House Full : चार सिनेमात टक्कर, सिनेमागृहांबाहेर झळकतोय हाऊसफुल्लचा बोर्ड

House Full : अनेक सिनेमे सध्या बॉक्सऑफिसवर धुमाकूळ घालत आहेत.

House Full

House Full Boards : गेल्या काही दिवसांत अनेक बिग बजेट सिनेमे प्रदर्शित झाले आहेत. सिनेमागृह सुरू झाल्यापासून बॉलिवूडच्या दिग्गज कलाकारांचे सिनेमे एका पाठोपाठ एक प्रदर्शित होत आहेत. या स्पर्धेत मराठी सिनेमांनीदेखील त्यांचा दबदबा कायम ठेवला आहे. विकेंण्डला अनेक सिनेमागृहांबाहेर हाऊसफुल्लचा बोर्ड झळकत आहे. 

गंगूबाई काठियावाडी (Gangubai Kathiawadi) : आलिया भट्टचा  (Alia Bhatt)  बहुचर्चित  'गंगूबाई काठियावाडी' सिनेमा शुक्रवारी प्रदर्शित झाला आहे. प्रदर्शित होताच या सिनेमाने कोट्यवधींची कमाई केली आहे. या सिनेमाने पहिल्याच दिवशी 9.50-10 कोटींची कमाई केली होती. या सिनेमाचे दिग्दर्शन संजय लीला भन्साळींनी केले आहे. हा सिनेमा प्रेक्षकांच्या पसंतीस पडत असून सिनेमा पाहण्यासाठी प्रेक्षक सिनेमागृहात जात आहेत. 

पावनखिंड (Pawankhind) : 'पावनखिंड' सिनेमाचे पहिले पोस्टर प्रदर्शित झाल्यापासून प्रेक्षक या सिनेमाची प्रतीक्षा करत होते. हा सिनेमा 18 फेब्रुवारीला प्रेक्षकांच्या भेटीला आला आहे. पहिल्याच दिवसापासून या सिनेमाने बॉक्सऑफिसवर धुमाकूळ घातला आहे. 'पावनखिंड' सिनेमा पाहण्यासाठी प्रेक्षक सिनेमागृहात जात असून बऱ्याच सिनेमागृहांबाहेर हाऊसफुल्लचा बोर्ड झळकत आहे.  या सिनेमाला मिळणाऱ्या प्रतिसादामुळे प्रेक्षकांचे मराठी सिनेसृष्टीवर किती प्रेम आहे, हे पुन्हा एकदा अधोरेखित झाले आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Taran Adarsh (@taranadarsh)

भीमला नायक (Bheemla Nayak) : 'भीमला नायक' हा सिनेमा 25 फेब्रुवारी 2022 रोजी प्रेक्षकांच्या भेटीला आला आहे. 'भीमला नायक' सिनेमात पवन कल्याण पोलिस अधिकाऱ्याच्या भूमिकेत दिसत आहे. हा तेलुगू सिनेमा आहे. या सिनेमालादेखील प्रेक्षकांचा तुफान प्रतीसाद मिळत आहे. 

'वालीमाई' (Valimai) : बोनी कपूरचा 'वालीमाई' सिनेमा 24 फेब्रुवारीला सिनेमागृहात प्रदर्शित झाला आहे. हा सिनेमा तामिळ भाषेत प्रदर्शित झाला आहे. हा सिनेमादेखील बॉक्सऑफिसवर चांगली कमाई करतो आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha