Bollywood Stars Real Name : कियारा, अमिताभ बच्चन अन् शिल्पा; बॉलिवूड कलाकारांची खरी नावं माहितीयेत?
जाणून घेऊयात अक्षय कुमार (Akshay Kumar), अमिताभ बच्चन (Amitabh Bachchan), कियारा अडवाणी (Kiara Advani), रजनीकांत (Rajinikanth) आणि शिल्पा शेट्टी (Shilpa Shetty) या कलाकारांची खरी नावं...
Bollywood Stars Real Name : बॉलिवूडमधील अनेक कलाकार अभिनय क्षेत्रात करिअर करण्यासाठी आपले नाव बदलतात. अनेक कलाकारांची खरी नाव त्याच्या चाहत्यांना माहित नसतील. जाणून घेऊयात अक्षय कुमार (Akshay Kumar),अमिताभ बच्चन (Amitabh Bachchan), कियारा अडवाणी (Kiara Advani), रजनीकांत (Rajinikanth) आणि शिल्पा शेट्टी (Shilpa Shetty) या कलाकारांची खरी नावं...
कियारा अडवाणी
अभिनेत्री कियारा अडवाणीचा चाहता वर्ग मोठा आहे. तिच्या आयुष्याबद्दल जाणून घेण्यासाठी तिचे चाहते उस्तुक असतात. कियाराचे खरे नाव आलिया आहे. अभिनेता सलमान खानच्या सांगण्यावरून कियाराने तिचं नाव बदलून कियारा असं ठेवले.
अक्षय कुमार
बॉलिवूडचा खिलाडी म्हणजेच अक्षय कुमारचं खरं नाव राजीव हरीओम भाटिया असं आहे. दीदार चित्रपटाचे दिग्दर्शक प्रमोद चक्रवर्ती यांनी अक्षयला नाव बदलण्याचा सल्ला दिला होता.
अमिताभ बच्चन
बॉलिवूडचे महानायक अमिताभ बच्चन याचं खरं नावं इन्कलाब श्रीवास्तव असं आहे. बिग बींचे इन्कलाब हे नाव त्यांच्या वडीलांनी म्हणजेच हरिवंश राय बच्चन यांनी ठेवले होते. 'कौन बनेगा करोपती- 13' या शोच्या एका एपिसोडमध्ये अमिताभ बच्चन यांनी सांगितलं, 'माझ्या आई-वडिलांनी देखील अंतरजातीय विवाह केला होता. माझी आई (तेजी बच्चन) सिख परिवारातील असून वडील (हरिवंश राय बच्चन) उत्तर प्रदेशातील कायस्थ कुटुंबातील होते. दोघांच्या आई- वडीलांनी या विवाहाला मान्यता दिली नव्हती. ही गोष्ट 1942 ची आहे. माझ्या वडिलांनी मुद्दाम माझे आडनाव बच्चन ठेवल. त्यामुळे मी कोणत्या जातीचा आहे ते लोकांना लक्षात येत नाही. जेव्हा माझे शाळेत अॅडमिशन होणार होते तेव्हा माझे आडनाव बच्चन सांगण्यात आले. बच्चन हे माझ्या वडिलांचे उपनाव होते. ते कवी होते.' एका मुलाखतीमध्ये अमिताभ यांनी सांगितले, 'मला अजूनही आठवते, शाळेत अॅडमिशन घेताना माझ्या वडिलांनी श्रीवास्तव आडनावाऐवजी बच्चन आडनाव लिहीले, मला या गोष्टीचा अभिमान आहे. '
रजनीकांत
सुपरस्टार रजनीकांत यांचे खरे नाव शिवाजी राव गायकवाड असं आहे.
शिल्पा शेट्टी
बॉलिवूडमधील प्रसिद्ध अभिनेत्री शिल्पा शेट्टीचे खरे नाव आश्विनी शेट्टी आहे. ज्योतिषांनी सांगितल्यावर शिल्पाने तिचं नाव बदलले होते.
संबंधित बातम्या
Alia Bhatt Ranbir Wedding : आलिया-रणबीरच्या लग्नाची तारीख ठरली? 'या' ठिकाणी होणार शाही विवाह सोहळा?
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
