Sanjay Gaikwad : संजय गायकवाड यांचा थेट केंद्रीय मंत्र्यांवर आरोप; बुलढाण्यात महायुतीत 'नॉट ऑल इज वेल?'
बुलढाण्याचे आमदार संजय गायकवाड हे विधानसभा निवडणुकीत फक्त आठशे मतांच्या मताधिक्याने निवडून आलेत. त्यामुळे अगदी काठावर पास झाल्याची भावना त्यांच्या चांगलीच जिव्हारी लागल्याचं समोर येत आहे.
Buldhana Vidhan Sabha Results : शिंदेंच्या शिवसेनेचे फायर ब्रँड नेते आणि बुलढाण्याचे आमदार संजय गायकवाड (Sanjay Gaekwad) हे विधानसभा निवडणुकीत (Buldhana Vidhan Sabha Constituency 2024) फक्त आठशे मतांच्या मताधिक्याने निवडून आलेत. त्यामुळे अगदी काठावर पास झाल्याची भावना त्यांच्या चांगलीच जिव्हारी लागल्याचं समोर येत आहे. आमदार संजय गायकवाड यांचा बुलढाण्यात एका कार्यक्रमात सत्कार झाला.
त्यावेळी बोलताना संजय गायकवाड म्हणाले की, निवडणुकीत मी एकटाच लढलो. माझ्यासोबत कुणीही नव्हतं.. इतकच काय तर मित्रपक्षानेही मला मदत केली नाही. तर जिल्ह्यातील केंद्रीय मंत्री प्रतापराव जाधव आणि आमदार संजय कुटे यांनी मदत तर सोडाच पण त्यांनी माझ्या विरोधात उमेदवाराचे तिकीट फायनल केल्याचा खळबळजनक गौप्यस्फोट आमदार संजय गायकवाड यांनी केल्याने जिल्ह्यासह राजकीय वर्तुळात खळबळ उडाली आहे. त्यामुळे जिल्ह्यातील शिंदे यांची शिवसेनेत अंतर्गत युद्ध तर मित्र पक्षांमध्येही " ऑल इज नॉट वेल ...!" असल्याच समोर आल आहे.
बुलढाण्यात महायुतीसह मित्र पक्षात 'नॉट ऑल इज वेल?
बुलढाणा मतदारसंघात शिवसेना शिंदे गटाचे संजय गायकवाड फक्त आठशे मतांनी विजयी झाले आहेत. त्यांनी उद्धव बाळासाहेब ठाकरे गटाच्या जयश्री शेळके यांचा पराभव केला. 2019 च्या विधानसभा निवडणूक निकालात बुलढाणाची जागाही शिवसेनाच्या संजय गायकवाड यांनीच जिंकली होती. तर परत एकदा बुलढाण्यात आमदार म्हणून संजय गायकवाड यांनाच पसंदी दिली आहे. बुलढाणा मतदारसंघात संजय गायकवाड यांना जवळपास 90 हजार मतदान झाले. तर उद्धव बाळासाहेब ठाकरे गटाच्या जयश्री शेळके यांना 88 हजार मतदान झाले. या काटे की टक्करमध्ये संजय गायकवाड यांनी बाजी मारली. मात्र थोडक्यात बचावेलेल्या संजय गायकवाड यांनी आपल्या घटलेल्या मताधिक्याचे खापर थेट केंद्रीय मंत्री आणि महायुतीच्या इतर नेत्यांवर फोडत आपल्या विरोधात काम केल्याचा आरोप केला आहे. या आरोपाने मात्र जिल्ह्यात एकच खळबळ उडाली आहे.
इतर महत्वाच्या बातम्या
महत्त्वाच्या बातम्या
