Adnan Sami: एक्स वाईफच्या पॉर्न DVD ते भारताचे नागरिकत्व; छोट्या भावानं अदनाम सामीबद्दल केले 'हे' गौप्यस्फोट

अदनान सामीचा (Adnan Sami) छोटा भाऊ जुनैद सामीनं (Junaid sami) एक पोस्ट शेअर केली. ही पोस्ट त्यानं नंतर डिलीट केली. पण या पोस्टचा स्क्रिनशॉट सोशल मीडियावर व्हायरल झाला.

adnan sami

Adnan Sami: बॉलिवूडमधील प्रसिद्ध गायक अदनान सामी (Adnan Sami) हा त्याच्या गाण्यांनी नेहमीच प्रेक्षकांची मनं जिंकतो. नुकतीच त्याचा छोटा  भाऊ जुनैद सामीनं (Junaid sami) एक पोस्ट शेअर केली आहे. या पोस्टच्या माध्यमातून जुनैदनं अदनान सामीबद्दल अनेक धक्कादायक खुलासे केले आहेत. अदनान सामीच्या भारतातील नागरिकत्वाबद्दल तसेच त्याच्या एक्स वाईफबद्दल देखील जुनैदनं या पोस्टमध्ये लिहिलं आहे.

जुनैद सामीने सोशल मीडियावर अदनान सामीबाबत एक पोस्ट शेअर केली होती, नंतर त्यानं ही पोस्ट डिलीट केली. पण या पोस्टचा स्क्रिनशॉट सोशल मीडियावर व्हायरल झाला. जुनैद सामीनं या पोस्टमध्ये लिहिलं, 'आता इमरान खान होण्याची वेळ आली आहे. मी माझा मोठा भाऊ अदनान सामीबद्दल अनेक सत्ये उघड करणार आहे. मी आता कोणालाही घाबरत नाही. मला हे सगळं करायचं नव्हतं, पण मला हे करावं लागत आहे. कारण आता सत्य लोकांसमोर येणं खूप गरजेचं आहे.'

पुढे जुनैदनं पोस्टमध्ये लिहिलं, 'अदनान सामीनं भारताचे नागरिकत्व घेतले कारण त्याला तेथे चांगले पैसे दिले जात होते. जे पाकिस्तान देऊ शकले नाही. त्याच्या आईचा जन्म भारतात झाल्याचा दावा अदनाननं केला होता. हा दावाही खोटा आहे'

जुनैदनं अदनानच्या एक्स वाईफबद्दल पोस्टमध्ये लिहिलं,'अदनानने 2007-8 च्या सुमारास एक्स वाईफ सबा गलादेरीच्या पॉर्न डीव्हीडी बनवल्या. या गोष्टी सबा आणि अदनान  हे दोघे कोणालाही सांगत नव्हते. अदनानने या डीव्हीडी कोर्टामध्ये दाखवल्या होत्या. तेव्हा अदनान म्हणाला की, हा व्हिडिओ त्याने बनवला नसून सबाच्या प्रियकराने बनवला आहे. त्याचं हे बोलणं खोटं आहे. मी माझ्या गर्लफ्रेंडसोबत देखील असं कधीच वागणार नाही.'

'अदनानचा जन्म 15 ऑगस्ट 1969 रोजी रावळपिंडी येथील रुग्णालयात झाला. माझाही जन्म 1973 मध्ये याच हॉस्पिटलमध्ये झाला. त्यामुळे अदनानचा जन्म इंग्लंड किंवा इतर कोणत्याही ठिकाणी झाल्याचा दावा खोटा आहे. इंग्लंडमध्ये ओ लेव्हलमध्ये नापास झाल्यानंतर त्याने लाहोरमधून पदवी मिळवली.'असंही  जुनैदनं पोस्टमध्ये लिहिलं.

1986 मध्ये त्याने आपल्या संगीत कारकिर्दीला सुरुवात केली. अदनान सामीचे लाइव इन कराची, तेरी कसम, किसी दिन,प्रेस प्ले यांसारखे अल्बम प्रेक्षकांच्या भेटीस आले. तेरा चेहरा, कभी तो नजर मिलाओ, भर दो झोली मेरी या अदनानच्या गाण्यांना प्रेक्षकांची विशेष पसंती मिळाली. 

महत्त्वाच्या इतर बातम्या :