Athiya Shetty And KL Rahul : अथिया आणि केएल राहुलच्या लग्नाची प्लॅनिंग सुरु? ‘डॅडी’ सुनील शेट्टी म्हणतात...

Athiya Shetty And KL Rahul :  अथिया आणि केएल राहुल लग्न करणार असल्याचा दावा बऱ्याच दिवसांपासून केला जात आहे.

Athiya Shetty And KL Rahul

Athiya Shetty And KL Rahul : बॉलिवूड अभिनेत्री अथिया शेट्टी (Athiya Shetty) आणि भारतीय क्रिकेटर केएल राहुल (KLRahul) यांच्यातील नातं आता कोणापासूनही लपून राहिलेलं नाही. दोघेही खूप दिवसांपासून एकमेकांना डेट करत आहेत. केएल राहुल आणि अथिया मीडियामध्ये एकमेकांबद्दल बोलणे टाळतात, परंतु दोघेही सोशल मीडियाद्वारे एकमेकांवरील प्रेम व्यक्त करण्याची एकही संधी सोडत नाहीत. अथिया आणि केएल राहुल लग्न करणार असल्याचा दावा बऱ्याच दिवसांपासून केला जात आहे. लग्नाशी संबंधित माहितीही अनेक रिपोर्ट्समधून समोर आली आहे. मात्र, आता अथिया शेट्टीचे वडील आणि अभिनेता सुनील शेट्टी (Suniel Shetty) यांनी या कपलच्या लग्नाच्या प्लॅनिंगबद्दल वक्तव्य केले आहे.

चाहत्यांना अठीया आणि राहुलची जोडी खूप आवडते. अथिया शेट्टी अनेकदा केएल राहुलसोबत क्रिकेट टूरवर जाताना दिसते. दोघेही एकमेकांना मागील 3 वर्षांपासून डेट करत आहेत. आता त्यांच्या लग्नाबाबत काय प्लॅनिंग आहे, यावर सुनील शेट्टीने उत्तर दिले आहे.

काय म्हणाले सुनील शेट्टी?

एका मीडिया पोर्टलशी संवाद साधताना सुनील शेट्टी यांना मुलीच्या लग्नाबाबत प्रश्न विचारण्यात आला. याव ते म्हणाले की, 'मला वाटतं ते मुलांनी ठरवलं की घडेल. राहुल सध्या आशिया कप, वर्ल्ड कप, दक्षिण आफ्रिका टूर, ऑस्ट्रेलिया टूरमध्ये व्यस्त आहे. जेव्हा मुलांना ब्रेक मिळेल, तेव्हाच लगन होईल. इतर दिवसांत लग्न होऊच शकत नाही.

पाहा व्हिडीओ :

मीडिया रिपोर्टनुसार केएल राहुल आणि अथिया शेट्टी दोघेही एकत्र एकाच घरात शिफ्ट झाले आहेत. दोघे लिव्ह इन रिलेशनशिपमध्ये राहत असल्याचे बोलले जात आहे. त्यांना वांद्रे येथील कार्टर रोडवर एक घर घेतले आहे. केएल राहुल सध्या झिम्बाब्वेसोबतच्या क्रिकेट सामन्यात व्यस्त आहे. ही जोडी त्यांच्या नवीन घरात शिफ्ट झाल्यापासून लग्नाच्या बातम्यांनी पुन्हा एकदा जोर धरला आहे.

राहुलसोबतच्या नात्यावर अथिया म्हणते...

काही दिवसांपूर्वी एका मुलाखतीमध्ये अथियाला केएल. राहुलसोबतच्या नात्याबद्दल प्रश्न विचारण्यात आला. या प्रश्नाला अथियानं उत्तर दिलं होतं, 'मी अशा प्रश्नांना उत्तर देत नाही. मी अशा प्रश्नांवर हसते. लोकांना जो विचार करायचा आहे तो करू देत.' अथिया आणि राहुल त्यांचे रोमँटिक फोटो सोशल मीडियावर शेअर करत असतात. राहुलनं व्हॅलेंटाईन डेनिमित्त अथियासोबतचा फोटो शेअर केला होता. या फोटोला त्यानं कॅप्शन दिलं, ,'Happy ❤️ day'  अथिया आणि राहुलच्या या फोटोनं अनेकांचं लक्ष वेधलं होतं.

अथियाचे चित्रपट

अथियाने 2015 मध्ये अॅक्शन फिल्म 'हिरो'मधून बॉलिवूमध्ये पदार्पण केले होते. ‘मुबारकान’, ‘नवाबजादे’ आणि ‘मोतीचूर चकनाचूर’ या चित्रपटांमध्ये अथियाने महत्वाची भूमिका साकारली आहे. अथियाच्या अभिनयाला प्रेक्षकांची पसंती मिळाली.

हेही वाचा: