Nashik Crime : सर्वत्र वर्ल्डकप जिंकल्याचा जल्लोष, नाशकात मात्र टवाळखोरांकडून गोळीबार अन् कोयत्याने राडा; पाच जखमी

Nashik Crime News : विश्वचषक सामना संपल्यानंतर नाशिकरोड परिसरात आनंद व्यक्त करताना दोन गटात तुफान राडा झाल्याची धक्कादायक घडली. या राड्यात गोळीबार आणि कोयत्यांचा सर्रास वापर करण्यात आला.

Nashik Crime News

Nashik Crime News नाशिक : दोन दिवसापूर्वी नाशिकरोड (Nashik Road) येथील मुक्तीधाम मागे (Muktidham) असलेल्या हॉटेल मथुराचे नितीन सचदेव यांच्यावर कोयता आणि रॉडने मारहाण केल्याची घटना ताजी असतानाच विश्वचषक सामना संपल्यानंतर नाशिकरोड परिसरात आनंद व्यक्त करताना दोन गटात तुफान राडा झाल्याची धक्कादायक घडली आहे. या राड्यात गोळीबार (Firing) आणि कोयत्यांचा सर्रास वापर करण्यात आला असून यात पाच जण जखमी झाले आहेत. 
 
याबाबत अधिक माहिती अशी की, काल भारताने रोहित शर्माच्या (Rohit Sharma) नेतृत्त्वात टी 20 वर्ल्ड कपचे (T20 World Cup 2024) विजेतेपद मिळवलं. दक्षिण आफ्रिकेचा (South Africa) 7 धावांनी पराभव करत भारताने ऐतिहासिक विजय मिळवला. त्यामुळे संपूर्ण देशभरात उत्साहाचे वातावरण आहे. नाशिकरोड येथील विहितगाव परिसरातील मथुरा चौक येथे  विश्वचषक सामना संपल्यानंतर आनंद व्यक्त करताना देवळाली गाव आणि विहितगाव येथील गटात तुफान राडा झाला. यात गोळीबार आणि कोयत्यांचा वापर करण्यात आला.  

पाच जण जखमी 

यात एक गटाकडून युवकावर गोळीबार केल्याने एकाच्या मांडीला गोळी लागली. तर राड्यात झालेल्या मारहाणीत चौघे जण गंभीर जखमी झाले आहेत. जखमींना नाशिकरोड येथील खाजगी रुग्णालयात उपचारासाठी दाखल करण्यात आले असून त्यांच्यावर उपचार सुरू आहे. देवळाली गाव येथे राहणाऱ्या आकाश सोमनाथ पवार यांच्या मांडीला गोळी लागली आहे. जुन्या कुरापतीवरून झालेल्या मारहाणीत चार जण गंभीर जखमी झाले आहेत. 

दोन आरोपींना अटक 

गोळीबाराची माहिती मिळताच उपनगर पोलीस घटनास्थळी दाखल झाले. गोळीबार आणि हल्ल्या प्रकरणी दोन आरोपींना उपनगर पोलिसांनी अटक केली आहे. हल्ला कशामुळे झाला आणि गोळीबारात वापरण्यात आलेली बंदूक कुठून आली याचा अधिक तपास वरिष्ठ पोलीस निरीक्षक जितेंद्र सपकाळे यांच्या मार्गदर्शनाखाली पोलीस करीत आहेत.

इतर महत्वाच्या बातम्या