पेट्रोल पंपावर सूत जुळलं, विरोध करणाऱ्या लेकीचे आईनेच बनवले अश्लील व्हिडिओ; जोडपं 6 महिन्यांनी जाळ्यात

अल्पवयीन मुलीने आईचे आणि आईच्या प्रियकराचे प्रेम संबंध त्यांच्या घर मालकाला सांगितल्याने आईने हे कृत्य केल्याची माहिती समोर आली आहे.

pune love story of mother

Source : abp

पुणे : प्रियकराच्या मदतीनेच स्वतःच्या अल्पवयीन मुलीचे अश्लील व्हिडिओ व्हायरल केल्याची संतापजनक घटना पुण्यातून (pune) उघडकीस आली आहे. पोटच्या पोरीचे अश्लील व्हिडिओ काढत नराधम आईनेच ते स्वतःच्या प्रियकराला आणि नातेवाईकांना पाठवले. पुण्यातील बिबवेवाडी पोलिसांनी आता या नराधम आई आणि तिच्या प्रियकराला अटक केली आहे.  त्यानंतर, आज न्यायालयात हजर केले असता न्यायालयाने आईसह तिच्या प्रियकर आरोपीस 12 दिवसांची पोलीस (police) कोठडी सुनावली आहे. दरम्यान, 6 महिन्यांपूर्वीच या दोघांविरुद्ध पोक्सो अंतर्गत गुन्हा दाखल करण्यात आला होता. 

अल्पवयीन मुलीने आईचे आणि आईच्या प्रियकराचे प्रेम संबंध त्यांच्या घर मालकाला सांगितल्याने आईने हे कृत्य केल्याची माहिती समोर आली आहे. भारती विकास कुऱ्हाडे आणि तिचा प्रियकर गुरुदेव कुमार स्वामी या दोघांना पोलिसांनी अटक केली आहे. याप्रकरणी मागील वर्षी ऑक्टोबर महिन्यात 13 वर्षीय तरुणीने फिर्याद दिल्यानंतर हा गुन्हा दाखल झाला होता. मात्र, गुन्हा दाखल झाल्यापासून आई आणि तिचा प्रियकर फरार झाले होते.

26 एप्रिल पर्यंत पोलीस कोठडी

पुण्यातील बिबडेवाडी येथे तक्रारदार मुलीची आई सिक्युरीटी गार्डचं काम करत होती, तेथील एका पेट्रोल पंपावरील कामगारासोबत त्यांचं प्रेमप्रकरण जुळलं होतं. त्यातून, त्या कामगाराचे घरी येणं-जाणं वाढलं. मात्र, ही बाब मुलीला आवडत नसल्याने तिने घरमालाकास याबाबत माहिती दिली. त्यावरुन, माय-लेकीत वाद निर्माण झाला होता. सोलापूर, कोल्हापूर येथे गेल्या काही महिन्यांपासून ते दोघेही फिरत होते. मात्र, आम्हाला 2 दिवसांपूर्वी तांत्रिक क्लू मिळआला, माहिती मिळताच आम्ही खडकवासला येथून दोघांनाही अटक केली आहे. याप्रकरणी आरोपींना न्यायालयात हजर केले असता, दोघांनाही 26 एप्रिलपर्यंत पोलीस कोठडी देण्यात आली आहे, अशी माहिती पुण्यातील पोलिस उपायुक्त राजकुमार शिंदे यांनी दिली. 

काय आहे प्रकरण

आईनेच मुलीचे अश्लील व्हिडिओ काढत तिच्या बॉयफ्रेंडला मुलीसोबत अनैतिक संबंध ठेवायला सांगितले. हे व्हिडिओ नातेवाईकांनाही पाठवले. व्हिडिओ व्हायरल करत आई आणि तिचा बॉयफ्रेंड दोघेही फरार झाले. पुण्याच्या बिबवेवाडी परिसरात घडलेल्या या घटनेने संपूर्ण शहर हादरले आहे.  घटना घडल्याचे कळताच बिबवेवाडी पोलिसांनी काल (12 April) दोन्ही आरोपींना अटक केली आहे. स्वतःच्या अल्पवयीन मुलीसोबत  संतापजनक कृत्य करणाऱ्या भारती कुऱ्हाडे आणि तिचा प्रियकर गुरुदेव कुमारस्वामी या दोघांना बिबवेवाडी पोलिसांनी अटक केली. त्यांच्या चौकशीत अल्पवयीन मुलीने आईचे आणि तिच्या प्रियकराचे प्रेम संबंध त्यांच्या घरमालकाला सांगितल्याने हे कृत्य केल्याचे समोर आले आहे. या घटनेने मोठी खळबळ उडाली आहे.

हेही वाचा