Ranbir Kapoor : आलियाशी लग्नानंतर रणबीर कपूर सगळ्यात आधी करणार ‘हे’ काम! चाहत्यांना देणार सरप्राईज!
Ranbir Kapoor : रणबीर अशा बॉलिवूड सेलिब्रिटींपैकी एक आहे, जो आपले आयुष्य खाजगी ठेवतो. याच कारणामुळे तो सोशल मीडियावरही सक्रिय नाही.
Ranbir Kapoor : अभिनेता रणबीर कपूर (Ranbir Kapoor) आणि अभिनेत्री आलिया भट्टसाठी (Alia Bhatt) आजचा दिवस खास आहे. आज दोघेही लग्नाच्या बेडीत अडकणार आहेत. बराच काळ रिलेशनशिपमध्ये राहिल्यानंतर आता दोघेही आपलं नातं अधिकृत करणार आहेत. दोघांच्या लग्नाचे फोटो पाहण्यासाठी चाहते आतुर झाले आहेत. आज चाहत्यांची ही इच्छा पूर्ण होण्याची शक्यता आहे. आलिया स्वतः लग्नाचा फोटो शेअर करू शकते. मात्र, याआधी रणबीरबाबत एक मोठी अपडेट समोर आली आहे. खरंतर लग्नानंतर रणबीर असं काही करणार आहे की, जे ऐकून त्याच्या चाहत्यांना आनंद होईल.
आता सर्वांना माहित आहे की, रणबीर अशा बॉलिवूड सेलिब्रिटींपैकी एक आहे, जो आपले आयुष्य खाजगी ठेवतो. याच कारणामुळे तो सोशल मीडियावरही सक्रिय नाही. पण, आता रणबीर लग्नानंतर सोशल होणार असल्याचं दिसत आहे. वास्तविक, रणबीर लग्नानंतर इंस्टाग्रामवर येणार असल्याच्या चर्चा सुरु आहेत. आता रणबीर कपूर सोशल मीडियावर पदार्पण करणार आहे. यासाठी आलिया भट्टने रणबीरला राजी केल्याचे बोलले जात आहे.
सोशल मीडियावर होणार सक्रिय!
अशीही बातमी आहे की, रणबीर आणि आलियाच्या मेहंदी सेरेमनीमध्ये अभिनेत्री करणसोबत रणबीरचा खास व्हिडीओ त्याच्या अकाउंटवर शेअर करण्यासाठी चर्चा करत होती. कालपासून दोघांच्या लग्नाच्या विधींना सुरुवात झाली आहे. मात्र, आजतागायत दोन्ही कलाकारांनी लग्नाबाबत कोणतीही प्रतिक्रिया दिलेली नाही आणि ते मीडियासमोरही येत नाहीत. कुटुंबातील सदस्य मात्र कार्यक्रमाला जाताना दिसतात. मेहंदीनंतर नीतू कपूर, रिद्धिमा कपूर, सोनी राझदान, शाहीन भट्ट, पूजा भट्ट, महेश भट्ट स्पॉट झाले आणि यावेळी प्रत्येकाच्या हातावर मेहंदी लावली.
पार पडला हळद आणि मेहंदी सोहळा!
‘वास्तू’मध्येच आलिया आणि रणबीरचा हळदी आणि मेहंदी समारंभ पूर्ण विधींसह पार पडला आहे, ज्यामध्ये कपूर आणि भट्ट कुटुंबाने हजेरी लावली होती. याशिवाय आलिया आणि रणबीरच्या जवळच्या मित्रांनाही या सोहळ्यासाठी आमंत्रित करण्यात आले होते. करण जोहर, श्वेता बच्चन यांनी यावेळी हजेरी लावली होती. त्याच वेळी, अनेक सेलिब्रिटी देखील लग्नाला उपस्थित राहण्याची शक्यता आहे. लग्नात करण जोहर, सैफ अली खान, अर्जुन कपूर, मसाबा गुप्ता, अयान मुखर्जी, झोया अख्तर, वरुण धवन, संजय लीला भन्साळी हे सहभागी होणार आहेत.
‘या’ दिवशी असणार रिसेप्शन!
मीडिया रिपोर्ट्सनुसार, लग्नासाठी फक्त जवळच्या लोकांना आमंत्रित केले जाईल आणि त्यानंतर 17 एप्रिलला दोघेही रिसेप्शन देणार आहेत. हे रिसेप्शन एका पंचतारांकित हॉटेलमध्ये होणार असून, त्यात इंडस्ट्रीतील सर्व लोकांना आमंत्रित केले जाणार आहे. साऊथचे स्टार्सही या पार्टीत सहभागी होऊ शकतात, ज्यांच्यासोबत आलियाने काम केले आहे.
हेही वाचा :
महत्त्वाच्या बातम्या
