छत्तीसगडमध्ये सर्वात कमी बेरोजगारी, हरियाणाची अवस्था बिकट, महाराष्ट्राची स्थिती काय?

नोव्हेंबरमध्ये भारतातील बेरोजगारीचा दर 8% वर पोहोचला; प्रत्येक राज्याची आकडेवारी समोर

Unemployment Rate

Unemployment Rate in India: देशातील बेरोजगारीचं वास्तव दाखवणारी आकडेवारी समोर आली आहे. देशातील बेरोजगारीचा दर गेल्या महिन्यात 7.77% च्या तुलनेत नोव्हेंबरमध्ये 8% वर तीन महिन्यांच्या उच्चांकावर पोहोचला आहे, असं सेंटर फॉर मॉनिटरिंग इंडियन इकॉनॉमीच्या आकडेवारीवरून दिसून आले आहे. यातून प्रत्येक राज्याचा बरोजगारीचा दर समोर आला असून यामध्ये हरियाणा आघाडीवर असून महाराष्ट्राचीही आकडेवारी समोर आली आहे. दरम्यान शहरी भागात 9 टक्के नोंद नोव्हेंबर महिन्यात नोंद करण्यात आली जो बेरोजगारीचा दर 8.96% होता, तर ग्रामीण भागात 7.8 टक्के गेल्या महिन्यात नोंद करण्यात आली आहे जी 7.55% बेरोजगारी दर ऑक्टोबर दिसला होता. ऑक्टोबरमध्ये शहरी आणि ग्रामीण भागातील बेरोजगारीचा दर अनुक्रमे 7.21% आणि 8.04% इतका होता.

30 नोव्हेंबर 2022 पर्यंत, देशातील बेरोजगारीचा दर 8.09% इतका होता. उल्लेखनीय म्हणजे, या वर्षातील हा दुसरा महिना आहे की देशात सर्वाधिक बेरोजगारीचा दर नोंदवला गेला आहे. यापूर्वी, ऑगस्टमध्ये देशात सर्वाधिक बेरोजगारीचा दर 8.28% होता. दरम्यान, एप्रिल, मे, जून, जुलै आणि ऑक्टोबरमध्ये भारतातील बेरोजगारीचा दर अनुक्रमे 7.83%, 7.14%, 7.83%, 6.83% आणि 6.43% होता.

कुठल्या राज्याची आकडेवारी किती

यामध्ये प्रथम क्रमांक लागतो तो हरियाणा राज्याचा, हरियाणामध्ये सर्वाधिक बेरोजगारीचा दर ३०.६% आहे. राजस्थान, जम्मू आणि काश्मीर, आसाम, बिहार, दिल्ली, गोवा, झारखंड आणि त्रिपुरा ही राज्ये आहेत जिथे बेरोजगारीचा दर दुहेरी अंकी टक्केवारीत अनुक्रमे 24.5%, 23.9%, 14.0%, 17.3%, 12.7%, 13.6%, 14.3% आणि 14.5% आहे. छत्तीसगडमध्ये सर्वात कमी बेरोजगारीचा दर 0.1% आहे. यामध्ये महाराष्ट्राचा बरोजगारीचा दर 3.5 टक्के आहे.

Unemployment Rate (%)
राज्य	Nov 2022
आंध्र प्रदेश	9.1
आसाम	14.0
बिहार	17.3
छत्तीसगड	0.1
दिल्ली	12.7
गोवा	13.6
गुजरात	2.5
हरियाणा	30.6
हिमाचल प्रदेश	8.1
जम्मू काश्मिर	23.9
झारखंड	14.3
कर्नाटक	1.8
केरळ	5.9
मध्य प्रदेश	6.2
3.5
मेघालय	2.1
ओडिया	1.6
पुद्दुचेरी	2.9
पंजाब	7.8
राजस्थान	24.5
तामिळनाडू	3.8
तेलंगणा	6.0
त्रिपुरा	14.5
उत्तर प्रदेश	4.1
उत्तराखंड	1.2
पश्चिम बंगाल	5.4

वेतनवाढीचा मुद्दा कळीचा

2021-22 मध्ये नवीन रोजगारामध्ये जुन्या कर्मचाऱ्यांच्या सरासरीपेक्षा कमी वेतनावर होण्याची शक्यता आहे. या नवीन गटानेच वेतनातील एकूण वाढ कमी केली, ज्यामुळे एकूण सरासरी वेतन दर महागाई दरापेक्षा कमी झाला असं सेंटर फॉर मॉनिटरिंग इंडियन इकॉनॉमीने (CMIE) सांगितले. शिवाय, सूचीबद्ध कंपन्यांमधील रोजगार 2021-22 मध्ये 10 दशलक्ष इतक्या उच्चांकी पातळीवर पोहोचला. 2020-21 मध्ये, सूचीबद्ध कंपन्यांमध्ये 3.5 दशलक्ष रोजगार होता.

वयोगटानुसार बेरोजगारीचा दर

या आठवड्याच्या सुरुवातीला राष्ट्रीय सांख्यिकी कार्यालय (NSO) ने सांगितले की, देशातील बेरोजगारीचा दर या वर्षी जुलै ते सप्टेंबर या तिमाहीत 7.2% कमी झाला आहे, जो मागील वर्षी याच कालावधीत 9.8% होता. यापैकी, शहरी भागातील 15 वर्षे व त्याहून अधिक वयोगटातील महिलांमध्ये या कालावधीत बेरोजगारीचा दर 9.4% इतका घसरला आहे, जो मागील वर्षीच्या 11.6% होता. शहरी भागातील पुरुषांमधील बेरोजगारीचा दर १५ वर्षे आणि त्याहून अधिक वयाच्या गतवर्षी याच कालावधीत 9.3% विरुद्ध Q2 FY22-23 मध्ये 6.6% नी घसरला. जुलै ते सप्टेंबर या कालावधीत 15 वर्षे आणि त्याहून अधिक वयाच्या व्यक्तींसाठी श्रमशक्ती सहभाग दर (LFPR) 47.9% होता, तर CWS मध्ये 15 वर्षे आणि त्याहून अधिक वयाच्या व्यक्तींसाठी कामगार लोकसंख्येचे प्रमाण (WPR) 44.5% इतके वाढले आहे.