Pune By-Poll Results 2023 LIVE Updates: चिंचवडमध्ये भाजपच्या उमेदवार अश्विनी जगताप 36 हजार मतांनी विजयी
Pune By-Poll Results LIVE Updates: चिंचवड आणि कबसा पेठ पोटनिवडणुकीचा निकाल आज जाहीर होणार आहे. पहिल्या दिवसापासून वादात राहिलेल्या पोटनिवडणुकीत मतदार राजानं कोणाला कौल दिलाय हे स्पष्ट होणार आहे.
Background
Pune By-Poll Results 2023 LIVE Updates: कसबा आणि पिंपरी चिंचवड पोटनिवडणूक पहिल्या दिवसापासून वादात आहे. या निवडणुकीच्या प्रचार सभेत कधी राडा झाला तर आज निवडणुकीच्या दिवशी बोगस मतदान झाल्याचा आरोप कऱण्यात आलाय. त्यामुळे ही निवडणूक चांगलीच चर्चेत आलीये. अशातच आज कसबा आणि चिंचवड पोटनिवडणुकीची मतमोजणी पार पडणार आहे. त्यामुळे मतदार राजानं कोणाच्या बाजूनं कौल दिलाय, हे आज स्पष्ट होणार आहे.
पुण्यातील चिंचवड (Chinchwad Bypoll) आणि कसबा (Kasaba Bypoll) पोटनिवडणुकीसाठीची आज मतमोजणी पार पडणार आहे. या निवडणुकीच्या निमित्तानं दिग्गजांची प्रतिष्ठा पणाला लागली आहे. भाजप (BJP) उमेदवाराच्या प्रचारासाठी केंद्रीय मंत्र्यांपासून ते राज्याचे मुख्यमंत्री, उपमुख्यमंत्री प्रचारात उतरले होते. भाजपने मोठी ताकद प्रचारात लावली होती. तर, दुसरीकडे महाविकास आघाडीचे अनेक दिग्गज नेत्यांनी प्रचारात सहभाग घेतला होता. त्यामुळे आज मतपेट्यांमधून कोण बाजी मारणार याकडे राज्याचे लक्ष लागले आहे.
कसब्यात भाजपच्या हेमंत रासने विरुद्ध कॉंग्रेसचे रविंद्र धंगेकर अशी थेट लढत आहे. कसब्यात या दोघांमध्ये सध्या चांगलीच चुरशीची लढत दिसत आहे. दोन्ही पक्षाकडून धुमधडाक्यात प्रचार झाला. स्ट्रेलिमा (The Strelema, Pune) या संस्थेने एक्झिट पोल जाहीर केला आहे. त्यात भाजपला धक्का बसेल असं सांगण्यात आलं आहे. कसब्यात भाजपचे उमेदवार हेमंत रासने यांचा पराभव होणार असून काँग्रेसचे रविंद्र धंगेकर हे 15,077 मताधिक्यांनी विजयी होतील असं सांगितलं आहे. तर चिंचवडची जागा भाजप राखणार असून त्या ठिकाणी अश्विनी जगताप या 32,351 मतांनी विजयी होतील, असा अंदाज स्ट्रेलिमा (The Strelema, Pune) या संस्थेने एक्झिट पोलमध्ये व्यक्त केला आहे. एक्झिट पोलनुसार, चिंचवडमध्ये राष्ट्रवादीचे उमेदवार नाना काटे यांना 93,003 मतं तर अपक्ष उमेदवार 60,173 मतं मिळणार असल्याचा अंदाज व्यक्त करण्यात येत आहे.
Pune By-Poll Election Results 2023 LIVE Updates : कसब्यात मतमोजणीच्या 20 फेऱ्या
मतमोजणी सकाळी आठ वाजता भारतीय खाद्य निगम (एफसीआय) गोदाम, कोरेगाव पार्क पुणे येथे सुरू होणार आहे. त्यासाठी मतमोजणीच्या 20 फेऱ्या होणार आहे. ईव्हीएम मतमोजणीसाठी 14 टेबल तर टपाली मतपत्रिकांसाठी आणि सर्व्हिस वोटर्ससाठीच्या इटीपीबीएससाठी (इलेक्ट्रॉनिकली ट्रान्समिटेड पोस्टल बॅलेट सिस्टीम) प्रत्येकी एक टेबल ठेवण्यात आला आहे. सर्वप्रथम टपाली आणि ईटीपीबीएसची मोजणी होईल. त्यानंतर ईव्हीएम मतमोजणीला सुरुवात होणार आहे. मतमोजणीसाठी प्रत्येक टेबलवर एक मतमोजणी पर्यवेक्षक, एक मतमोजणी सहायक आणि एक सूक्ष्म निरीक्षक असे एकूण सुमारे 50 अधिकारी-कर्मचारी नेमण्यात आले आहेत.
Pune By-Poll Election Results 2023 LIVE Updates : चिंचवडमध्ये मतमोजणीच्या 37 फेऱ्या
सकाळी आठ वाजेपासून थेरगाव येथील शंकर आण्णा गावडे कामगार भवन येथे होणार आहे. मतमोजणीच्या एकूण 37 फेऱ्या होणार आहेत. यासाठी प्रत्येकी 14 टेबल अधिक टपाली मतपत्रिकांसाठी एक टेबल असे एकूण 15 टेबल असणार आहेत. 18 पर्यवेक्षक, 18 सहायक आणि 18 सूक्ष्म निरीक्षकांची मतमोजणी कामकाजासाठी नेमणूक करण्यात आली आहे. मतमोजणी सुरू होण्यापूर्वी मतमोजणीसाठी नियुक्त केलेल्या कर्मचाऱ्यांची संगणकीय प्रणालीने सरमिसळ (रँडमायझेशन) करण्यात येणार आहे. त्यानुसार प्राप्त झालेल्या टेबलवरील कामकाज त्या कर्मचाऱ्यांना सोपवले जाणार आहे.
Ashwini Jagtap: चिंचवडमध्ये भाजपच्या उमेदवार अश्विनी जगताप 36 हजार मतांनी विजयी
चिंचवड मतदारसंघात भाजपचीच सरशी झाली आहे. भाजपच्या उमेदवार अश्विनी जगताप यांनी 36 हजारांच्या मताधिक्याने विजय मिळवला आहे. मतमोजणीच्या 37 व्या फेरीनंतर अश्विनी जगताप यांना 1 लाख 35 हजार 603 मते मिळाली. तर, राष्ट्रवादी काँग्रेसचे उमेदवार नाना काटे यांना 99 हजार 435 मते मिळाली. महाविकास आघाडीचे बंडखोर उमेदवार, अपक्ष उमेदवार राहुल कलाटे यांना 44 हजार 112 मते मिळाली. अश्विनी जगताप या 36 हजार 168 मतांच्या फरकाने विजयी झाल्यात.
Ashwini jagtap on chichwad bypoll election : दोन महिन्यांपूर्वी मी आमदार होईल असा विचारही केला नव्हता; अश्विनी जगताप
Ashwini jagtap on chichwad bypoll election : चिंचवडमध्ये दिवंगत आमदार लक्ष्मण जगताप यांच्या पत्नी अश्विनी जगताप या मोठ्या मताधिक्क्यानं विजय झाला आहेत. दोन महिन्यांपूर्वी मी आमदार होईल असा विचार ही केलं नव्हता. तेंव्हा साहेब माझ्या लक्ष्मण जगताप साहेब सोबत होते. मात्र आज ते आपल्यात नाहीत. त्यांची उणिव कायम असेल अशा भावना विजयी झाल्यानंतर अश्विनी जगताप यांनी व्यक्त केल्या आहे. मतमोजणी सुरु झाल्यापासून पहिल्या फेरीपासून त्या आघाडीवर होत्या त्यानंतर तीन फेरीत त्या पिछाडीवर गेल्या मात्र त्यांनी आघाडी कायम ठेवली होती.
महत्त्वाच्या बातम्या
