Stock Market : मंगळवार शेअर बाजारासाठी 'मंगल दिन', गुंतवणूकदारांना एकाच दिवसात सव्वा चार लाख कोटींचा फायदा
Share Market Update : आयटी निर्देशांकात 1000 अंकांची वाढ झाली असून मिडकॅप समभागांमध्ये खरेदी झाल्यानंतर बीएसईचे मार्केट कॅप 387 लाख कोटी रुपयांच्या विक्रमी उच्चांकावर पोहोचले आहे.
Share Market Update : मंगळवारचे ट्रेडिंग सत्र भारतीय शेअर बाजारासाठी अत्यंत शुभ ठरल्याचं दिसून आलं. आयटी आणि तेल, वायू क्षेत्रातील समभागांमध्ये जोरदार खरेदी झाल्यामुळे भारतीय शेअर बाजार तेजीसह बंद झाला. मुंबई शेअर बाजाराचा निर्देशांक सेन्सेक्स 72,000 चा टप्पा ओलांडण्यात यशस्वी ठरला तर मिडकॅप इंडेक्सने आतापर्यंतचा उच्चांक गाठला आहे. आजच्या व्यवहाराअंती BSE सेन्सेक्स 455 अंकांच्या उसळीसह 72,186 अंकांवर तर राष्ट्रीय शेअर बाजाराचा निफ्टी 158 अंकांच्या उसळीसह 21,939 अंकांवर बंद झाला.
BSE मार्केट कॅप ऐतिहासिक उच्चांकावर
बाजारातील प्रचंड वाढीमुळे, सूचीबद्ध समभागांचे मार्केट कॅप देखील ऐतिहासिक उच्चांकावर पोहोचले आहे. बीएसईवर सूचीबद्ध कंपन्यांचे मार्केट कॅप 386.97 लाख कोटी रुपये आहे, जे विक्रमी उच्च आहे. शेवटच्या सत्रात मार्केट कॅप 382.74 लाख कोटी रुपये होते. याचा अर्थ आजच्या व्यवहारात गुंतवणूकदारांच्या संपत्तीत 4.23 लाख कोटी रुपयांची उडी झाली आहे.
कोणत्या क्षेत्रात तेजी?
आजच्या व्यवहारात, आयटी समभागांच्या खरेदीमुळे त्याच्या निर्देशांकात जोरदार वाढ झाली आहे. निफ्टी आयटी निर्देशांक 1085 अंकांच्या वाढीसह बंद झाला. याशिवाय ऑटो, फार्मा, मेटल्स, एनर्जी, कमोडिटी, हेल्थकेअर, ऑइल आणि गॅस या कंपन्यांचे समभाग तेजीने बंद झाले. तर एफएमसीजी आणि बँकिंग समभाग घसरले.
निफ्टीच्या मिडकॅप निर्देशांकाने 49,000 चा ऐतिहासिक उच्चांक गाठला तर स्मॉल कॅप निर्देशांकही तेजीत राहिला. सेन्सेक्समधील 30 समभागांपैकी 19 समभाग वाढीसह आणि 11 तोट्यासह बंद झाले. तर निफ्टीच्या 50 समभागांपैकी 34 शेअर्स वाढीसह बंद झाले आणि 16 तोट्याने बंद झाले.
वाढणारे आणि घसरणारे शेअर्स
आजच्या व्यवहारात बीपीसीएल 5.82 टक्के, एचडीएफसी लाइफ 5.23 टक्के, एचसीएल टेक 4.37 टक्के, टीसीएस 4.22 टक्के, मारुती सुझुकी 3.97 टक्के वाढीसह बंद झाले. पॉवर ग्रिड, ब्रिटानिया आयटीसी, ग्रासिम यांचे समभाग घसरले.
| इंडेक्‍स | किती अंकावर बंद झाला | उच्च स्‍तर | निम्‍न स्‍तर | किती प्रमाणात बदल |
| BSE Sensex | 72,186.09 | 72,261.40 | 71,625.18 | 0.63% |
| BSE SmallCap | 46,307.84 | 46,351.14 | 45,825.78 | 1.23% |
| India VIX | 15.79 | 15.98 | 15.09 | 1.07% |
| NIFTY Midcap 100 | 48,984.65 | 49,018.50 | 48,301.55 | 1.19% |
| NIFTY Smallcap 100 | 16,449.35 | 16,478.05 | 16,283.05 | 0.01 |
| NIfty smallcap 50 | 7,623.70 | 7,645.70 | 7,555.40 | 0.01 |
| Nifty 100 | 22,299.30 | 22,315.15 | 22,074.35 | 0.84% |
| Nifty 200 | 12,082.95 | 12,090.45 | 11,953.65 | 0.90% |
| Nifty 50 | 21,929.40 | 21,951.40 | 21,737.55 | 0.72% |
ही बातमी वाचा:
महत्त्वाच्या बातम्या
ट्रेंडिंग न्यूज
