Akshay Kumar On Mrunal Thakur Dhanush Marriage Rumours: धनुषसोबतच्या लग्नाच्या चर्चांवरुन अक्षय कुमारनं चिडवलं, मराठमोळ्या मृणाल ठाकूरनं प्रेमसंबंधांबाबत थेटच सांगून टाकलं
Akshay Kumar On Mrunal Thakur Dhanush Marriage Rumours: 'दो दिवाने शहर में' सिनेमाची टीम अक्षय कुमारचा गेम शो 'व्हील ऑफ फॉर्च्यून'मध्ये दिसलीय. ज्यामध्ये मृणाल ठाकूर, सिद्धांत चतुर्वेदी आणि दिग्दर्शक रवी उदयवर यांचा समावेश आहे.
Akshay Kumar On Mrunal Thakur Dhanush Marriage Rumours: मराठमोळी अभिनेत्री (Bollywood Actress) मृणाल ठाकूर (Mrunal Thakur) सध्या साऊथ सुपरस्टार (South Superstar) धनुषसोबतच्या (Dhanush) लग्नाच्या अफवांमुळे चर्चेत आहे. अशातच नुकताच मृणाल ठाकूर आणि सिद्धांत चतुर्वेदी (Siddhant Chaturvedi) यांचा 'दो दिवाने शहर में' (Do Deewane Shaher Mein) नवा सिनेमा रिलीज झाला आहे. हा सिनेमा अशा लोकांची कहाणी सांगतो, ज्यांना नेहमीच परिपूर्ण राहणं आवश्यक नसतं, हे शिकायला मिळतं. सिनेमाची टीम सध्या प्रमोशनमध्ये व्यस्त आहे. सिनेमाची टीम अक्षय कुमारचा (Akshay Kumar) गेम शो 'व्हील ऑफ फॉर्च्यून'मध्ये दिसलीय. ज्यामध्ये मृणाल ठाकूर, सिद्धांत चतुर्वेदी आणि दिग्दर्शक रवी उदयवर यांचा समावेश आहे. या भागात, अभिनेत्रीनं खुलासा केलाय की, ती सध्या रिलेशनशिपमध्ये नाही.
अक्षय कुमारच्या प्रश्नावर मृणाल ठाकूरचं थेट उत्तर
'व्हील ऑफ फॉर्च्यून' शोमध्ये अक्षय कुमार मृणाल ठाकूरला चिडवतो. "मृणाल, सोशल मीडियावर तुझ्याबद्दल खूप चर्चा आहे, तुझं सध्याचं रिलेशनशिप स्टेटस काय आहे?", हा प्रश्न ऐकून मृणालनं संकोच न करता उत्तर दिलं, "मी सध्या सिंगल आहे आणि मिंगल होण्यासाठी तयार आहे..." अक्षय कुमारनं मृणालच्या उत्तरावर क्षणाचाही विलंब न लावता लगेच प्रेक्षकांमधल्या एका व्यक्तीला उठवलं, त्या माणसानं लगेच उत्तर दिलं की, माझं लग्न झालंय.
अक्षय कुमार पुढे बोलताना प्रेक्षकांमधल्या त्या व्यक्तीला म्हणाला की, "अरे मी तुला मिंगल होण्यासाठी आमंत्रण दिलं नव्हतं..." दरम्यान, मृणाल ठाकूर आणि साऊथ सुपरस्टार अभिनेता धनुषसोबतच्या लग्नाच्या अफवा काही काळापासून सोशल मीडियावर फिरत होत्या. दरम्यान, अभिनेत्रीनं तिच्या उत्तरानं सर्व अफवांना पूर्णविराम दिला आहे.
View this post on Instagram
मृणाल ठाकरूचा नवा सिनेमा 'दो दीवाने शहर में'
रवी उदयवार दिग्दर्शित ही एक आधुनिक, वास्तववादी प्रेमकथा आहे. या सिनेमात सिद्धांत चतुर्वेदी आणि मृणाल ठाकूर मुख्य भूमिकेत आहेत. या दोघांव्यतिरिक्त, सिनेमा इला अरुण, जॉय सेनगुप्ता, आयशा रझा, विराज गेहलानी, संदीपा धर, दीपराज राणा, मोना आंबेगावकर, अचिंत कौर आणि नवीन कौशिक यांच्याही भूमिका आहेत. चित्रपटातील काही गाणी आधीच प्रदर्शित झाली आहेत आणि त्यांना प्रेक्षकांची पसंती मिळाली आहे. सोशल मीडियावरही या चित्रपटाबद्दल बरीच चर्चा आहे. आता, प्रेक्षकांकडून चित्रपटाला किती प्रतिसाद मिळतो हे पाहणं औत्सुक्याचं ठरणार आहे. संजय लीला भन्साळी यांच्या भन्साळी प्रॉडक्शन आणि झी स्टुडिओज अंतर्गत निर्मित, 'दो दीवाने शहर में' हा रोमँटिक ड्रामा 20 फेब्रुवारी रोजी प्रदर्शित होणार आहे.
महत्त्वाच्या इतर बातम्या :
महत्त्वाच्या बातम्या
