राहुल गांधी याद राखा, जर आरक्षण संपवलं तर आम्ही काँग्रेस संपवल्याशिवाय राहणार नाही : रामदास आठवले
अनेक करोडो बहिणांना फायदा होणार आहे, कांद्याला चांगला भाव मिळाला पाहिजे असा प्रयत्न आहे, त्यासाठी निवडणुकीत महायुतीला निवडून द्यायचं आहे, असे केंद्रीय मंत्री रामदास आठवले म्हणाले.
Maharashtra Vidhan Sabha Election 2024 : मराठा आरक्षण मिळावं ही आमची भूमिका, पण आमच्यातील देऊ नका, आम्हालाच कमी दिलं आहे. जरांगे पाटील साहेब सरकारनं 10 टक्के आरक्षण देण्याचा निर्णय घेतला आहे. लाडकी बहिण योजना लोकप्रिय योजना आहे. अनेक करोडो बहिणांना फायदा होणार आहे, कांद्याला चांगला भाव मिळाला पाहिजे असा प्रयत्न आहे, त्यासाठी निवडणुकीत महायुतीला निवडून द्यायचं आहे, दलित जनतेला आवाहन आहे, महायुतीला निवडून द्यायचं असल्याचे केंद्रीय मंत्री रामदास आठवले यांनी म्हटले आहे. लंडनमध्ये स्मारक फडणवीस असताना बनवलं, 41 कोटीत घर विकत घेतलं. इंदू मिलची जागा 3 हजार 600 कोटींची जमीन आहे, आता स्मारक होत आहे. इंडिया गेटबाजूला स्मारक होत आहे.
आणि वाजवूया मविआचे बारा
राहुल गांधी याद राखा जर आरक्षण संपवलं तर आम्ही कांग्रेस संपवल्याशिवाय राहणार नाही, असा इशारा रामदास आठवले यांनी दिला. संविधान वाचवण्यासाठी महायुतीला मतदान करा. रामदास आठवले कविता करत म्हणाले की, वाढवायची आहे आपल्याला महाराष्ट्राची शान, साऱ्या देशाचे आहे नरेंद्र मोदींकडे ध्यान, महाराष्ट्र सुटलाय महायुतीचा वारा नरेंद्र मोदींसाठी जमलाय जनसमुदाय सारा देऊया भारत मातेचा नारा आणि वाजवूया मविआचे बारा. आठवले म्हणाले की, मोदी आल्यानंतर गडकरींना रस्ते विभाग दिला आणि अनेक ठिकाणी रस्ते झाले. स्टेशनची रेल्वे कनेक्टिविटी चांगली झाली आहे. शेतकऱ्यांना मदत होत आहे, लोकांना धान्य देण्यात येत आहे. 25 कोटी लोकं 10 वर्षात गरीबीवर आले आहेत. आपली आर्थिक स्थिती चांगली आहे, मविआवाले म्हणतात प्रगती नाही.
सोनिया गांधींनी पवारांना पंतप्रधान बनवलं नाही, पवारांवर अन्याय केला
त्यांनी सांगितले की, उद्धवजी आपण केलं काय? मविआ हाय हाय, उद्धवजी आपण केलं काय? घरात बसा, काही हरकत नाही. बाळासाहेब मला म्हणाले होते, शिवशक्ती भीमशक्ती सोबत आली पाहिजे. मी ज्यांच्यासोबत जातो त्यांचा विजय होतो, ज्यांच्याविरोधात जातो त्यांचा सत्यनाश होतो. उद्धवजी म्हणाले मी तिकडे जातो, मी म्हणालो जा, पण धनुष्यबाण इकडे येणार आहे. पवार साहेबांना म्हणालो मी इकडे आलो तर तुम्ही तिकडे काय करता आहात. सोनिया गांधींनी पवारांना पंतप्रधान बनवलं नाही, पवारांवर अन्याय केला. आपण लोकसभेत विरोधी पक्षनेते असताना आम्ही आपल्यासोबत होतो. तेव्हा सोनिया गांधींना बोललो की त्यांना संधी द्या, पण तसं काही झालं नाही.
इतर महत्वाच्या बातम्या
महत्त्वाच्या बातम्या
