Petrol Diesel Price Today : कच्च्या तेलाच्या दरात चढ-उतार; जाणून घ्या आजचे इंधन दर

Petrol Diesel Price Today :  सरकारी इंधन कंपन्यांनी आजचे इंधन दर जाहीर केले आहेत. जाणून घ्या तुमच्या शहरातील इंधन दर

Petrol Diesel Price Today : कच्च्या तेलाच्या दरात चढ-उतार; जाणून घ्या आजचे इंधन दर

Petrol Diesel Price Today :  आंतरराष्ट्रीय बाजारात कच्च्या तेलाच्या दरात चढ-उतार असल्याचे दिसून येत आहे. कच्च्या तेलाच्या दराचा परिणाम भारतातील इंधन दरावर झाला नाही. आज सरकारी इंधन कंपन्यांनी आजचे पेट्रोल  (Petrol), डिझेलचे दर जाहीर केले आहेत. इंधन कंपन्यांनी आजही इंधन दर (Petrol-Diesel Price)  स्थिर ठेवले आहेत. 

जवळपास दीड महिन्यापासून देशात पेट्रोल-डिझेलच्या किमतींमध्ये कोणताही बदल करण्यात आलेला नाही. आंतरराष्ट्रीय बाजारात कच्च्या तेलाच्या किमतींमध्ये सातत्याने सुरू असलेला चढ-उतार आणि डॉलरच्या तुलनेत रुपयांची होणारी घसरण यामुळे इंधन दरवाढीची टांगती तलवार ग्राहकांच्या डोक्यावर आहे. 

देशातील महानगरांत पेट्रोल-डिझेलचे दर काय?

देशाची आर्थिक राजधानी असलेल्या मुंबईत इंधन दर स्थिर आहे. देशाची आर्थिक राजधानी असणाऱ्या मुंबईत पेट्रोलचा दर 111.35 रुपये तर डिझेलचा दर 97.28 रुपये प्रतिलिटर आहे. तर देशाच्या राजधानीचं शहर असणाऱ्या दिल्लीतही पेट्रोल-डिझेलचे दर स्थिर आहेत. राजधानी असलेल्या दिल्लीत प्रतिलिटर पेट्रोलची किंमत 96.72 रुपये आणि  डिझेलची किंमत 89.62 रुपये आहे. चेन्नईमध्ये पेट्रोलचे दर 102.63 रुपये तर, डिझेलचा दर 94.24, कोलकातामध्ये पेट्रोलचा दर 106.03 रुपये आणि डिझेलचा दर 92.76 रुपये प्रतिलिटर आहे. 

महाराष्ट्रातील प्रमुख शहरांतील दर काय? 

आज पुण्यात पेट्रोलचा दर प्रतिलिटर 110.88 रुपये तर डिझेलचा दर 95.37 रुपये प्रतिलिटर आहे. नाशिकमध्ये पेट्रोलचा दर प्रतिलिटर 111.74 रुपये तर डिझेलचा दर 96.20 रुपये प्रतिलिटर आहे. नागपुरात पेट्रोलचा दर प्रतिलिटर 111.08 रुपये तर डिझेलचा दर 95.59 रुपये प्रतिलिटर आहे. कोल्हापुरात पेट्रोलचा दर प्रतिलिटर 111.34 रुपये तर डिझेलचा दर 95.84 रुपये प्रतिलिटर आहे.

पेट्रोल आणि डिझेलचे दर कुठे आणि कसे पाहाल?

इंडियन ऑईलचं  IndianOil ONE Mobile App  तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.

इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर सोप्या पद्धतीने पाहता येतील.

पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).