Mumbai Crime: मुंबईच्या गोवंडीत अंगाचा थरकाप उडवणारा प्रकार; 18 वर्षांच्या तरुणाला चॉपरने सपासप वार करुन संपवलं
Mumbai Crime: मुंबई उपनगरातील गोवंडी परिसरात अंगाचा थरकाप उडवणारा एक व्हिडीओ समोर आला आहे.
Mumbai Crime मुंबई: गेल्या काही दिवसांमध्ये पुण्यापाठोपाठ मुंबईतही गुन्हेगारी घटनांचे (Mumbai Crime) प्रमाण झपाट्याने वाढताना दिसत आहे. पुण्यातील कोयता गँगचे किस्से आतापर्यंत कानावर येत होते. मात्र, मुंबई उपनगरातील गोवंडी परिसरात अंगाचा थरकाप उडवणारा एक व्हिडीओ समोर आला आहे.
गोवंडी परिसरात पूर्ववैमन्यसातून एका 18 वर्षीय तरुणाची निर्घृणपणे हत्या करण्यात आली. या तरुणाचे नाव सईद पठाण असे होते. एका जुन्या वादातून तीन अल्पवयीन मुलांनी सईदवर जीवघेणा हल्ला केला. या घटनेचे चित्रण एका व्यक्तीने मोबाईलमध्ये केले. हा व्हिडीओ सोशल मीडियावर व्हायरल होत आहे. या व्हिडीओमध्ये एक तरुण खाली निपचित पडलेल्या सईद पठाण याच्या डोक्यावर चॉपरने सपासप वार करताना दिसत आहे.
याप्रकरणी गोवंडी पोलिसांनी तीन अल्पवयीन तरुणांना ताब्यात घेतले आहे. या तिघांनी तलवार आणि चॉपरने वार करुन सईदची हत्या केली. व्हिडीओमध्ये सईद पठाण हा तरुण रक्ताच्या थारोळ्यात जमिनीवर निपचित पडलेला दिसत आहे. मात्र, तरीही त्याच्यावर हल्ला करणारा एक तरुण चॉपरने त्याच्या डोक्यात वार करताना दिसत आहे. यावेळी रस्त्यावर आजुबाजूला लोकांची गर्दी दिसत आहे. काहीजण सईदला वाचवण्यासाठी पुढे येऊ पाहत होते. मात्र, हल्लेखोरांपैकी एकाने हातातला चॉपर हवेत फिरवून त्यांना लांबच राहण्याचा इशारा दिला. सईद पठाण पूर्णपणे मेल्याची खात्री पटल्यानंतर हल्लेखोर तिथून गेले. गोवंडीत भरदिवसा इतक्या निर्घृणपणे तरुणाची हत्या झाल्याने मुंबईत पोलिसांचा धाक उरलेला आहे की नाही, असा प्रश्न निर्माण झाला आहे.
अमरावतीत मसाज पार्लरवर धाड-
अमरावतीच्या राजकमल चौक ते राजापेठ रस्त्यावरील एका स्पा-मसाज सेंटरवर सिटी कोतवाली पोलिसांनी काल धाड टाकत स्पा भागीदारासह चार तरुण आणि तीन तरुणींना ताब्यात घेतले. या स्पा सेंटरवर मसाजच्या नावावर देहविक्रीचा व्यवसाय आणि तरुणीईचे अश्लील चाळे सुरू असल्याची तक्रार सिटी कोतवाली पोलिसांकडे करण्यात आली होती. यानंतर ही कारवाई करण्यात आली. एक वर्षापासून हा स्पा सुरु असल्याची माहिती समोर आली आहे. तसेच पोलिसांनी केलेल्या कारवाईमध्ये अनेक संशयास्पद साहित्य देखील जप्त करण्यात आले आहे. पोलिसांनी धाड टाकली तेव्हा काही अंडरगारमेंट्स बाथरुममध्ये आढळून आले. अमरावती शहराच्या मध्यवस्तीत अशाप्रकारे सुरू असलेल्या अवैध धंद्यांबद्दल काही लोकप्रतिनिधींनी चांगलाच संताप व्यक्त केला आहे. या प्रकाराची चौकशी सिटी कोतवाली पोलीस करत आहे.
संबंधित बातमी:
अमरावतीत मसाज पार्लरवर धाड, बाथरुममध्ये अंडरगारमेंट्स, तरुण मुली नको त्या अवस्थेत सापडल्या
महत्त्वाच्या बातम्या
