Mumbai Crime : लाईव्हस्ट्रीमिंग सुरु असताना खार परिसरात कोरियन यूट्यूबरचा विनयभंग, आरोपींना बेड्या

Mumbai Crime : मुंबई पश्चिम उपनगरातील खार परिसरात एका कोरियन यूट्यूबरचा लाईव्हस्ट्रीमिंगदरम्यान दोन तरुणांनी विनयभंग केल्याची घटना समोर आली आहे. खार पोलिसांनी या प्रकरणी सुमोटा गुन्हा दाखल करुन घेत आरोपी तरुणांना बेड्या ठोकल्या आहेत. 

khar police station

Mumbai Crime : मुंबई (Mumbai) पश्चिम उपनगरातील खार (Khar) इथे एका परदेशी महिला (Foreign Women) यूट्यूबरचा (YouTuber) विनयभंग (Molestation) केल्याचा धक्कादायक प्रकार घडला आहे. ही तरुणी व्हिडीओ शूट करत असताना स्थानिक तरुणांनी तिची छेड काढली. संबंधित तरुणी ही दक्षिण कोरियाची (South Korea) नागरिक आहे. या घटनेचा व्हिडीओ व्हायरल झाला आहे. खार पोलिसांनी या प्रकरणी सुमोटा गुन्हा दाखल करुन घेत आरोपी तरुणांना बेड्या ठोकल्या आहेत. मोबीन चांद मोहम्मद शेख (वय 19 वर्षे) आणि मोहम्मद नकीब सदरेआलम अन्सारी (वय 20 वर्षे) अशी अटक केलेल्या आरोपींची नावं आहेत.

नेमकं काय घडलं?
दोन दिवसांपूर्वी ही तरुणी खार रेल्वे स्थानकाजवळील रोड नंबर पाचवर लाईव्हस्ट्रीमिंग करत होती. यावेळी तिथे दोन तरुणांनी तिचा हात पडकून खेचण्याचा, जबरदस्ती करण्याचा आणि चुंबन घेण्याचाही प्रयत्न केला. मात्र या तरुणीने त्यांना दूर केलं. ही तरुणी घटनास्थळावरुन दूर जाऊ लागल्यानंतर तोच तरुण आपल्या एका मित्रासह बाईकवरुन पुन्हा तिच्या दिशेने आला आणि तिला जिथे जायचं आहे सोडण्याची ऑफर दिली. मात्र तिने त्याची ऑफर नाकारली, असं या व्हिडीओमध्ये दिसत आहे.

यूट्यूबरच्या फॉलोअरने संबंधित प्रकार ट्विटरवर शेअर केला
हा सर्व प्रकार तिच्या एका फॉलोअरने मुंबई पोलिसांना मेंशन करुन संबंधित व्हिडीओ ट्विटरवर शेअर केला. त्यात लिहिलं आहे की, "पीडित तरुणी ही दक्षिण कोरियाची नागरिक आहे. खार परिसरात लाईव्हस्ट्रीमिंग करत असताना काही स्थानिक तरुणांनी तिच्यासोबत गैरवर्तन केलं."

@MumbaiPolice A streamer from Korea was harassed by these boys in Khar last night while she was live streaming in front of a 1000+ people. This is disgusting and some action needs to be taken against them. This cannot go unpunished. pic.twitter.com/WuUEzfxTju

— Aditya (@Beaver_R6) November 30, 2022

तरुणीचं ट्वीट 
दरम्यान संबंधित यूट्बूरने देखील या घटनेबाबत ट्वीट केलं आहे. तिने लिहिलं आहे की, काल रात्री लाईव्हस्ट्रीमिंगदरम्यान एका तरुणाने मला त्रास दिला. हे प्रकरण फार वाढू नये आणि तिथून निघून जाऊ यासाठी मी पुरेपूर प्रयत्न केला, कारण तो त्याच्या मित्रासोबत होता. पण काही लोकांनी म्हटलं की मी फारच फ्रेण्डली वागू लागल्यामुळे आणि बातचीत सुरु केल्यामुळे हा प्रकार घडला. या घटनेने मला स्ट्रीमिंगबाबत पुन्हा एकदा विचार करण्यासाठी भाग पाडलं आहे.

Last night on stream, there was a guy who harassed me. I tried my best not to escalate the situation and leave because he was with his friend. And some people said that it was initiated by me being too friendly and engaging the conversation. Makes me think again about streaming. https://t.co/QQvXbOVp9F

— Mhyochi in 🇮🇳 (@mhyochi) November 30, 2022

सुमोटो गुन्हा दाखल करत पोलिसांनी आरोपींना बेड्या ठोकल्या
त्यानंतर तात्काळ खार पोलीस ठाणे सतर्क झाले. त्यांनी या प्रकरणाली तरुणीशी संपर्क करण्याचा प्रयत्न केला. मात्र ही तरुणी जबाब देण्याचा स्थितीत नव्हती. अखेर खार पोलिसांनी सुमोटो गुन्हा दाखल करत या तरुणांचा शोध सुरु केला. वांद्रे येथील रहिवासी असलेल्या या तरुणांना खार पोलिसांनी काल (30 नोव्हेंबर) रात्री अटक केली आहे. मात्र या प्रकरणाचा सोशल मीडियावर जोरदार निषेध सुरु झाला आहे.