Pune Crime Ghaiwal Gang: घायवळ गँगच्या गुंडांना बघून रस्त्यावरचे कुत्रे भुंकायला लागले, कोथरुडमध्ये पोलिसांनी भाईंची धिंड काढली
Pune Crime: कोथरूड परिसरात क्षुल्लक कारणावरून सर्वसामान्य व्यक्तीवर गोळीबार करणाऱ्या कुख्यात निलेश घायवळ (nilesh Ghaywal) टोळीच्या गुंडांची कोथरूड परिसरात पोलिसांनी धिंड काढली आहे.
Pune Crime पुणे : पुण्यात अलीकडेच झालेल्या टोळीयुद्धानंतर सर्वसामान्य नागरिकांमध्ये दहशतीच वातावरण निर्माण झालं आहे. अशातच आता पोलिसांनी यावर उपाय म्हणून गुंडांना पोलिसी हिसका दाखवल्याचे बघायला मिळाले आहे. कोथरूड परिसरात कुख्यात निलेश घायवळ(nilesh Ghaywal) टोळीच्या सदस्यांनी एका सर्वसामान्य व्यक्तीवर गोळीबार केला. या गोळीबारात 36 वर्षीय प्रकाश धुमाळ (Prakash Dhumal) गंभीर जखमी झाले (Pune Crime News) असून त्यांच्या मानेला आणि मांडीला गोळ्या लागल्या आहेत. सध्या त्यांच्यावर सह्याद्री रुग्णालयात उपचार सुरू आहेत. दरम्यान हि घटना ज्या भागात घडली त्याच पुण्यातील कोथरूड परिसरामध्ये तरुणावर गोळीबार करणाऱ्या गुंडांची पोलिसांनी धिंड काढली आहे.
ज्या भागात दहशत, त्याच भागात पोलिसांनी काढली धिंड
गोळीबार करणाऱ्या कुख्यात गुंड निलेश घायवळ यांच्या गुंडांची कोथरूड परिसरात पोलिसांनी हि धिंड काढली आहे. यात मयूर कुंबरे, मयंक व्यास, गणेश राऊत, दिनेश फाटक, आनंद चादलेकर या पाचही जणांची पोलिसांनी धिंड काढली आहे. ज्या ठिकाणी या पाच जणांनी सामान्य नागरिकावर गोळीबार करून दहशत निर्माण केली होती त्याच भागातून आता पोलिसांनी दिंड काढल्याचे बघायला मिळाले आहे.
प्राथमिक माहितीनुसार, गाडीला साईड न दिल्याच्या क्षुल्लक कारणावरून ही जीवघेणी कारवाई करण्यात आली. गोळीबार होताच जीव वाचवण्यासाठी प्रकाश धुमाळ जवळील एका इमारतीकडे धावले. यावेळी स्थानिक सचिन गोपाळघरे यांनी धुमाळ यांना मदत केली. घायवळ टोळीतील मयूर कुंबरे याने थेट गोळीबार केल्याचे उघड झाले आहे. दरम्यान हा घटनेसह आरोपींना आणखी एका सामान्य नागरिकावर कोयत्याने हल्ला केल्याची माहिती समोर आली आहे. (Pune Crime News)
कोण आहे निलेश घायवळ?
निलेश बन्सीलाल घायवळ हा पुण्यातील कुख्यात गुंड म्हणून ओळखला जातो. तो मूळचा सोनेगाव, ता. जामखेडचा असून उच्चशिक्षित आहे. पुण्यात शिक्षणासाठी आल्यानंतर त्याने मास्टर इन कॉमर्सची डिग्री पूर्ण केली. मात्र, शिक्षण घेऊन नोकरी करण्याऐवजी तो गुन्हेगारी जगतात शिरला.
गजा मारणे गॅंगशी संबंध
2000 ते 2003 या काळात घायवळची भेट गजानन मारणे याच्याशी झाली. दोघांनी मिळून एका खुनाची घटना घडवली आणि सात वर्षांची शिक्षा भोगली. जेलमधून सुटल्यानंतर घायवळ आणि गजा मारणे यांच्यात आर्थिक व्यवहार आणि वर्चस्वाच्या कारणावरून वाद निर्माण झाला. यामुळे दोघांमध्ये वैराचे नाते तयार झाले.
महत्त्वाच्या बातम्या
