Bigg Boss Marathi Rakhi Sawant: बिग बॉस मराठीच्या घरात राखी सावंतची Wild Card एन्ट्री ? बिग बॉस मधील स्पर्धकाने दिली हिंट
याबद्दल बिग बॉसच्या घरातीलच एका स्पर्धकाने घरात जाण्यापूर्वी राखी बद्दल केलेलं वक्तव्य सध्या चर्चेत आहे.
Bigg Boss Marathi 6: सीजन सुरू झाल्यापासूनच बिग बॉस मराठीचे सहावे पर्व वादळी ठरू लागले आहे. सर्वच स्पर्धक बिग बॉसच्या घरात आपलं अस्तित्व टिकवण्यासाठी वाट्टेल ते करताना दिसत आहेत. घरात होणाऱ्या टास्क पासून ते भांडणांपर्यंत एकच धिंगाणा सुरू आहे. बिग बॉसच्या घरातील वादळी सुरुवात आता आणखी वादळी ठरण्याची शक्यता आहे. याचं कारणही तसंच आहे. आपल्या चित्रविचित्र, बिनधास्त आणि वादग्रस्त वक्तव्यांमुळे प्रसिद्ध असणारी अभिनेत्री राखी सावंत बिग बॉसच्या घरात वाइल्ड कार्ड एन्ट्री घेणार असल्याची चर्चा आहे. याबद्दल बिग बॉसच्या घरातीलच एका स्पर्धकाने घरात जाण्यापूर्वी राखी बद्दल केलेलं वक्तव्य सध्या चर्चेत आहे. (Rakhi Sawant Wild Card entry)
राखी सावंत बिग बॉसच्या घरात अनेकदा सहभागी झाली आहे. 2006 मध्ये बिग बॉसच्या पहिल्या सीजनमध्ये राखी सावंत स्पर्धक म्हणून आली होती. बिग बॉस हिंदी च्या 14 व्या आणि 15 व्या सीझन मध्येही तिने वाइल्ड कार्ड एन्ट्री घेत खळबळ उडवली होती. आता राखी बिग बॉस मराठीच्या सहाव्या पर्वत वाइल्ड कार्ड एन्ट्री घेत दाखल होणार असल्याचं बोललं जात आहे. दरम्यान याबाबत बिग बॉसच्या घरात असलेल्या एका स्पर्धकाने दिलेल्या मुलाखतीत तिचा उल्लेख केला होता.
मला 100 टक्के खात्री यावेळेस राखी सावंत येणार...
बिग बॉसच्या घरातील स्पर्धक सोनाली राऊतने 'नवशक्ती'ला दिलेल्या मुलाखतीत म्हटलं होतं की मला शंभर टक्के खात्री आहे यावेळेसही राखी सावंत येणार. कारण तिला बोलताना मी कुठेतरी ऐकलं होतं की, मला बिग बॉस मराठीमध्ये पुन्हा जायचं आहे. वाईल्ड कार्ड किंवा पाहुणी म्हणूनही मला बिग बॉसच्या घरात जायला आवडेल असं राखी म्हणाली होती. त्यामुळे मला शंभर टक्के खात्री आहे की ती येऊ शकते. " असं सोनाली राऊतने सांगितलं
राखी सोबतच्या असलेल्या समीकरणावर सोनाली म्हणाली" ती खूप चांगली आहे. मी जेव्हा बिग बॉसच्या आठव्या पर्वत गेले होते तेव्हा तिने मला खूप पाठिंबा दिला होता. आम्ही अनेक कार्यक्रमांमध्ये शोजमध्ये एकत्र असतो. यांना त्या कारणाने ती मला भेटत राहते. ती खूप एंटरटेनिंग आहे आणि मजेशीर आहे असं म्हणत सोनालीने राखी सावंतचं कौतुक केलं. ती पुढे म्हणाली मी आताही तिचे व्हायरल व्हिडिओ पाहते.तिचा एक डायलॉग आहे'कोई लढे . मरे . आवाज नीचे बस कदम पीछे . हा तिचा डायलॉग 2026 चा मंत्र असायला हवा" सोनाली राऊतच्या या वक्तव्यामुळे राखी सावंत खरंच बिग बॉस मराठी सहा मध्ये येते का याकडे प्रेक्षकांचे लक्ष लागले आहे .तिच्या एंट्रीने बिग बॉसचा सीजन धमाकेदार होणार यात शंका नाही.
महत्त्वाच्या बातम्या
