Ajay Devgn : अजय देवगनने शेअर केला शर्टलेस फोटो; शानदार बॉडीसाठी अभिनेता जिममध्ये गाळतोय घाम
Ajay Devgn : बॉलिवूड अभिनेता अजय देवगनने सोशल मीडियावर एक शर्टलेस फोटो शेअर केला आहे. त्याच्या फोटोने सर्वांचं लक्ष वेधून घेतलं आहे.
Ajay Devgn : बॉलिवूड अभिनेता अजय देवगन (Ajay Devgn) त्याच्या सिनेमांमुळे नेहमीच चर्चेत असतो. पण आता तो एका वेगळ्याच कारणाने चर्चेत आला आहे. अभिनेत्याने सोशल मीडियावर एक शर्टलेस फोटो शेअर केला आहे. या फोटोने सर्वांचं लक्ष वेधून घेतलं आहे. वयाच्या 54 व्या वर्षी अभिनेत्याचा फिटनेस चाहत्यांना थक्क करणारा आहे.
अक्षय कुमारप्रमाणे (Akshay Kumar) अजय देवगनच्या फिटनेसचं नेहमीच कौतुक होत असतं. अशातच अभिनेत्याने आता एक शर्टलेस फोटो शेअर केला आहे. या फोटोमुळे चाहत्यांना वेड लागलं आहे. अजयचा हा फोटो सोशल मीडियावर धुमाकूळ घालत आहे.
अजयच्या शर्टलेस फोटोने वेधलं चाहत्यांचं लक्ष (Ajay Devgn Shared Shirtless Photo)
अजय देवगन वयाच्या 54 व्या वर्षी आपल्या फिटनेसकडे खूप लक्ष देत आहे. अजयने शेअर केलेल्या शर्टलेस फोटोमध्ये अभिनेत्याने शॉट्स आणि काळा चष्मा लावलेला दिसत आहे. वय वाढत असलं तरी अभिनेता दिवसेंदिवस तरुणच दिसत आहे. टोन्ड बॉडी आणि एब्ससह अजयचा शंकराचा टॅटूदेखील चांगलाच फ्लॉन्ट करत आहे.
View this post on Instagram
अजयच्या फोटोवर नेटकऱ्यांचा कमेंट्सचा वर्षाव
अजय देवगनच्या शर्टलेस फोटोवर नेटकऱ्यांनी कमेंट्सचा वर्षाव केला आहे. अजयसारखा दुसरा कोणी आहे का? वयाच्या 54 व्या वर्षी अजय किती फिट आहे. आजच्या हिरोंपेक्षा बॉलिवूडचे आधीचेच हिरो चांगले आहेत. आजचे हिरो कोपऱ्यात बसून रडणारे आहेत. अजयचा कमाल लूक, अजयच्या फिटनेसचं रहस्य नेमकं काय?, अशा कमेंट्स चाहत्यांनी केल्या आहेत.
अजयच्या आगामी सिनेमांबद्दल जाणून घ्या.. (Ajay Devgn Upcoming Movies)
अजय देवगन लवकरच 'शैतान' या सिनेमाच्या माध्यमातून प्रेक्षकांच्या भेटीला येणार आहे. 8 मार्च 2024 रोजी हा सिनेमा प्रेक्षकांच्या भेटीला येणार आहे. तसेच रोहित शेट्टीच्या (Rohit Shetty) 'सिंघम अगेन' (Singham Again) या सिनेमातही तो झळकणार आहे. 15 ऑगस्ट 2024 रोजी हा सिनेमा प्रदर्शित होईल. या सिनेमात अजयसह अक्षय कुमार (Akshay Kumar), रणवीर सिंह (Ranveer Singh), दीपिका पादुकोण (Deepika Padukone), करीना कपूर, टायगर श्रॉफ, विकी कौशल आणि अर्जुन कपूर हे कलाकार महत्त्वाच्या भूमिकेत झळकणार आहे.
संबंधित बातम्या
Ajay Devgn : अजय देवगनचा 'शैतान' सिनेमातील फर्स्ट लूक आऊट! सस्पेन्स, थ्रिलर अन् बरंच काही
महत्त्वाच्या बातम्या
