Aditi Rao Hydari And Siddharth: अदिती राव हैदरी करतेय सिद्धार्थला डेट? व्हायरल व्हिडीओमुळे चर्चेला उधाण
सिद्धार्थ (Siddharth) आणि अदितीचा (Aditi Rao Hydari) एक व्हिडीओ व्हायरल झाला आहे. सिद्धार्थ हा अदितीला डेट करत आहे का? असा प्रश्न नेटकऱ्यांना सध्या पडला आहे.
Aditi Rao Hydari And Siddharth: अभिनेत्री अदिती राव हैदरी (Aditi Rao Hydari) आणि अभिनेता सिद्धार्थ (Siddharth) या दोघांच्या नात्याची चर्चा सध्या सोशल मीडियावर सुरु आहे. काही महिन्यांपूर्वी सिद्धार्थने अदितीच्या वाढदिवसाला एक खास पोस्ट शेअर केली होती. त्यानंतर सिद्धार्थ हा अदितीला डेट करत आहे का? असा प्रश्न नेटकऱ्यांना पडला होता. आता सिद्धार्थ आणि अदितीचा एक व्हिडीओ व्हायरल झाला आहे. हा व्हिडीओ व्हायरल झाल्यानंतर दोघांच्या नात्याबाबत सोशल मीडियावर चर्चा होत आहे.
व्हायरल व्हिडीओमध्ये दिसत आहे की, मुंबईमधील एका हॉटेलमधून अदिती आणि सिद्धार्थ हे बाहेर पडत आहेत. हे दोघे त्या रेस्टोरंटमध्ये डिनर डेटसाठी गेले होते, असंही म्हटलं जात आहे. व्हायरल व्हिडीओमध्ये अदिती ही पिंक कलरचा शर्ट आणि ब्लॅक ट्रॅक पँट अशा लूकमध्ये दिसत आहे तर सिद्धार्थ हा ग्रेट टीशर्ट आणि निळी पँट अशा कूल लूकमध्ये दिसत आहे. सिद्धार्थ आणि अदितीचा हा व्हिडीओ व्हायरल झाल्यानंतर आता दोघांच्या डेटिंगबाबतची चर्चा सोशल मीडियावर होत आहे.
पाहा व्हिडीओ
View this post on Instagram
सिद्धार्थनं शेअर केली होती खास पोस्ट
सिद्धार्थने अदितीच्या वाढदिवसाला एक खास पोस्ट सोशल मीडियावर शेअर केली होती. या पोस्टमध्ये त्यानं लिहिलं होतं, "वाढदिवसाच्या हार्दिक शुभेच्छा राजकुमारी, तुझी सर्व स्वप्न पूर्ण व्हावी, यासाठी मी देवाकडे प्रार्थना करतो." सिद्धार्थच्या या पोस्टने अनेकांचे लक्ष वेधले.
View this post on Instagram
'रंग दे बसंती' (Rang De Basanti) या चित्रपटातील अभिनयामुळे अभिनेता सिद्धार्थला (Siddharth) विशेष लोकप्रियता मिळाली. सिद्धार्थ हा सोशल मीडियावर वेगवेगळ्या विषयांवरील त्याची मत मांडतो. सोशल मीडियावरील पोस्टमुळे तो अनेकदा चर्चेत असतो. तर अदिती ही लवकरच 'हीरामंडी' या वेब सीरिजमधून प्रेक्षकांच्या भेटीस येणार आहे. तिच्या या वेब सीरिजमधील लूक काही दिवसांपूर्वी रिव्हिल करण्यात आला.
महत्वाच्या इतर बातम्या:
महत्त्वाच्या बातम्या
