Nashik Crime : घरात घुसून 18 वर्षीय तरुणाला संपवलं, शेजारी झोपलेल्या भावालाही समजलं नाही, नाशिक पुन्हा हादरलं!
Nashik Crime News : नाशिकच्या पंचशीलनगर येथे 18 वर्षीय तरुणाला घरात घुसून संपवण्यात आल्याचा धक्कादायक प्रकार घडला आहे. यामुळे नाशिक पुन्हा एकदा हादरले आहे.
Nashik Crime News नाशिक : शहरात गुन्हेगारीच्या घटनांमध्ये दिवसेंदिवस वाढ होत आहे. आता नाशिकमध्ये (Nashik) घरात घुसून एका 18 वर्षीय तरुणाची हत्या करण्यात आल्याची धक्कादायक घटना घडली आहे. गंजमाळ (Ganjamal) परिसरातील पंचशीलनगर (Panchshil Nagar) येथे ही घटना घडली आहे.
याबाबत अधिक माहिती अशी की, गंजमाळ परिसरातील पंचशील नगर येथे 18 वर्षीय तरुणाची घरात घुसून हत्या करण्यात आली. विशेष म्हणजे हत्या झाल्याचे शेजारी झोपलेल्या भावालाही कळले नाही. पांडू शिंगाडे (Pandu Shingade) असं हत्या करण्यात आलेल्या तरुणाचे नाव आहे.
हत्येचे कारण अद्याप अस्पष्ट
भरवस्तीत ही घटना घडल्याने एकच खळबळ उडाली आहे. पांडूवर शिंगाडे याच्यावर हल्ला करून हल्लेखोर फरार झाले आहेत. पांडूची हत्या कोणी आणि कशासाठी केली याचे कारण अद्याप अस्पष्ट आहे. अज्ञात मारेकऱ्यांविरोधात भद्रकाली पोलीस ठाण्यात गुन्हा दाखल करण्यात आला असून पोलिसांकडून या प्रकरणाचा तपास सुरू आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
