Aishwarya Narkar : 'नवरा फक्त नाचायच्या वेळीच असतो वाटतं', रिल्समुळे ऐश्वर्या नारकर पुन्हा ट्रोल, उत्तर देत म्हणाल्या 'आवाज...'
Aishwarya Narkar : ऐश्वर्या नारकर आणि अविनाश नारकर ही जोडी पुन्हा एकदा त्यांच्या रिल्समुळे ट्रोल झाले आहेत. पण त्या ट्रोलर्सना ऐश्वर्या नारकर यांनी चोख उत्तर दिल्याचं पाहायला मिळालं आहे.
Aishwarya Narkar : दिग्गज अभिनेत्री ऐश्वर्या नारकर (Aishwarya Narkar) यांच्या सौंदर्याचे आजही अनेक लाखो चाहते आहेत. त्यांच्या रिल्सचही सोशल मीडियावर चांगलेच पसंतीस उतरतात. पण त्यांच्या या रिल्समुळे त्यांना बऱ्याच प्रमाणत ट्रोलिंगला देखील समोरं जावं लागते. तसेच ऐश्वर्या नारकर यांच्या योगाचेही व्हिडीओ सोशल मीडियावर बरेच व्हायरल होत असतात. अशाच त्यांच्या योगाच्या व्हिडीओवर एकाने कमेंट करत त्यांना ट्रोल केलं. त्यावर ऐश्वर्या नारकर यांनी देखील चोख उत्तर दिल्याचं पाहायला मिळालं.
मालिका, सिनेमे आणि नाटकांमधून ऐश्वर्या नारकर या प्रेक्षकांच्या पसंतीस उतरल्या आहेत. त्यातच अविनाश नारकर आणि ऐश्वर्या नारकर यांची ऑनस्क्रिन जोडी देखील प्रेक्षकांच्या पसंतीस उतरते. त्यामुळे त्यांचे रिल्सही तितकेच पसंतीस उतरतात. या जोडीने अनेक मालिका आणि सिनेमांमध्ये एकत्र काम केलं आहे. सध्या सोशल मीडियावरही याच जोडीची हवा आहे.
ऐश्वर्या नारकर यांनी ट्रोलर्सना दिलं उत्तर
ऐश्वर्या नारकर यांच्या एका व्हिडीओवर कमेंट करत 'नवरा फक्त नाचायच्या वेळेसच असतो वाटतं, योगा करायला पण घेत जा', अशी कमेंट केली. त्यावर ऐश्वर्या नारकर यांनी त्या व्यक्तीचं सोशल मिडिया अकाऊंट शेअर करत म्हटलं की, 'स्वत:च्या दोन पोस्ट आणि आवाज किती तुमचा'. ऐश्वर्या नारकर यांच्या या पोस्टची सोशल मीडियावर बरीच चर्चा रंगली आहे.
View this post on Instagram
ऐश्वर्या नारकर यांच्या कामाबद्दल
ऐश्वर्या नारकर या सध्या झी मराठी वाहिनीवरील 'सातव्या मुलीची सातवी मुलगी' या मालिकेत खलनायिकेची भूमिका साकारत आहेत. त्यांची ही खलनायिकेची भूमिका प्रेक्षकांच्या देखील बरीच पसंतीस पडत आहे. तसेच ऐश्वर्या नारकर यांनी 'या सुखांनो या', 'लेक माझी लाडकी', 'स्वामिनी', 'श्रीमंताघरची सून' यांसारख्या प्रसिद्ध मालिकांमध्ये काम केलं आहे. त्याचप्रमाणे त्यांनी यलो, धडक यांसारख्या सिनेमांमध्येही काम केलं आहे.
ही बातमी वाचा :
महत्त्वाच्या बातम्या
ट्रेंडिंग न्यूज
