Aaliya Siddiqui : आलिया सिद्दीकीच्या अडचणीत वाढ; जवळच्या मैत्रिणीने दाखल केला गुन्हा

Aaliya Siddiqui : आलिया सिद्दीकीच्या एका जवळच्या मैत्रिणीने आता तिच्याविरोधात गुन्हा दाखल केला आहे.

Aaliya Siddiqui Nawazuddin Siddiqui

Aaliya Siddiqui : बॉलिवूड अभिनेता नवाजुद्दीन सिद्दीकी (Nawazuddin Siddiqui) सध्या वैयक्तिक आयुष्यामुळे चर्चेत आहे. पत्नी आलियाने (Aaliya Siddiqui) त्याच्यावर अनेक गंभीर आरोप केले आहेत. त्यानंतर नवाजने हे आरोप फेटाळून लावले होते. आता आलियाच्या एका जवळच्या मैत्रिणीनेदेखील तिच्याविरोधात गुन्हा दाखल केला आहे. 

आलिया सिद्दीकीच्या अडचणीत दिवसेंदिवस वाढ होत आहे. आलियाने नवाजवर गंभीर आरोप केले होते. त्यानंतर नवाजने ट्वीट करत तिचे आरोप फेटाळून लावले. दरम्यान आता आलियाची जवळची मैत्रिण मंजू गढवालने तिच्याविरोधात गुन्हा दाखल केला आहे. 

मंजू गढवालने काय आरोप केले आहेत? 

मंजू गढवाल ही आलियाची जवळची मैत्रिण असून तिने तिच्यावर गंभीर आरोप केले आहेत. आलियाने मंजूकडून लाखो रुपये उसने घेतले होते आणि ते पैसे आलियाने अजून मंजूला परत केलेले नाहीत. याबद्दल बोलताना मंजू म्हणाली,"आलियाने चार वर्षांपूर्वी एका सिनेमाची निर्मिती करण्यासाठी माझ्या आई-वडिलांकडून 50 लाख रुपये घेतले होते. अद्याप तिने हे पैसे परत केलेले नाहीत. तसेच तिने माझ्याकडून 27 लाख रुपये उसने घेतले होते. त्या सिनेमाच्या कार्यकारी निर्मात्यालादेखील तिने अद्याप सात लाख रुपये परत केलेले नाहीत".

मंजू पुढे म्हणाली,"आलियाचा सिनेमा प्रदर्शित होण्यापूर्वी तिने मला चेक दिला होता, पण तो बाऊन्स झाला. त्यानंतर तिने 14 फेब्रुवारी 2023 पर्यंत सर्व पैसे देईल असं सांगितलं होतं. पण अद्याप तिने मला पैसे दिलेले नाहीत. त्यामुळेच आता मी आलिया विरोधात गुन्हा दाखल केला आहे".

 

 

 

 

 

View this post on Instagram

 

 

 

 

 

 

 

 

 

 

 

A post shared by Aaliya Siddiqui (@aaliyanawazuddin)

आलिया गेल्या काही दिवसांपासून नावजवर वेगवेगळे आरोप करत होती. पण नवाज मात्र शांत होता. पण एकेदिवशी मुलांसाठी त्याने ट्वीट करत मौन सोडलं आणि यासंपूर्ण प्रकरणाबद्दल भाष्य केलं. त्यानंतर चाहत्यांसह बॉलिवूडच्या अनेक कलाकारांनी सोशल मीडियाच्या माध्यमातून नवाजचं समर्थन केलं. 

आलियाने नवाजुद्दीनवर काय आरोप केले आहेत? 

नवाजुद्दीन मुलांना दूर करत असल्याचा आरोप आलियाने केला आहे. तसेच गैरवर्तन, जेवण न देणे, खोलीत बंद करणे, मुलांच्या शिक्षणाचा खर्च न उचलणे अशा अनेक आरोपांचा यात समावेश आहे. आता पुन्हा एकदा आलियाने सोशल मीडियावर पोस्ट शेअर करत नवाजुद्दीनवर गंभीर आरोप केले आहेत. 

संबंधित बातम्या