Amitabh Bachchan: बिग बी आणि रेखा एकाच फ्रेममध्ये; 'तो' फोटो शेअर करत अमिताभ बच्चन म्हणाले...
Amitabh Bachchan: नुकताच अमिताभ बच्चन यांनी एक फोटो त्यांच्या ब्लॉगमध्ये शेअर केला. या फोटोनं अनेकांचे लक्ष वेधले आहे.
Amitabh Bachchan: बॉलिवूडचे महानायक अशी ओळख असणारे अमिताभ बच्चन (Amitabh Bachchan) हे सोशल मीडियावर अनेक वेळा त्यांच्या आठवणी शेअर करत असतात. बिग बी हे त्यांच्या ब्लॉगच्या माध्यमातून त्यांच्या वैयक्तिक आणि प्रोफेशल आयुष्याची माहिती चाहत्यांना देत असतात. नुकताच अमिताभ बच्चन यांनी एक फोटो त्यांच्या ब्लॉगमध्ये शेअर केला. या फोटोनं अनेकांचे लक्ष वेधले आहे. या फोटोची चर्चा सध्या सोशल मीडियावर होत आहे.
अमिताभ बच्चन यांनी शेअर केला फोटो
बिग बींनी शेअर केलेल्या फोटोमध्ये ते अनेक स्टार्ससोबत स्टेजवर उभे असल्याचे दिसत आहे. या फोटोमध्ये अमिताभ यांच्याशिवाय अभिनेत्री रेखा, राज कपूर, रणधीर कपूर, विनोद खन्ना, मेहमूद, शम्मी कपूर आणि संगीत दिग्दर्शक कल्याण हे दिसत आहेत. या फोटोमध्ये अमिताभ बच्चन आणि रेखा यांना एकाच फ्रेममध्ये पाहून अनेकांच्या भूवया उंचावल्या आहेत.
बिग बी म्हणाले, "या फोटोमागे एक मोठी कथा आहे"
फोटो शेअर करुन अमिताभ यांनी ब्लॉगमध्ये- "आणि... या फोटोमागे एक मोठी कथा आहे. कधीतरी ती सांगेन." फोटोमध्ये रेखा साडीस हातात बांगड्या आणि गजरा अशा ट्रेडिशनल लूकमध्ये दिसत आहे .तर विनोद खन्ना व्हाइट आउटफिटमध्ये दिसत आहेत. शम्मी कपूर हे काळा कुर्ता आणि पांढरा पायजमा अशा लूकमध्ये दिसत आहेत. अमिताभ बच्चन हे ऑल व्हाईट आऊटफिटमध्ये हातात माइक घेऊन उभे असलेले दिसत आहेत.
दो अंजाने (1976),सिलसिला (1981), मिस्टर नटवरवाला (1979), सुहाग (1979) या चित्रपटांमध्ये बिग बी आणि रेखा यांनी एकत्र काम केलं आहे.
अमितभ बच्चन हे त्यांच्या ब्लॉगमध्ये विविध आठवणींना उजाळा देत असतात. अमिताभ आज अयोध्येला राम मंदिराच्या सोहळ्याला गेले होते.या सोहळ्यातील त्यांचे अनेक व्हिडीओ आणि फोटो व्हायरल होत आहेत. अयोध्येला जाण्यापूर्वी रविवारी अमिताभ यांनी त्यांच्या चाहत्यांची भेट घेतली. त्यांनी जलसा बंगल्यातून बाहेर येऊन चाहत्यांना अभिवादन केले.
अमिताभ बच्चन यांचा आगामी चित्रपट
कल्की 2898 AD या चित्रपटामधून अमिताभ बच्चन हे प्रक्षकांच्या भेटीला येणार आहेत. या चित्रपटात दीपिका आणि प्रभास हे देखील मुख्य भूमिकेत दिसणार आहेत. हा चित्रपट 9 मे रोजी प्रदर्शित होणार आहे.
वाचा इतर महत्वाच्या बातम्या:
महत्त्वाच्या बातम्या
