Beed Crime News: अल्पवयीन मुलीवर सामूहिक अत्याचार; चिमुकली पाच महिन्यांची गर्भवती; चार जणांविरोधात गुन्हा दाखल; बीडच्या पिंपळनेरमध्ये खळबळ
Beed Crime News : बीड तालुक्यातील पिंपळनेर पोलीस ठाणे हद्दीत अल्पवयीन मुलीवर सामूहिक अत्याचाराची घटना घडल्याचे समोर आलंय. याप्रकरणी चार आरोपीं विरोधात पिंपळनेर पोलीस ठाण्यात गुन्हा दाखल करण्यात आलाय.
Beed Crime News : बीड तालुक्यातील पिंपळनेर पोलीस ठाणे हद्दीत अल्पवयीन मुलीवर सामूहिक अत्याचाराची घटना घडल्याचे समोर आलंय. याप्रकरणी चार आरोपीं विरोधात पिंपळनेर पोलीस ठाण्यात गुन्हा दाखल करण्यात आलाय. पिंपळनेर परिसरातील एका गावातील सतरा वर्षीय मुलीवर चार युवकांनी वेळोवेळी वेगवेगळ्या ठिकाणी लैंगिक अत्याचार केला. या घटनेमुळे संपूर्ण जिल्ह्यात एकच खळबळ उडाली असून या प्रकरणी आता पोलिसांनी चार जणांविरोधात गुन्हा दाखल करत पुढील तपास सुरू केला आहे.
पीडितेची मासिक पाळी बंद झाल्याने खुलासा
पीडितेच्या तक्रारीनुसार, आरोपींनी ओळखीचा गैरफायदा घेत बळजबरीने शारीरिक अत्याचार केला. या आरोपींमध्ये करण साळवे, वैभव यादव, लखन कांबळे आणि दशरथ ढगे यांचा समावेश आहे. अत्याचारानंतर पीडितेला धमकावून गप्प ठेवले जात होते. मात्र पीडितेची मासिक पाळी बंद झाल्याने तीची चाचणी केली असता तिची गर्भधारणा झाल्याचं समोर आलंय. दरम्यान, एका खाजगी रुग्णालयात तपासणी केल्यानंतर गर्भाला पाच महिने झाल्याचे निष्पन्न झाले.
धक्कादायक बाब म्हणजे, आरोपींच्या नातेवाईकांनी गर्भपातासाठी दबाव आणल्याचेही फिर्यादीत नमूद केलं आहे. याप्रकरणी पिंपळनेर पोलीस ठाण्यात विविध कलमान्वये गुन्हा नोंदविण्यात आलाय. या प्रकरणाचा पोलीस सध्या अधिक तपास करत आहेत. दरम्यान या घटनेने परिसरात एकच खळबळ उडालीय.
शेत जमिनीच्या वादातून नातेवाईकांकडून महिलेला जबर मारहाण
बीडच्या पालवण येथे शेत जमिनीच्या वादातून नातेवाईकांनीच एका महिलेला जबर मारहाण केलीय. मारहाणीत महिला जखमी असून जिल्हा रुग्णालयात महिलेवर उपचार सुरू आहेत. लता विठ्ठल मस्के असे जखमी असलेल्या महिलेचे नाव असून शेतात काम करीत असताना शेजारी राहणाऱ्या नातेवाईकांनीच ही मारहाण केली.
लोखंडी रॉड, लाठ्या काठ्याने ही मारहाण झाली असून मारहाण करणाऱ्यांमध्ये तीन महिला आणि दोन पुरुषांचा समावेश आहे. बारा वर्षांपूर्वीच शेत जमिनीच्या वाटण्या झाल्या होत्या. मात्र मारहाण करणाऱ्यांनी त्यांच्या शेतजमिनीची विक्री केली. उर्वरित राहिलेली शेत जमीन दिली जावी. यासाठी भावकीतील व्यक्तींनी या महिलेला मारहाण केली. या प्रकरणी पाच जणांविरोधात पोलीस ठाण्यात गुन्हा दाखल असला तरी तो किरकोळ स्वरूपाचा आहे. त्यामुळे संबंधितांवर कडक कारवाई करण्याची मागणी पीडित कुटुंबाने केलीय.
इतर महत्वाच्या बातम्या
महत्त्वाच्या बातम्या
