Petrol and Diesel Price: तेल कंपन्यांकडून आजचे दर जाहीर, तुमच्या शहरात एक लिटर पेट्रोल किती रुपयांना? जाणून घ्या
Petrol Diesel Rate: आज 512वा दिवस असून आजही देशातील पेट्रोल-डिझेलचे दर स्थिर आहेत.
Petrol Diesel Rate on 31st August 2023: कच्च्या तेलाच्या दरांत पुन्हा एकदा वाढ झाल्याचं पाहायला मिळत आहे. अमेरिकेत पुरवठ्यापेक्षा कच्च्या तेलाचा जास्त वापर होत असल्याचं पाहायला मिळत आहे. तर दुसरीकडे चिनी अर्थव्यवस्थेबाबत जागतिक चिंताही काहीशी कमी झाली आहे. त्यामुळे बुधवारी कच्च्या तेलाच्या किमतींमध्ये पुन्हा एकदा वाढ झाल्याचं पाहायला मिळालं. यापूर्वी मंगळवारी कच्च्या तेलाच्या किमतींत एक डॉलरपेक्षा जास्त वाढ पाहायला मिळत होती. याच पार्श्वभूमीवर देशातील दरांबाबत बोलायचं झालं तर, आज देशातील पेट्रोल-डिझेलच्या दरांत (Petrol Diesel Price) कोणताही बदल झालेला नाही. आज देशातील पेट्रोल-डिझेलच्या किमती स्थिर आहेत.
आज 512 वा दिवस आहे, जेव्हा पेट्रोल आणि डिझेलच्या दरांत कोणताही बदल झालेला नाही. भारतीय तेल वितरण कंपन्यांनी (Government OMCs) पेट्रोल आणि डिझेलच्या किमतींमध्ये आज म्हणजेच गुरुवारीही कोणताही बदल केला नाही.
देशांतील महानगांतील पेट्रोल-डिझेलच्या किमती काय?
देशाच्या राजधानी दिल्लीबद्दल बोलायचं झालं तर, येथे पेट्रोलची किंमत प्रति लिटर 96.72 आणि डिझेलची किंमत 89.62 प्रति लिटर आहे. याशिवाय मुंबईत पेट्रोलचा दर प्रति लिटर 106.31 तर डिझेलचा दर 94.27 प्रति लिटर आहे. तर चेन्नईमध्ये पेट्रोलचा दर प्रति लिटर 102.63 तर डिझेलचा दर 94.24 प्रति लिटर आहे. तर कोलकात्यात पेट्रोल 106.03 आणि डिझेल 92.76 प्रति लिटरनं विकलं जात आहे.
राज्यात पेट्रोल-डिझेलचे दर काय?
- पुणे : पेट्रोल 106.22 प्रति लिटर, डिझेल 92.73 रुपये प्रति लिटर
- नाशिक : पेट्रोल 106.51 रुपये प्रति लिटर, डिझेल 93.02 रुपये प्रति लिटर
- रत्नागिरी : पेट्रोल 107.79 रुपये प्रति लिटर, डिझेल 94.27 रुपये प्रति लिटर
- सिंधुदुर्ग : पेट्रोल 107.97 रुपये प्रति लिटर, डिझेल 94.45 रुपये प्रति लिटर
- कोल्हापूर : पेट्रोल 107.45 रुपये प्रति लिटर, डिझेल 93.94 रुपये प्रति लिटर
- नागपूर : पेट्रोल 106.04 रुपये प्रति लिटर, डिझेल 92.59 रुपये प्रति लिटर
- गोंदिया : पेट्रोल 107.56 रुपये प्रति लिटर, डिझेल 94.05 रुपये प्रति लिटर
दररोज सकाळी 6 वाजता होतात दर अपडेट
दररोज सकाळी 6 वाजता पेट्रोल आणि डिझेलच्या दरात बदल होतो. नवे दर सकाळी 6 वाजल्यापासून लागू होणार आहेत. पेट्रोल आणि डिझेलच्या किमतीत एक्साईज ड्युटी, डीलर कमिशन, व्हॅट आणि इतर गोष्टी जोडल्यानंतर त्याची किंमत मूळ किंमतीपेक्षा जवळपास दुप्पट होते. त्यामुळेच पेट्रोल आणि डिझेलचे दर वाढलेले दिसत आहेत.
Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती (Petrol Diesel Price) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
