Big Boss 16 : 19 वर्षाच्या अब्दुवर फिदा जान्हवी कपूर; बिग बॉसच्या घरात शेअर केला फोन नंबर

Big Boss 16 : 'बिग बॉस 16' या लोकप्रिय शोच्या आगामी एपिसोडमध्ये अभिनेत्री जान्हवी कपूर स्पर्धक अब्दू रोजिकबरोबर फ्लर्ट करताना दिसणार आहे.

Big Boss 16

Big Boss 16 : बिग बॉसचा खेळ हा नेहमीच चर्चेचा विषय असतो. सध्या सुरु असलेला बिग बॉस सीझन 16 (Big Boss 16) हा देखील प्रेक्षकांना चांगलाच आवडू लागला आहे. दिवसेंदिवस या शोची रंगत आणखीनच वाढतेय. यामध्येच आता शोच्या नुकत्याच दाखविण्यात आलेल्या प्रोमोमध्ये जान्हवी कपूर (Janhvi Kapoor) बिग बॉसच्या घरात गेस्ट म्हणून एन्ट्री करणार आहे. या एपिसोडमध्ये जान्हवी कपूर चक्क 3 फूट उंचीच्या अब्दु रोजिकबरोबर (Abdu Rozik) फ्लर्ट करताना दिसणार आहे. जान्हवीला अब्दु इतका आवडला आहे की तिने चक्क आपला फोन नंबरही अब्दुला शेअर केला आहे. 

पाहा व्हिडीओ :

 

 

 

 

 

View this post on Instagram

 

 

 

 

 

 

 

 

 

 

 

A post shared by ColorsTV (@colorstv)

अब्दू रोजिक हा 'बिग बॉस 16' मधील सर्वात सुंदर स्पर्धकांपैकी एक आहे. अब्दुने बिग बॉसच्याघरात प्रवेश केल्यापासूनच तो सर्वांचा आवडता बनला आहे. ताजिकिस्तानचा रहिवासी असलेला 19 वर्षीय अब्दु रोजिक हा व्यवसायाने गायक असून आपल्या आवाजाने सर्वांना वेड लावतो. अब्दुला देशभरातून चाहत्यांचं प्रेम मिळत आहे. बिग बॉसच्या दाखविण्यात आलेल्या प्रोमोमध्ये जान्हवी अब्दूबरोबर फ्लर्ट करतानाही दिसणार आहे. त्यामुळे हा भाग पाहणं प्रेक्षकांसाठी पर्वणीच असणार आहे. 

जान्हवी कपूरचा 'मिली' (Mili Movie) चित्रपट 4 नोव्हेंबर 2022 रोजी म्हणजेच आज थिएटरमध्ये प्रदर्शित झाला आहे. सलमान खानच्या शो 'बिग बॉस 16' च्या शुक्रवारच्या एपिसोडमध्ये जान्हवी तिच्या सहकलाकार सनी कौशलबरोबर (Sunny Kaushal) तिच्या चित्रपटाचे प्रमोशन करण्यासाठी येणार आहे. हा प्रोमो सोशल मीडियावर चांगलाच व्हायरल होत आहे. 

जान्हवीने अब्दुला शेअर केला फोन नंबर 

जान्हवी आणि सनी बिग बॉसच्या घरात एन्ट्री घेत असल्याचे व्हिडीओमध्ये दिसत आहे. जान्हवी अब्दूला विचारते, "अब्दू आज मी कशी दिसतेय." अब्दू तिला सुंदर म्हणतो. यापूर्वी बिग बॉसमध्ये उपस्थित असलेल्या सर्व मुलींबरोबर फ्लर्ट करताना अब्दूने त्यांचा नंबर त्यांच्यासोबत शेअर केला होता. जान्हवीला अब्दुचा नंबरही आठवतो. त्यानंतर, जान्हवी अब्दूच्या कानात तिचा नंबर सांगते. यानंतर अब्दू म्हणतो की, "मी फोन करतो."

यावेळी जान्हवी कपूर निळ्या रंगाच्या थाई-हाय स्लिट गाऊन परिधान केला होता. तर, सनी ब्राउन ब्लेझरसह ब्लॅक आउटफिटमध्ये दिसला. दोघेही खूप छान दिसत होते.

अब्दू बिग बॉसचा नवा कॅप्टन 

सर्वांचा आवडता अब्दू बिग बॉसच्या घराचा नवा कॅप्टन होणार आहे. शेवटच्या एपिसोडमध्ये अर्चना, निमृत, शिव आणि गौतम यांना कॅप्टन निवडायचे होते. अब्दूने कॅप्टन व्हावे अशी प्रत्येकाची इच्छा आहे, कारण शोमध्ये एकच निष्पक्ष खेळू शकतो असा त्यांचा विश्वास आहे.