Beed Loksabha : बजरंग बप्पांनी बाजी मारली, बीडच्या हायहोल्टेज लढतीत पंकजा मुंडे यांचा पराभव
Beed Loksabha : बीड लोकसभा मतदारसंघातून शरद पवारांच्या राष्ट्रवादीचे उमेदवार बजरंग सोनवणे यांनी बाजी मारली. त्यामुळे भाजप उमेदवार पंकजा मुंडे पिछाडीवर पडताना दिसत आहेत.
Beed Loksabha : शरद पवारांच्या राष्ट्रवादीचे उमेदवार बजरंग सोनवणे यांनी 7 हजार मतांनी पंकजा मुंडेंचा पराभव केला आहे.. त्यामुळे हायहोल्टेज लढतीत मराठा आंदोलक मनोज जरांगे पाटलांचा फॅक्टर महत्वाचा मानला गेला. आता केवळ सहा मतदान यंत्र मतदान यंत्र मोजणे बाकी होती. त्यामध्येही बजरंग सोनवणेंनी बाजी मारली आहे. दिवसभर अटीतटीची लढत सुरु असताना शेवटच्या फेरीत बजरंग सोनवणेंनी विजय मिळवलाय.
पंकजा मुंडेंकडून बीड , गेवराई विधानसभा मतदारसंघात फेर मतमोजणीची मागणी करण्यात आली होती.
भाजप उमेदवार पंकजा मुंडेंकडून बीड , गेवराई विधानसभा मतदारसंघात फेर मतमोजणीची मागणी करण्यात आली होती. बीड लोकसभा मतदारसंघात अतिशय अटीतटीच्या लढतीत 32 व्या फेरीमध्ये निकाल समोर आला होता. 31 व्या फेरीनंतर पंकजा मुंडे 400 मतांनी आघाडीवर होत्या. मात्र, शेवटच्या फेरीपर्यंत बीडमध्ये ट्वीस्टवर ट्वीस्ट पाहायला मिळत आहेत. पंकजा मुंडे यांनी 34 हजारांचा लीड घेतला होता. तो बजरंग सोनवणे यांनी 4 ते 5 फेऱ्यांमध्ये मोडित काढला होता. आज सकाळपासूनच बीडमध्ये अटीतटीचा सामना पाहायला मिळत होता. बीड लोकसभा मतदारसंघ मराठा विरुद्ध ओबीसी राजकारणामुळे अतिशय संवेदनशील बनला होता. प्रत्येक फेरीत आघाडी घेणारा उमेदवार बदलत होता. त्यामुळे महाराष्ट्रात सर्वांत अटीतटीची लढत बीड लोकसभेत पाहायला मिळाली.
बीड लोकसभा मतदार संघात कोण कोणत्या फेरीत आघाडीवर ?
पहिली फेरी - बंजरंग सोनवणे 1359 मतांनी आघाडीवर
दुसरी फेरी - बजरंग सोनवणे 2349 मतांनी आघाडीवर
सहावी फेरी - बजरंग सोनवणे 1387 मतांनी आघाडीवर
सातवी फेरी - बजरंग सोनवणे 203 मतांनी आघाडीवर
दहावी फेरी - पंकजा मुंडे 11955 मतांनी आघाडीवर
11 वी फेरी - पंकजा मुंडे 2111 मतांनी आघाडीवर
12 वी फेरी - बजरंग सोनवणे 1644 मतांनी आघाडीवर
13 वी फेरी - बजरंग सोनवणे 6473 मतांनी आघाडीवर
15 वी फेरी - पंकजा मुंडे 3093 मतांनी आघाडीवर
18 वी फेरी - पंकजा मुंडे 24099 मतांनी आघाडीवर
19 वी फेरी - पंकजा मुंडे 24361 मतांनी आघाडीवर
20 वी फेरी - पंकजा मुंडे 16482 मतांनी आघाडीवर
21 वी फेरी - पंकजा मुंडे 33623 मतांनी आघाडीवर
22 वी फेरी - पंकजा मुंडे 38303 मतांनी आघाडीवर
23 वी फेरी - पंकजा मुंडे 34705 मतांनी आघाडीवर
24 वी फेरी - पंकजा मुंडे 30461 मतांनी आघाडीवर
25 वी फेरी - पंकजा मुंडे 22421 मतांनी आघाडीवर
26 वी फेरी - पंकजा मुंडे 10276 मतांनी आघाडीवर
27 वी फेरी - पंकजा मुंडे 7408 मतांनी आघाडीवर
28 वी फेरी - बजरंग सोनवणे 932 मतांनी आघाडीवर
29 वी फेरी - बजरंग सोनवणे 1217 मतांनी आघाडीवर
30 वी फेरी - बजरंग सोनवणे 2602 मतांनी आघाडीवर
31 वी फेरी - बजरंग सोनवणे 2688 मतांनी आघाडीवर
बीड लोकसभा मतदारसंघात भाजपने प्रीतम मुंडे यांचा पत्ता कट करत पंकजा मुंडे यांना मैदानात उतरवले होते. तर शरद पवारांच्या राष्ट्रवादीने बजरंग सोनवणे यांना आपल्या पक्षात खेचत उमेदवारी दिली होती. बीड लोकसभेत मतमोजणीच्या एक दिवसापूर्वी वातावरण चांगलच तापलेलं पाहायला मिळालं होतं. बजरंग सोनवणे येथे थेट निवडणूक अधिकाऱ्यांशी बाचाबाची झाली होती.
बीडमध्ये सोनवणे वि. मुंडे अटीतटीची लढत
बीड लोकसभा मतादरसंघातील लढत ही अत्यंत महत्वपूर्ण मानली जात होती. कारण या मतदारसंघात दिग्गजांची प्रतिष्ठा पणाला लागली आहे. पंकजा मुंडे यांच्यासाठी पंतप्रधान नरेंद्र मोदींनी मतदारसंघात जाहीर सभा घेतल्या होत्या. तर बजरंग सोनवणे यांच्यासाठी देखील शरद पवारांनी ताकद लावली होती. त्यामुळं ही लढत अत्यंत तुल्यबळ मानली जात आहे.
मराठा आरक्षणाचा मुद्दा तापला
बीड लोकसभा मतदारसंघात मराठा आरक्षणाचा मुद्दा सर्वांत तापलेला पाहायला मिळाला. मराठा आरक्षणाच्या मुद्द्यामुळे आणि मनोज जरांगे फॅक्टरमुळे मराठवाड्यातील अनेक जागांवर भाजपला पराभव स्वीकारावा लागल्याच्या चर्चा आहेत. बीडमध्ये लोकसभा निवडणूकीत सर्वांत मोठा परिणाम झाल्याचे बोलले गेले. ओबीसी विरुद्ध मराठा वादाने या मतदारसंघात जोर धरला होता.
इतर महत्वाच्या बातम्या
महत्त्वाच्या बातम्या
