![metaverse](https://cdn.abplive.com/imagebank/metaverse-top.png)
Beed Crime : पतसंस्थेच्या कॅशियरच्या डोक्याला लावली बंदूक, 39 लाख रक्कम लूटली, तिघंही पसार
Beed Crime : दैनंदिन कामकाज आटोपून दिवसभरात जमा झालेली जवळपास 39 लाख रुपयांची रक्कम सुरक्षित ठिकाणी ठेवण्यासाठी सेवकासोबत दुचाकीवरून निघाले होते.
![Beed Crime : पतसंस्थेच्या कॅशियरच्या डोक्याला लावली बंदूक, 39 लाख रक्कम लूटली, तिघंही पसार Maharashtra Beed Crime marathi news bank cashier threatened with pistol robbed of 39 lakhs Beed Crime : पतसंस्थेच्या कॅशियरच्या डोक्याला लावली बंदूक, 39 लाख रक्कम लूटली, तिघंही पसार](https://feeds.abplive.com/onecms/images/uploaded-images/2024/02/12/053b7f31f4f0757b95759efa9c9392391707726774239923_original.jpg?impolicy=abp_cdn&imwidth=1200&height=675)
Beed Crime : बीड जिल्ह्यातील अंबाजोगाईत धक्कादायक घटना घडली. दिवसभराचे कामकाज आटोपून पतसंस्थेत जमा झालेली रक्कम सुरक्षित ठिकाणी ठेवण्यासाठी निघालेल्या कॅशियरला तीन चोरट्यांनी रस्त्यात अडवून पिस्तूल आणि चाकूचा धाक दाखवून त्याच्या जवळील जवळपास 39 लाख रुपयांची रक्कम लुटल्याची घटना शुक्रवारी रात्री घडली.
पिस्तूल काढून त्यांनी कॅशिअरच्या डोक्याला लावली.
अंबाजोगाई शहरातील प्रख्यात असलेल्या राजर्षी शाहू पतसंस्थेचे कॅशियर गणेश देशमुख हे काल रात्री 8.30 वाजताच्या सुमारास दैनंदिन कामकाज आटोपून दिवसभरात जमा झालेली जवळपास 39 लाख रुपयांची रक्कम सुरक्षित ठिकाणी ठेवण्यासाठी सेवकासोबत दुचाकीवरून निघाले होते. ते मुकुंदराज कॉलनीत आले असता त्यांच्या पाळतीवर असलेल्या तिघा चोरटय़ांनी त्यांना अडविले. स्वतः जवळील पिस्तूल काढून त्यांनी ती देशमुख यांच्या डोक्याला लावली. पिस्तूल आणि त्यासोबत चाकूचा धाक दाखवून त्यांनी देशमुख यांच्याकडील 39 लाख रुपये रक्कम ठेवलेली बॅग घेतली आणि पसार झाले. घटनेची माहिती मिळताच पोलिसांनी घटनास्थळी भेट दिली असून पुढील तपास सुरू आहे. दरम्यान, भर वस्तीत घडलेल्या या घटनेने शहरात खळबळ उडाली आहे.
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)