गडचिरोली पोलिसांची मोठी कारवाई; सीमेवरील माओवादी कॅम्पचा पर्दाफाश, साठा हस्तगत

पोलिस पार्टी आल्याचा सुगावा लागल्याने माओवाद्यांनी कॅम्पमधील सर्व साहित्य सोडून पहाडी व घनदाट जंगलाचा फायदा घेत अगोदरच पळ काढला.

Police action on maoist

Source : file image

गडचिरोली: नक्षलग्रस्त भागात पोलीस आणि नक्षल्यांमध्ये कायमच चकमक होत असल्याच्या घटना घडतात. मात्र, पोलिस जीवावर उदार होऊन नक्षली (Naxlite) मोहिमेविरुद्ध लढा देताना पाहायला मिळतात. आज गडचिरोलीत पुन्हा एकदा माओवादी कॅम्पचा पदार्फाश कला आहे. गडचिरोली-छत्तीसगड सीमारेषेवर ही कारवाई करण्यात आली असून गडचिरोली (Gadchiroli) पोलिसांनी माओवाद्यांचा साहित्य साठाही जप्त केला आहे. त्यानंतर, विशेष अभियान पथकाची सुखरुपणे गडचिरोलीला पोहोचले आहे. 

मिळालेल्या विश्वासार्ह माहितीनुसार, कसनसूर - चातगाव, टिपागड, दलम, छत्तीसगडच्या मोहल्ला मानपूर दलम आणि औंधी दलमचे काही सशस्त्र माओवादी हे मौजा भिमनखोजी, नारकसा (पोस्टे गॅरापत्ती पासून 04 किमी उत्तरेला) जंगल परिसरात घातपात घडविण्याच्या उद्देशाने एकत्रित जमुन तळ ठोकून आहेत. या गोपनिय माहितीच्या आधारे  माओवादविरोधी अभियानाची योजना आखण्यात आला  नेतृत्वाखाली विशेष अभियान पथक, गडचिरोली व पोस्टे गॅरापत्ती तसेच सीआरपीएफ 113 बटा. अ कंपनीच्या जवानांनी सदर जंगल परिसरात लगेच माओवादविरोधी अभियान राबविण्यात आले. मौजा भिमनखोजी जंगल परिसरात शोध मोहिम राबवित़ पुढे जात असतांना, अंदाजे दुपारी 3 वाजताच्या सुमारास माओवाद विरोधी अभियान पथकातील पहिल्या ग्रुपमधील जवानांना माओवाद्यांचा कॅम्प दिसून आला. सदर कॅम्पच्या दिशेने सुरक्षिततेची काळजी घेत पुढे जात असताना पोलिस पार्टी आल्याचा सुगावा लागल्याने माओवाद्यांनी कॅम्पमधील सर्व साहित्य सोडून पहाडी व घनदाट जंगलाचा फायदा घेत अगोदरच पळ काढला.

माओवाद्यांच्या कॅम्पच्या ठिकाणी जाऊन शोध अभियान राबविले असता, सदर ठिकाणावरुन सोलार प्लेट 01 नग, माओवादी डांगरी (पँट) 02 नग, माओवादी पिट्टु 06 नग, चप्पल जोड 03 नग, ताडपत्री 03 नग, प्लॅस्टीक टेंट 02 नग, बेल्ट 07 नग, टेस्टर 02 नग, लाकडी मुठ असलेला पेचकस 01 नग, शॉल 02 नग, लुंगी 01 नग,  शर्ट (फुल) 04 नग, टी शर्ट 06 नग, लोअर पँट 02 नग, जॅकेट (हिरवा) 01 नग, दुपट्टे (हिरवे व लाल) प्रत्येकी 01 नग, कॅप 02 नग, बेडशिट 01 नग, मग (स्टिल) 04 नग, प्लेट (स्टिल) 06 नग, लायटर 02 नग, गंज (जर्मन) 02 नग, कैची 01 नग, मेडीकल किट, पाणी कॅन 05 नग इत्यादी दैनंदिन वापरातील साहित्य जप्त करण्यात आले आहे. दरम्यान, या कारवाईनंतर विशेष अभियान पथकाची सर्व पथके आज गडचिरोलीला सुखरूप पोहोचले आहे. छत्तीसगड सीमेवर माओवादविरोधी कारवाया तीव्र करण्यात आल्या आहेत.

हेही वाचा