Russia Ukraine Conflict : युद्धाच्या सावटाने मॉस्को शेअर बाजार 14 टक्क्यांनी घसरला; भारतात काय होणार?

Russia Ukraine Conflict : रशिया आणि युक्रेनमध्ये युद्धाचे ढग आणखी गडद झाले असून शेअर बाजारावरही परिणाम दिसून येत आहे.

Russia Ukraine Conflict : युद्धाच्या सावटाने मॉस्को शेअर बाजार 14 टक्क्यांनी घसरला; भारतात काय होणार?

Russia Ukraine Conflict and Share Market: रशिया आणि युक्रेन यांच्यातील तणावात आणखी वाढला आहे. रशियाच्या मॉस्को शेअर बाजारामध्ये याचे प्रतिबिंब उमटले आहेत. सोमवारी, मॉस्को शेअर बाजार तब्बल 14 टक्क्यांनी कोसळला. राष्ट्रपती व्लादिमीर पुतीन यांनी देशाला उद्देशून केलेल्या भाषणात युक्रेनसोबत संघर्षाचे संकेत मिळत होते. रशियाच्या हद्दीत घुसलेल्या युक्रेनच्या लष्करी वाहनांना उद्धवस्त केल्याचे वृत्त समोर आले होते. याच्या परिणामी मॉस्को शेअर बाजारात मोठी पडझड झाली. आंतरराष्ट्रीय शेअर बाजारावरही युद्ध तणावाचे पडसाद दिसून आले. आता, मंगळवारी भारतीय शेअर बाजाराकडे गुंतवणूकदारांचे लक्ष लागले आहे. 

मॉस्को शेअर बाजाराचा निर्देशांक RTS मध्ये रशियातील 50 मोठ्या कंपन्यांचे प्रतिनिधीत्व करतो. मॉस्को शेअर बाजारात जवळपास 230 अंकांची म्हणजे 16.67 टक्क्यांनी कोसळून निर्देशांक 1160.24 अंकावर आला होता. युद्ध तणावाच्या परिणामी रशियन रुबल हा डॉलरच्या तुलनेत आणखी कमकुवत झाला. अमेरिकन डॉलरच्या तुलनेत 78 रुबलपर्यंत घसरला होता. युद्ध सुरू झाल्यास रशियावर पाश्चिमात्य देशांकडून निर्बंध लागू होण्याची शक्यता आहे. याचा परिणाम रशियातील गुंतवणूकीवरही होणार आहे. 

युरोपीयन शेअर बाजारामध्ये ही घसरण

युरोपीयन देशांमधील शेअर बाजारात घसरण झाली. फ्रान्स शेअर बाजार 2.07 टक्के, जर्मन शेअर बाजार 1.94 टक्के, Euro Stoxx 50 हा 2.13 टक्क्यांनी घसरला. तर, ब्रिटनच्या . FYSE100 मध्ये 0.4 टक्के आणि स्पेनच्या IBEX35 निर्देशांकात 0.7 टक्क्यांनी घसरण झाली.

भारतीय शेअर बाजारावर परिणाम होणार?

मागील काही दिवसांपासून भारतीय शेअर बाजारात मोठी अस्थिरता दिसून येत आहे. रशिया आणि युक्रेनमधील तणाव, अमेरिकेतील महागाई आणि वाढणारे व्याजदर आदी कारणांमुळे परदेशी गुंतवणूकदारांनी मोठ्या प्रमाणावर शेअर्स विक्रीचा सपाटा सुरू केला आहे. त्याच्या परिणामी शेअर बाजारात घसरण दिसून येत आहे. 

इतर महत्त्वाच्या बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha