![metaverse](https://cdn.abplive.com/imagebank/metaverse-top.png)
PM Ujjwala Yojana: उज्ज्वला योजनेकडे पाठ? 5 वर्षात चार कोटी लाभार्थ्यांनी एकदाही LPG सिलिंडर भरलाच नाही
PM Ujjwala Yojana: उज्ज्वला योजनेतील जवळपास 4 कोटी लाभार्थ्य्यांनी दुसऱ्यांदा एलपीजी गॅस सिलिंडर भरला नसल्याची माहिती केंद्र सरकारने दिली आहे.
![PM Ujjwala Yojana: उज्ज्वला योजनेकडे पाठ? 5 वर्षात चार कोटी लाभार्थ्यांनी एकदाही LPG सिलिंडर भरलाच नाही pm ujjwala yojana nearly 4 crore benificiaries did not refill single cylinder in last 5 years PM Ujjwala Yojana: उज्ज्वला योजनेकडे पाठ? 5 वर्षात चार कोटी लाभार्थ्यांनी एकदाही LPG सिलिंडर भरलाच नाही](https://feeds.abplive.com/onecms/images/uploaded-images/2022/08/04/3106a7472cf3433eb660c2c911bae3501659607088_original.jpg?impolicy=abp_cdn&imwidth=1200&height=675)
PM Ujjwala Yojana: स्वयंपाकासाठी वापरण्यात येणाऱ्या एलपीजी गॅस सिलिंडर (LPG Gas Price) सातत्याने महाग होत असल्याने सामान्यांचे बजेट कोलमडले आहे. आता केंद्र सरकारने एलपीजी गॅस सिलिंडरच्या विक्रीबाबत महत्त्वाची आकेडवारी जाहीर केली आहेत. मागील पाच वर्षात उज्ज्वला योजनेतील (Pradhan Mantri Ujjwala Yojana) जवळपास 4.13 कोटी लाभार्थ्यांनी दुसऱ्यांदा गॅस सिलिंडर मागवलाच नसल्याची माहिती समोर आली आहे.
केंद्रीय पेट्रोलियम राज्यमंत्री रामेश्वर तेली यांनी संसदेत लेखी माहिती दिली. राज्यसभेत विरोधी पक्षनेते मल्लिकार्जुन खर्गे आणि काँग्रेस खासदार प्रमोद तिवारी यांनी सरकारला उज्जवला योजनेतील लाभार्थ्यांनी मागील पाच वर्षात एलपीजी गॅस सिलिंडर एक अथवा त्यापेक्षा कमी सिलिंडर रिफील न करणाऱ्याबाबत माहिती मागितली होती. त्याला उत्तर देताना रामेश्वर तेली यांनी सांगितले, मागील पाच वर्षात उज्ज्वला योजनेच्या 4.13 कोटी लाभार्थ्यांनी एकदाही सिलिंडर दुसऱ्यांदा भरला नाही. त्यांनी सांगितले की 7.67 कोटी लाभार्थ्यांनी फक्त एकदाच एलपीजी सिलिंडर दुसऱ्यांदा भरला.
रामेश्वर तेली यांनी दिलेल्या माहितीनुसार, एलपीजी सिलेंडरची विक्री ही लोकांच्या आहाराच्या सवयी-पद्धती, घरात राहणारे एकूण सदस्य आणि इंधनाचे इतर पर्यायांवर अवलंबून असते. वर्ष 2021-22 मध्ये एकूण 30.53 कोटी सक्रिय एलपीजी ग्राहकांपैकी 2.11 कोटी जणांनी एलपीजी सिलिंडर दुसऱ्यांदा भरला नाही. तर, 2.91 कोटी एलपीजी ग्राहकांनी फक्त एकदाच गॅस सिलिंडर भरला आहे.
पेट्रोलियम राज्यमंत्र्यांनी दिलेल्या माहितीनुसार, घरगुती एलपीजी सिलिंडरच्या किमती बदलत राहतात आणि अनुदानाची रक्कम पात्र लाभार्थ्यांच्या खात्यात हस्तांतरित केली जाते.
इतर महत्त्वाच्या बातम्या:
- पेट्रोल-डिझेलच्या वाढत्या महागाईच्या पार्श्वभूमीवर अर्थमंत्र्यांची मोठी घोषणा; सरकार उचलणार 'हे' पाऊल
- Trade Deficit: जुलै महिन्यात व्यापारातील तूट 31 अब्ज डॉलरवर; निर्यात 12 टक्क्यांनी घसरली
- LIC New Plan: गुंतवणूक छोटी पण परतावा चांगला, एलआयसी ही योजना फायदेशीर
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)