एक्स्प्लोर

Adipurush Box Office Collection : 'आदिपुरुष'चा खेळ खल्लास; आकडा घसरतोय तरी रिलीजच्या पाच दिवसांत पार केला 200 कोटींचा टप्पा

Adipurush : 'आदिपुरुष' या सिनेमाने रिलीजच्या पाच दिवसांत 247.90 कोटींची कमाई केली आहे.

By : एबीपी माझा एंटरटेनमेंट डेस्क | Edited By: मंजिरी पोखरकर | Updated at : 21 Jun 2023 09:29 AM (IST)

Adipurush

Adipurush Box Office Collection Day 5 : दाक्षिणात्य सुपरस्टार प्रभास (Prabhas) आणि कृती सेननचा (Kriti Sanon) 'आदिपुरुष' (Adipurush) हा सिनेमा रिलीज झाल्यापासून चर्चेत आहे. सिनेमातील संवाद आणि व्हीएफएक्समुळे या सिनेमाला चांगलच ट्रोल केलं जात आहे. तर दुसरीकडे बॉक्स ऑफिसवर मात्र हा सिनेमा रेकॉर्डब्रेक कमाई करत आहे. पण दिवसेंदिवस या सिनेमाच्या कमाईचा आकडा घसरत आहे.

'आदिपुरुष' बॉक्स ऑफिस कलेक्शन... (Adipurush Box Office Collection)

'आदिपुरुष' हा सिनेमा 16 जून 2023 रोजी सिनेमागृहात प्रदर्शित झाला आहे. आता हा सिनेमा प्रदर्शित होऊन पाच दिवस पूर्ण झाले असून दिवसेंदिवस बॉक्स ऑफिसवर या सिनेमाची जादू कमी होत चालली आहे. 'आदिपुरुष'ने रिलीजच्या पहिल्या दिवशी 86.75 कोटी, दुसरा दिवस 65.25 कोटी, तिसरा दिवस 29.03 कोटी, चौथ्या दिवशी 16 कोटी आणि पाचव्या दिवशी 10.80 कोटींची कमाई केली आहे. एकंदरीत आतापर्यंत या सिनेमाने 247.90 कोटींचा गल्ला जमवला आहे.

पहिला दिवस : 86.75 कोटी
दुसरा दिवस : 65.25 कोटी
तिसरा दिवस : 29.03 कोटी
चौथा दिवस : 16 कोटी
पाचवा दिवस : 10.80 कोटी
एकूण कमाई : 247.90 कोटी

'आदिपुरुष' या सिनेमाला देशभरातून विरोध होत आहे. या सिनेमावर बंदी घालण्याची मागणी ऑल इंडिया इंडियन सिने वर्कर्स असोसिएशनने केली आहे. या सर्व गोष्टींचा सिनेमाच्या कमाईवर मात्र परिणाम होत आहे. 500 कोटींच्या बजेटमध्ये निर्मिती करण्यात आलेला हा सिनेमा आता किती कोटींची कमाई करणार याकडे सर्वांचं लक्ष लागलं आहे.

View this post on Instagram

A post shared by Om Raut (@omraut)

'आदिपुरुष' या सिनेमाच्या दिग्दर्शनाची धुरा ओम राऊतने (Om Raut) सांभाळली आहे. या सिनेमात प्रभास रामाच्या तर कृती सेनन सीता मातेच्या भूमिकेत आहे. सनी सिंह लक्ष्मणाच्या तर देवदत्त नागे हनुमानाच्या भूमिकेत आहे. सैफ अली खानने या सिनेमात रावणाची भूमिका साकारली आहे.

रिलीजच्या पहिल्या दिवशी भारतीय बॉक्स ऑफिसवर 'आदिपुरुष'चा बोलबाला

रिलीजच्या पहिल्या दिवशी भारतीय बॉक्स ऑफिसवर 'आदिपुरुष' सिनेमाचा बोलबाला पाहायला मिळत आहे. हिंदीत या सिनेमाने 37.25 कोटी आणि तेलुगूमध्ये 48 कोटींची कमाई केली होती. जगभरात या सिनेमाने 140 कोटींचा गल्ला जमवला होता.

संंबंधित बातम्या