Asaduddin Owaisi: अससुद्दीन यांच्या गाडीवर गोळीबार करणाऱ्या दोघांना अटक, हल्ल्यासाठी वापरण्यात आलेले शस्त्र जप्त 

Owaisi Vehicle Attacked: खासदार अससुद्दीन ओवेसी यांच्या गाडीवर उत्तर प्रदेशात गोळीबार झाल्याची घटना घडली होती. हा मुद्दा लोकसभेत उपस्थित करण्यात आला होता.

Owaisi Vehicle Attacked

नवी दिल्ली: AIMIM चे खासदार अससुद्दीन ओवेसी यांच्या गाडीवर गोळीबार करणाऱ्या दोन व्यक्तींना अटक करण्यात मेरठ पोलिसांना यश आलं आहे. घटनास्थळी असलेल्या सीसीटीव्हीच्या माध्यमातून तपासस करत पोलिसांनी या दोघांना अटक केली.  गुरुवारी संध्याकाळी खासदार अससुद्दीन ओवेसी यांच्या गाडीवर गोळीबार झाल्याची घटना घडली होती. 

खासदार अससुद्दीन ओवेसी हे मेरठवरुर परतत असताना राष्ट्रीय महामार्ग 24 वर हापुडा-गाजियाबाद या ठिकाणी छिजारसी टोल प्लाझाजवळ त्यांच्या गाडीवर गोळीबार करण्यात आला. हल्लेखोरांनी यावेळी चार राऊंड फायर केले होते. त्या ठिकाणी असलेल्या सीसीटीव्हीच्या मदतीने पोलिसांनी या प्रकरणाचा तपास केला आणि दोन आरोपींना अटक केली. घटनेवेळी वापरण्यात आलेले हत्यार जप्त करण्यात आलं आहे. 

खासदार अससुद्दीन ओवेसी यांच्यावर गेल्या काही महिन्यात झालेला हा दुसरा हल्ला आहे. आज झालेल्या हल्ल्यानंतर एमआयएमचे खासदार इम्तियाज जलील यांनी हा मुद्दा लोकसभेत उपस्थित केला होता. 

 

AIMIM सांसद @imtiaz_jaleel ने डासना में @asadowaisi पर हुए जानलेवा हमलें का मुद्दा संसद में उठाया । जल्द से जल्द आरोपियों पर सख्त कार्रवाई की मांग की ।#Parliament #AttackOnOwaisi
https://t.co/DecDLSWJQr

— AIMIM (@aimim_national) February 3, 2022

खासदार अससुद्दीन ओवेसी यांच्या गाडीवर गोळीबार झाल्यानंतर त्यांच्या गाडी पक्चर झाली. त्यानंतर लगेच त्यांना दुसऱ्या गाडीतून सुखरुप ठिकाणी पोहोचवण्यात आलं होतं. या घटनेची तात्काळ दखल घेऊन मेरठ पोलीस अधीक्षक घटनास्थळी पोहोचले होते आणि त्यांनी तातडीने तपासाचा आदेश दिला होता. 

 

कुछ देर पहले छिजारसी टोल गेट पर मेरी गाड़ी पर गोलियाँ चलाई गयी। 4 राउंड फ़ायर हुए। 3-4 लोग थे, सब के सब भाग गए और हथियार वहीं छोड़ गए। मेरी गाड़ी पंक्चर हो गयी, लेकिन मैं दूसरी गाड़ी में बैठ कर वहाँ से निकल गया। हम सब महफ़ूज़ हैं। अलहमदु’लिलाह। pic.twitter.com/Q55qJbYRih

— Asaduddin Owaisi (@asadowaisi) February 3, 2022

संबंधित बातम्या :