Kolhapur Crime News: 1 महिन्याच्या मुलीचे बारसे होण्यापूर्वीच आईने मृत्यूला कवटाळले; घरात मुलीच्या बारशासाठी लगबग सुरू असताना कोल्हापुरात हादरवणारं घडलं
Kolhapur Crime News: कोल्हापुरमधील एक धक्कादायक माहिती समोर आली आहे.
Kolhapur Crime News: कोल्हापुरमधील एक धक्कादायक माहिती (Kolhapur Crime News) समोर आली आहे. एक महिन्याच्या मुलीचे बारसे होण्यापूर्वीच आईने मृत्यूला कवटाळल्याने संपूर्ण परिसर हादरवून गेला आहे. कोल्हापूरच्या राजारामपुरीतील महिलेने काल दुपारी गळफास घेऊन आत्महत्या केली. अस्मिता प्रतीकसिंह काटकर असं आत्महत्या केलेल्या महिलेचे नाव आहे.
घरात मुलीच्या बारशासाठी लगबग सुरू असताना अस्मिताने गळफास घेतल्याचा धक्कादायक प्रकार समोर आला. अस्मिताच्या आत्महत्येचं कारण अद्याप अस्पष्ट आहे. अस्मिताचे वर्षभरापूर्वी लग्न झाले. सासरची आर्थिक स्थिती सधन आहे. अवधी एक महिन्याची मुलगी असताना अस्मिता यांनी आत्महत्येचा निर्णय का घेतला? याचा उलगडा करण्याचे काम पोलिसांकडून सुरू आहे. अस्मिताच्या गळ्यावर जखमा आढळल्या असून, व्हिसेरा राखीव ठेवल्याचे पोलिसांनी सांगितले. (Kolhapur News)
नेमकं काय घडलं? (Kolhapur Crime News)
एक वर्षापूर्वी लग्न झालेल्या विवाहितेने एक महिन्याच्या मुलीचे बारसे होण्यापूर्वीच राहत्या घरी छताच्या फॅनला ओढणीने गळफास घेऊन आत्महत्या केली. ही घटना राववारी (12 जुलै) दुपारी चारच्या सुमारास घडली. लग्नानंतर सात वर्षापर्यंत विवाहितेने आत्महत्या केल्यास मृतदेहाचे शवविच्छेदन, पंचनामा न्यायाधीश आणि इतर पंचांच्या उपस्थितीत केला जातो. सोमवारी सकाळी न्यायाधीशांच्या उपस्थितीत पंचनामा होईल, अशी माहिती पोलिसांनी दिली.
राज्यासह देश-विदेशातील महत्वाच्या घडामोडी, VIDEO:
संबंधित बातमी:
महत्त्वाच्या बातम्या
