Maharashtra Assembly Elections 2024 : माढ्यात बबनदादा शिंदेंना मोठा झटका, अभिजीत पाटलांनी शिंदेंची खास माणसं फोडली
Madha Assembly Constituency : माढा विधानसभा मतदारसंघात शरद पवार गटाकडून अभिजीत पाटील, अपक्ष म्हणून रणजीत बबनदादा शिंदे आणि महायुतीकडून अजित पवार गटाच्या मीनल साठे या निवडणुकीच्या रिंगणात आहेत.
सोलापूर : महाराष्ट्र विधानसभा निवडणूक 2024 ची (Maharashtra Assembly Elections 2024) रणधुमाळी सुरु झाल्यानंतर राजकीय घडामोडींना वेग आला आहे. राज्यात एकाच टप्प्यात निवडणूक पार पडणार आहे. 20 नोव्हेंबरला मतदान पार पडणार आहे. तर 23 नोव्हेंबरला निवडणुकीचा निकाल लागणार आहे. राज्यात महायुती (Mahayuti) आणि महाविकास आघाडीत (Mahavikas Aghadi) सामना रंगणार असून गेल्या काही दिवसांपासून माढा विधानसभा मतदारसंघ राज्यभरात चर्चेत आला आहे. माढा विधानसभा मतदारसंघात (Madha Assembly Constituency) शरद पवार गटाकडून अभिजीत पाटील (Abhijeet Patil), अपक्ष म्हणून आमदार बबनदादा शिंदे (MLA Babandada Shinde) यांचे पुत्र रणजीत शिंदे (Ranjit Shinde) आणि महायुतीकडून अजित पवार गटाच्या मीनल साठे (Minal Sathe) या निवडणुकीच्या रिंगणात आहेत. आता अभिजीत पाटील यांनी बबन दादा शिंदे यांच्या गटाला मोठा धक्का दिला आहे.
माढा विधानसभेची निवडणूक अभिजीत पाटील यांच्या उमेदवारीनंतर दिवसेंदिवस चुरशीची बनत चालली असून बबनदादा शिंदे यांचे निकटवर्तीय भारत शिंदे यांनी अभिजीत पाटील यांना पाठिंबा दिल्याने आमदार शिंदे गटाला मोठा धक्का बसला आहे. यासोबत आमदार शिंदे यांचे कट्टर विरोधक म्हणून ओळख असणारे संजय कोकाटे यांनीही अभिजीत पाटील यांच्या प्रचारात उतरण्याचा निर्णय घेतल्याने शिंदे गटाच्या अडचणी वाढल्या आहेत.
अभिजीत पाटलांची ताकद वाढली
अभिजीत पाटील यांच्या काल रात्री तुळशी येथे झालेल्या सभेला विराट गर्दी झाल्याने शिंदे गट हादरून गेला आहे. एका बाजूला आमदार शिंदे गटाने शिवसेना संपर्कप्रमुख शिवाजी सावंत, ओबीसी नेते शिवाजीराजे कांबळे यांना आपल्या गोटात घेतल्याने अभिजीत पाटील थोडे बॅक फुटला गेले असे वाटत होते. मात्र अभिजीत पाटील यांनी थेट बबनदादा शिंदे यांचे निकटवर्तीय भारत शिंदे आणि कट्टर विरोधक संजय कोकाटे यांना एकाच दिवशी प्रचारात उतरवल्याने पुन्हा एकदा माढ्यात तुतारीची हवा सुरू झाली आहे. अभिजीत पाटील यांच्या प्रचाराची कमान ही खासदार धैर्यशील मोहिते पाटील सांभाळत असून महत्त्वाच्या सभांना माजी उपमुख्यमंत्री विजयसिंह मोहिते पाटील हे देखील उपस्थिती लावत आहेत. काल रात्री तुळशी येथे झालेली सभा ही या निवडणुकीतील सर्वात मोठी सभा झाल्याचे चित्र आहे. त्यामुळे आता अभिजीत पाटील वाढल्याचे दिसून येत आहे.
इतर महत्त्वाच्या बातम्या
'बटेंगे तो कटेंगे' घोषणेवर नवाब मलिकांचा एका शब्दात समाचार; भाजपला दाखवला आरसा
महत्त्वाच्या बातम्या
