Ajay Purkar : अजय पुरकर पुन्हा एकदा ऐतिहासिक भूमिकेत; 'सुभेदार'मध्ये साकारणार तानाजी मालुसरेंची भूमिका
Ajay Purkar : 'सुभेदार' या सिनेमात अजय पुरकर तानाजी मालुसरेंच्या भूमिकेत दिसणार आहे.
Ajay Purkar On Subhedar : दिग्पाल लांजेकरांच्या शिवराज अष्कातील पाचव्या सिनेमाची म्हणजेच 'सुभेदार' (Subhedar) सिनेमाची घोषणा झाल्यापासून हा सिनेमा चर्चेत आहे. सिनेमाची घोषणा झाल्यापासून या सिनेमात कोणते कलाकार असतील याची प्रेक्षकांना उत्सुकता होती. या सिनेमात तानाजी मालुसरेंच्या भूमिकेत अजय पुरकर (Ajay Purkar) दिसणार असल्याचं समोर आलं आहे.
'सुभेदार' या सिनेमाच्या माध्यमातून तानाजी मालुसरे यांच्या पराक्रमाची गाथा रुपेरी पडद्यावर दाखवण्यात येणार आहे. नुकताच या सिनेमाच्या संहिता पूजनाचा कार्यक्रम तानाजी मालुसरे यांच्या मुळगावी गोडवलीत पार पडला. तर अभिनेत्री स्मिता शेवाळे तानाजी मालुसरे यांच्या पत्नीची भूमिका साकारणार आहे.
View this post on Instagram
'सुभेदार' सिनेमाच्या शूटिंगला लवकरच सुरुवात होणार असून पुढील वर्षी जून महिन्यात हा सिनेमा प्रेक्षकांच्या भेटीला येईल. या सिनेमा तानाजी यांनी राखलेल्या सिंहगडाची थराथक कथा पाहायला मिळणार आहे.पोटच्या मुलाचं लग्न बाजूला सारून किल्ले कोंढाण्याच्या शिखरावर स्वराज्याचं विजयी तोरण बांधण्यासाठी प्राणांची आहुती देणाऱ्या एका बलाढ्य योद्ध्याचा रोमहर्षक पराक्रम 'सुभेदार'मध्ये अनुभवायला मिळेल.
अजय पुरकर यांचे 'कोडमंत्र' नाटक प्रचंड गाजले होते. या नाटकात त्यांनी अभ्यासू अभिनेत्री मुक्ता बर्वेसोबत काम केले होते. बालगंधर्व, प्रेमाची गोष्ट, कदाचित, फेरारी की सवारी, रिस्पेक्ट, फर्जंद, फत्तेशिकस्त आणि पावनखिंड अशा अनेक गाजलेल्या प्रोजेक्टचा अजय पुरकर भाग आहेत.
संबंधित बातम्या
Digpal Lanjekar: दिग्पाल लांजेकरांनी चित्रपटाचा विषय बदलला? 'सुभेदार' च्या घोषणेनंतर चाहत्यांचा प्रश्न
महत्त्वाच्या बातम्या
ट्रेंडिंग न्यूज
and tablets