Akanksha Puri On Trollers: अभिनेत्रीनं पैठणीवर घातला बिकनी ब्लाऊज; महाराष्ट्राच्या महावस्त्राचा अपमान केल्याचा लावला जातोय आरोप, आता म्हणतेय, 'अनेकांनी कौतुक केलंय...'
Akanksha Puri On Trollers: 'फॅशन वीक'मध्ये पैठणी साडीवर बिकिनी स्टाइलचा ब्लाउज परिधान केल्यामुळे अभिनेत्री आकांक्षा पुरी चांगलीच चर्चेत आली. तिच्या या बोल्ड लूकवरून सोशल मीडियावर मोठा वाद निर्माण झाला. मात्र, या टीकेला उत्तर दिलंय. आकांक्षा पुरीनं ट्रोल्सना सडेतोड उत्तर दिलंय.
Akanksha Puri On Trollers: बॉलिवूड (Bollywood News), टेलिव्हिजन (Television News) आणि भोजपुरी सिनेसृष्टीत (Bhojpuri Movies) आपल्या दमदार अभिनयानं वेगळी ओळख निर्माण केलीय. पण, अभिनेत्री आकांक्षा पुरीला (Actress Akanksha Puri) खरी ओळख मिळाली ती, 'बिग बॉस' हिंदीमुळे. बऱ्याचदा मागचा-पुढचा कोणताही विचार न करता केलेल्या वक्तव्यामुळे आकांक्षाला ट्रोलिंगचा सामना करावा लागलेला. पण, आता सध्या ती तिच्या आऊटफिटमुळे चर्चेत आहे. नुकत्याच एका फॅशन वीकमध्ये आकांक्षा पुरी हिनं पैठणी साडी वेअर केलेली, पण त्यावर तिनं कोणताही पारंपारिक साज परिधान करण्याऐवजी बिकनी ब्लाउज (Bikini Blouse) वेअर केलेला. त्यामुळे ती प्रचंड ट्रोल झाली. पैठणी (Paithani Saree) म्हणजे, महाराष्ट्राचं महावस्त्र (Maharashtrache Mahavastra Paithani Saree) आणि आकांक्षा पुरीनं महाराष्ट्राचा आणि महाराष्ट्राच्या महावस्त्राचा अपमान केल्याचा आरोप तिच्यावर करण्यात आला. तसेच, तिला सोशल मीडियावर जोरदार ट्रोलही करण्यात आलं.
'फॅशन वीक'मध्ये पैठणी साडीवर बिकिनी स्टाइलचा ब्लाउज परिधान केल्यामुळे अभिनेत्री आकांक्षा पुरी चांगलीच चर्चेत आली. तिच्या या बोल्ड लूकवरून सोशल मीडियावर मोठा वाद निर्माण झाला. मात्र, या टीकेला उत्तर दिलंय. आकांक्षा पुरीनं ट्रोल्सना सडेतोड उत्तर दिलंय.
पैठणीवरुन झालेल्या ट्रोलिंगवर आकांक्षा पुरी काय म्हणाली? (Akanksha Puri On Paithani Saree)
आकांक्षानं पैठणीवरुन झालेल्या वादावर बोलताना म्हटलंय की, 'फॅशन वीक'मधला तिचा हा लूक पूर्णपणे डिझायनरच्या संकल्पनेवर आधारित होता आणि त्यात तिचा वैयक्तिक हस्तक्षेप नव्हता. 'बॉम्बे टाइम्स फॅशन वीक'मध्ये तिनं ही स्टाइल कॅरी केली होती. ज्येष्ठ डिझायनर रोहित वर्मा यांच्या शोमध्ये आकांक्षा गेस्ट म्हणून सहभागी झालेली. या कार्यक्रमात तिनं पारंपरिक महाराष्ट्रीयन पैठणी साडी नेसली होती, पण साडीपेक्षा तिच्या ब्लाउजनंच सगळ्यांचं अधिक लक्ष वेधून घेतलं आणि त्यावरच जास्त चर्चा रंगली.
View this post on Instagram
आकांक्षा पुरी म्हणाली की, "हा आऊटफिट रोहित वर्मा यांनी डिझाइन केलेला. त्यांच्या प्रतिभेवर माझा पूर्ण विश्वास आहे. जर त्यांनी मला ही साडी आणि ब्लाउज परिधान करण्यासाठी दिलं, तर त्यांनी नक्कीच अत्यंत विचारपूर्वक ते डिझाइन केलं असणार. एक कलाकार म्हणून, मी त्यांच्या दृष्टिकोनाचा आदर केला आणि अत्यंत आत्मविश्वासानं तो लूक आत्मसात केलाय..."
अभिनेत्रीच्या वर्कफ्रंटबाबत बोलायचं झालं तर, आकांक्षा आणि अश्मित पटेल यांचं नवं गाणं 'साडी फरमाईश' सध्या सोशल मीडियावर जोरदार 'ट्रेंड' होतंय. लवकरच आकांक्षा पडद्यावर भोजपुरी स्टार खेसारी लाल यादव यांच्यासोबत रोमान्स करताना दिसणार आहे.
महत्त्वाच्या इतर बातम्या :
महत्त्वाच्या बातम्या
