Alia Bhatt Grandfather Death: आलिया भट्टच्या आजोबांचे निधन; अभिनेत्रीनं शेअर केली भावनिक पोस्ट
अभिनेत्री सोनी राजदान (Soni Razdan) यांचे वडील आणि आलिया भट्टचे (Alia Bhatt) आजोबा नरेंद्रनाथ राजदान (Narendranath Razdan) यांचे निधन झाले आहे.
Alia Bhatt Grandfather Death: अभिनेत्री आलिया भट्टचे (Alia Bhatt) आजोबा आणि अभिनेत्री सोनी राजदान (Soni Razdan) यांचे वडील नरेंद्रनाथ राजदान (Narendranath Razdan) यांचे निधन झाले आहे. त्यांच्यावर मुंबईतील ब्रीच कँडी रुग्णालयात उपचार सुरू होते. आलियाचे आजोबा नरेंद्रनाथ राजदान यांनी वयाच्या 95 व्या वर्षी अखेरचा श्वास घेतला. आलियानं आणि सोनी राजदान यांनी नरेंद्रनाथ यांच्या निधनानंतर सोशल मीडियावर भावनिक पोस्ट शेअर केली आहे.
आलिया भट्टची आई सोनी राजदान यांनी त्यांच्या वडिलांचा फोटो इंस्टाग्रामवर शेअर केला. या फोटोला त्यांनी कॅप्शन दिलं, 'डॅडी, ग्रँडपा, निंदी तुम्ही आमच्यासाठी पृथ्वीवरील एका Angel सारखे होता.'
View this post on Instagram
आलिया भट्टनं देखील तिच्या आजोबांचा एक व्हिडीओ सोशल मीडियावर शेअर केला आहे. या व्हिडीओला तिनं कॅप्शन दिलं, 'माझे आजोबा. माझे हिरो, ते 93 वर्षाचे असताना गोल्फ खेळत होते, वयाच्या 93 वर्षापर्यंत त्यांनी काम केले, ते चविष्ठ ऑम्लेट बनवत होते. त्यांनी आम्हाला उत्तम कथा सांगितल्या, आपल्या नातवासोबत ते खेळायचे, त्यांनी कुटुंबावर प्रेम केले.'
आलियानं शेअर केलेल्या व्हिडीओमध्ये नरेंद्रनाथ राजदान हे केक कट करतना दिसत आहेत. मसाबा गुप्ता, करण जोहर, दिया मिर्झा या सेलिब्रिटींनी आलियानं शेअर केलेल्या व्हिडीओला कमेंट करुन नरेंद्रनाथ राजदान यांना श्रद्धांजली वाहिली आहे.
View this post on Instagram
आलिया ही काही दिवसांपूर्वी आयफा पुरस्कार सोहळ्यासाठी जात असताना तिला तिच्या आजोबांच्या तब्येतीची माहिती मिळाली. आजोबांची तब्येत बिघडल्याची माहिती मिळताच ते विमानतळावरून पुन्हा तिच्या घरी गेली होती.
आलिया भट्ट ही 'रॉकी और रानी की प्रेम कहानी' या चित्रपटामधून प्रेक्षकांच्या भेटीस येणार आहे. या चित्रपटात राणी ही भूमिका अभिनेत्री आलिया भट्टनं साकारली आहे. हा चित्रपट 28 जुलै 2023 रोजी प्रेक्षकांच्या भेटीस येणार आहे. या चित्रपटात आलियासोबतच रणवीर सिंह देखील प्रमुख भूमिका साकारणार आहे.
इतर महत्वाच्या बातम्या:
महत्त्वाच्या बातम्या
