Union Budget 2026: मुंबई टू पुणे आता 50 ते 55 मिनिटांत...; निर्मला सीतारमण यांची मोठी घोषणा, भारतात 7 बुलेट ट्रेन प्रकल्पाची घोषणा!

Union Budget 2026: निर्मला सीतरमण यांनी आज रेल्वेसाठी मोठ्या घोषणा केल्या आहे. यामध्ये भारतात नवीन 7 बुलेट ट्रेन प्रकल्पाची घोषणा करण्यात आली आहे.

Written By : मुकेश चव्हाण | Updated at : 01 Feb 2026 01:36 PM (IST)

Union Budget 2026

Source : ABP

Union Budget 2026: केंद्रीय अर्थमंत्री निर्मला सीतारमण आज (1 फेब्रुवारी 2026) देशाचा अर्थसंकल्प (Budget 2026) मांडला. निर्मला सीतारमण (Nirmala Sitharaman) यांनी सलग नवव्यांदा अर्थसंकल्प (Union Budget 2026) सादर केला. आम्ही देशातील गरिबी निर्मूलनासाठी महत्वाचे काम केले. देश गेल्या 12 वर्षांपासून प्रगतीपथावर आहे. देशात गुंतवणुक वाढीला लागली आहे. भारताची विकसीत भारताकडे वाटचाल सुरू राहील. जीएसटी सोप बनवणं आणि रोजगाराच्या संधी वाढवणं हे आमचं उद्दिष्ट आहे, असं निर्मला सीतारमण यांनी सांगितले. दरम्यान, निर्मला सीतरमण यांनी आज रेल्वेसाठी मोठ्या घोषणा केल्या आहे. यामध्ये भारतात नवीन 7 बुलेट ट्रेन प्रकल्पाची घोषणा करण्यात आली आहे. (Indian Railway Budget 2026)

मुंबई-पुणे, पुणे-हैदराबाद हायस्पीड कॉरिडॉरमुळे जीडीपीत मोठी वाढ होईल. प्रत्येक ग्रोथ हबसाठी 5000 कोटी प्रत्येकी 5 वर्षांत प्राप्त होणार आहेत, त्याचा लाभ मुंबई महानगर (एमएमआर), पुणे महानगर, नागपूर महानगर ग्रोथहबसाठी होणार आहे. त्यामुळे बुलेट ट्रेनचा प्रकल्प पूर्ण झाल्यास साधारण 50 ते 55 मिनिटांत तासांत मुंबईहून पुण्यात पोहोचता येणार आहे. (Indian Railway Budget 2026)

निर्मला सीतारमण काय म्हणाल्या? (Nirmala Sitharaman Union Budget 2026)

अर्थमंत्री निर्मला सीतारमण म्हणाल्या, "शहरांमधील विकासाला जोडणारे सात हाय-स्पीड रेल्वे कॉरिडॉर बांधले जातील. व्यावसायिक संस्थांना व्यवसाय गट तयार करण्याची सुविधा दिली जाईल. सेमीकंडक्टर क्षेत्राचा विस्तार करण्यासाठी ISM 2.0 लाँच केले जाईल." कर्जाची अंशतः हमी देण्यासाठी पायाभूत सुविधा जोखीम हमी निधी स्थापन केला जाईल. पर्यावरणपूरक मालवाहतुकीला प्रोत्साहन देण्यासाठी अनेक प्रस्तावांवर काम सुरू आहे. पुढील पाच वर्षांत वीस नवीन राष्ट्रीय जलमार्ग सुरू केले जातील. (Union Budget 2026)