीकेचा भडिमार

अंकिताच्या 'त्या' वाक्यावर नेटकऱ्यांनी आक्षेप घेतला होता. तिच्या व्यवसायावर कोणीही आपलं मत मांडलेलं नाही. अंकिता वालावलकरसमोर सत्य परिस्थिती मांडण्याचं काम नेटकऱ्यांनी केलं आहे. अंकिता वालावलकरचा सोशल मीडियावर मोठा चाहतावर्ग आहे. सोशल मीडियावरील तिच्या प्रत्येक व्हिडीओचं चाहत्यांनी भरभरून कौतुक केलं आहे. पण आता मात्र तिच्या एका व्हिडीओवर नेटकऱ्यांनी नाराजी व्यक्त केली आहे. कमी वेतन घेणाऱ्या मुलीबद्दल कोकणकन्येने व्यक्त केलेल्या मतावर नेटकऱ्यांनी टीकेचा भडिमार केला आहे. 

कोकण हार्टेड गर्ल' अर्थात अंकिता वालावलकर कोकणातील बोलीभाषा, तिथलं घर, बाग, निसर्गसौंदर्याचा वापर करून अनेक व्हिडीओ बनवत आपला मोठा चाहतावर्ग निर्माण केला आहे.  कोकणकन्या (Kokan Hearted Girl) अंकिता प्रभू वालावलकर सोशल मीडियावर खूपच लोकप्रिय आहे. पण आता तिच्या एका व्हिडीओमुळे ती चांगलीच ट्रोल झाली आहे. ज्या सोशल मीडियाने अंकिताला मोठं केलं त्याच माध्यमाने अंकिताला आरसा दाखवण्याचा प्रयत्न केला आहे.

संबंधित बातम्या