Divyaa Agarwal Husband Apurva Padgaonkar: प्रसिद्ध अभिनेत्रीचा संसार अडचणीत? बिझनेसमन नवऱ्यानं नात्यावर सोडलं मौन, चाहतेही झालेत चकीत
Divyaa Agarwal Husband Apurva Padgaonkar: एका भागात भव्या सिंहनं अभिनेत्री दिव्या अग्रवालच्या वैवाहिक आयुष्यावर प्रश्न उपस्थित केलेले. अशातच आता दिव्याचा पती अपूर्व पाडगावकरनं भव्याच्या आरोपांना उत्तर दिलं आहे.
Divyaa Agarwal Husband Apurva Padgaonkar: सध्या 'द 50' (The 50) हा रिअॅलिटी शो (Reality Show) चर्चेत आहे. या शोमध्ये सहभागी झालेले कलाकार, त्यांची भांडणं आणि त्यांच्याबद्दलचे गॉसिप्स यामुळे सोशल मीडियावर जोरदार चर्चांना उधाण आलं आहे. 'द 50' शोमध्ये कधीकधी भांडणं होतात, तर कधी एकमेकांवर चिखलफेकही केली जाते. अलिकडच्याच एका भागात भव्या सिंहनं अभिनेत्री दिव्या अग्रवालच्या (Divyaa Agarwal) वैवाहिक आयुष्यावर प्रश्न उपस्थित केलेले. अशातच आता दिव्याचा पती अपूर्व पाडगावकरनं (Apurva Padgaonkar) भव्याच्या आरोपांना उत्तर दिलं आहे.
घटस्फोटाच्या चर्चांदरम्यान अभिनेत्रीच्या पतीची पोस्ट
'द 50' शोमध्ये भव्यानं दावा केलाय की, दिव्या अग्रवालचं वैवाहिक आयुष्य सध्या कठीण काळातून जातंय. दिव्या आता तिचा पती अपूर्व पाडगावकरसोबत राहत नाही आणि त्यांच्या नात्यात दुरावा निर्माण झालाय. भव्या सिंहच्या दाव्यानंतर सोशल मीडियावर जोरदार चर्चांना उधाण आलं. अशातच व्हेलेंटाईन डेच्या निमित्तानं दिव्या अग्रवालचा पती अपूर्व पाडगावकरनं त्याची प्रेयसी दिव्यासाठी एक रोमँटिक पोस्ट शेअर केली आहे, ज्यामुळे भव्याचे दावे चुकीचे सिद्ध झाले आहेत.
अपूर्व पाडगावकरनं व्हॅलेंटाईन डेच्या दिवशी त्याच्या इंस्टाग्राम स्टोरीवर त्याची प्रेयसी दिव्या अग्रवालचा फोटो शेअर केला. कॅप्शनमध्ये त्यानं लिहिलेलं की, "हे मिस व्हॅलेंटाईन! शोमधून लवकर परत ये..."
दिव्या अग्रवालच्या टीमनं तिच्या इंस्टाग्राम स्टोरीवर जोडप्याचा एक रोमँटिक फोटोही पोस्ट केला. पोस्टच्या कॅप्शनमध्ये लिहिलंय की, "हमेशा रहने वाला प्यार... हमारे फेवरेट कपल को हैप्पी वैलेंटाइन्स डे..."
दिव्याच्या टीमनं आणि तिच्या पतीनं वैवाहिक अडचणीचे दावे खोटे ठरवलंय. व्हॅलेंटाईन डेच्या दिवशी दिव्या आणि अपूर्वनं एकमेकांसाठी केलेल्या रोमँटिक पोस्टवरून स्पष्टपणे दिसून येतंय की, ते एकमेकांवर खूप प्रेम करतात आणि त्यांचं नातं मजबूत आहे. दिव्या अग्रवालबद्दल बोलायचं झालंय तर, तिनं 2024 मध्ये पारंपारिक विवाह सोहळ्यात अपूर्व पाडगावकरशी लग्न केलं. त्यांचं लग्नाचं सेलिब्रेशन अनेक दिवस चालले. लग्नानंतर काही काळातच त्यांच्या घटस्फोटाच्या बातम्याही व्हायरल झाल्या. अपूर्वशी लग्न करण्यापूर्वी दिव्या वरुण सूदसोबत रिलेशनशिपमध्ये होती. ते लिव्ह-इन रिलेशनशिपमध्ये राहत होते, पण त्यांचं ब्रेकअप झालं. ब्रेकअपनंतर दिव्याला अपूर्व तिचा जीवनसाथी म्हणून सापडला. ते एकत्र आनंदी जीवन जगत आहेत.
महत्त्वाच्या इतर बातम्या :
महत्त्वाच्या बातम्या
