'आवडते मला रूचिता .. ' विशालनं जाहीरपणे दिली प्रेमाची कबुली? बिग बॉसच्या घरात प्रेमाचा नवा अंक; video
या प्रोमोवर अनेकांनी प्रतिक्रिया व्यक्त केल्या आहेत. अनेकांनी विशाल आणि रुचिता यांना खुला सपोर्ट केला आहे. तर काहींनी या दोघांना ट्रोल केला आहे.
Bigg Boss Marathi 6: बिग बॉसचं सहावं पर्व सध्या वादळी ठरत आहे.रोज नवनवे ट्विस्ट घरात दिसत आहेत. पाचवा आठवड्यात करण सोनावणे आणि आयुष संजीव या दोन स्पर्धकांनी बिग बॉसच्या घरातून एक्झिट घेतली. दुसरीकडे वाईल्ड कार्ड एन्ट्री घेत घरात आलेली राखी सावंतही घराबाहेर जाणार असल्याची चर्चा आहे. दरम्यान या आठवड्यातही दोन सदस्य घराबाहेर जाणार असल्याचं रितेश भाऊंनी भाऊच्या धक्क्यावर सांगितलं होतं. दुसरीकडे करण सोनावणे एलिमिनेट झाल्यामुळे बिग बॉसच्या घरातील एक लव स्टोरी अपूर्ण राहिल्याची चर्चा आहे . करण आणि प्राजक्ता शुक्रे यांच्यातील नातं प्रेक्षकांमध्ये चर्चेत होता. मात्र त्याच्या एक्झिटमुळे प्रेक्षकांची चांगलीच निराशा झाली आहे . पण ही लव स्टोरी अपूर्ण राहिली असली तरी एक नवीन लव्ह स्टोरी आकाराला येत आहे. हा लव अँगल आहे रुचिता जामदार आणि विशाल कोटीयन यांचा . बिग बॉसच्या घरात विशालने रुचितावर प्रेम असल्याची कबुली दिली आहे.कलर्स मराठीने शेअर केलेला आहे का प्रोमोमध्ये हे दिसतय. त्यामुळे प्रेक्षकांच्याही उत्सुकता ताणल्या गेल्यात.
बिग बॉसच्या घरात नेमकं झालं काय?
बिग बॉसच्या घरातील एका प्रोमोमध्ये रुचिता जामदार अनुश्रीसोबत बोलत असते. तनुश्रीला म्हणते ' मला आवडतो त्याचा प्रेझेंस. घरातले लोक जेव्हा माझ्या चुकांबद्दल बोलत असतात तेव्हा तो कायम माझ्या पॉझिटिव्ह गोष्टींवर बोलतो. मी त्याच्याशी खूप अटॅच्ट आहे. खूप म्हणजे खूप ! ' अनुश्री याबद्दल विशालला बोलते. नंतर विशाल रुचिताकडे येतो आणि तिला म्हणतो की' तू मला का नाही सांगितलं हे आधी ' पण अनुश्रीसोबत बोलताना विशाल म्हणालेला की आमच्यामध्ये 15 वर्षांचा फरक आहे, एखादीच अशी व्यक्ती असते जे आपल्याला असे आवडू शकते. आणि तशी ती मला आवडते ' यावेळी दिपाली सय्यद म्हणते, की यांनी बिग बॉसच्या घराबाहेरही हे चालू ठेवावं.. त्यावर रुचिता दिपालीवर चिडताना दिसली.
View this post on Instagram
नॉमिनेशन टास्कच्या एका प्रोमोमध्ये विशाल जाहीरपणे कबूल करताना दिसतोय की रुचिता त्याला आवडते. त्यामुळे दोघांच्याही एकमेकांकडे असलेल्या सॉफ्ट कॉर्नरची प्रेक्षकांमध्ये एकच चर्चा आहे. या प्रोमोवर अनेकांनी प्रतिक्रिया व्यक्त केल्या आहेत. अनेकांनी विशाल आणि रुचिता यांना खुला सपोर्ट केला आहे. तर काहींनी या दोघांना ट्रोल केला आहे. अनेकजण दोघांनाही घराबाहेर काढा अशी मागणी करत आहेत.एका युजरने लिहिलं ' एकतर रुचिताला घराबाहेर काढा किंवा त्या म्हाताऱ्या विशालला तरी ' अनेकजण रुचिता या आठवड्यात घराबाहेर जाईल अशी शक्यता वर्तवत आहेत.
महत्त्वाच्या बातम्या
