Aamir Khan : आमिर खानने चाहत्यांना दिले बर्थ डे गिफ्ट; 'अंदाज अपना अपना'च्या सिक्वेलवर मोठी अपडेट
Aamir Khan : आमिर खानने आपल्या कारकिर्दीतील सुपरहिट आणि आयकॉनिक चित्रपट 'अंदाज अपना अपना'च्या सिक्वेलबाबत मोठी अपडेट दिली आहे.
Aamir Khan : बॉलिवूडचा 'मिस्टर परफेक्शनिस्ट' आमिर खानने (Aamir Khan) गुरुवारी, 14 मार्च रोजी आपला 59 वा वाढदिवस साजरा करत 60 व्या वर्षात पदार्पण केले. आमिर खानने आपल्या वाढदिवसाच्या निमित्ताने सोशल मीडियावर लाईव्ह येत चाहत्यांशी संवाद साधला. यावेळी बोलताना आमिर खानने आपल्या कारकिर्दीतील सुपरहिट आणि आयकॉनिक चित्रपट 'अंदाज अपना अपना'च्या (Andaz Apna Apna) सिक्वेलबाबत मोठी अपडेट दिली आहे.
30 वर्षांपूर्वी रिलीज झालेल्या राजकुमार संतोषी यांच्या 'अंदाज अपना अपना' या चित्रपटाने धमाल केली. सलमान खान आणि आमिर खानची जोडी हिट ठरली होती. या चित्रपटात करिश्मा कपूर आणि रवीना टंडन यांच्याही भूमिका होत्या. गेल्या काही वर्षांपासून याच्या सिक्वलबाबतच्या बातम्या चर्चेत होत्या. मात्र, त्यावर कोणतीही अधिकृत माहिती समोर आली नव्हती. आता आमिर खानने यावर अपडेट दिली आहे.
आमिर खानने सिक्वेलवर काय म्हटले?
आमिर खानने लाइव्ह सेशनमध्ये म्हटले की, दिग्दर्शक राजकुमार संतोषी हे अंदाज अपना अपना-2 च्या सिक्वेलवर काम करत आहेत. सध्या हे प्राथमिक स्तरावर आहे. त्यामुळे अतिउत्साहीपणाने यात भाष्य करणे थोडं घाईचे होईल असेही आमिर खानने स्पष्ट केले.
View this post on Instagram
बॉक्स ऑफिसवर मिळाला होता थंड प्रतिसाद
1994 मध्ये रिलीज झालेला 'अंदाज अपना अपना' चित्रपटाने बॉक्स ऑफिसवर सरासरी कमाई केली होती. पण हा चित्रपट हिंदी चित्रपटसृष्टीतील एक कल्ट चित्रपट ठरला. या चित्रपटाच्या शूटिंगदरम्यान आमिर-सलमान आणि करिश्मा-रवीना यांच्यातील भांडणही चर्चेत होते. आमिर खान आणि सलमान खान यांना समान प्रमाणात स्क्रिन टाइम देण्याचे आव्हानही राजकुमारी संतोषी यांच्यासमोर होते. या चित्रपटात परेश रावल, शक्ति कपूर, विजू खोटे, शहजाद खान, जावेद खान यांच्या भूमिकेने धमाल उडवून दिले. 'अंदाज अपना अपना' हा चित्रपट छोट्या पडद्यावर झळकल्यानंतर प्रेक्षकांची त्याला पसंती मिळाली. चित्रपटातील संवाद आजही लोकांच्या आठवणीत आहेत.
महत्त्वाच्या बातम्या
