मुंबईत स्वप्नातलं घर हवंय? म्हाडा लॉटरीसाठी अर्ज करण्यासाठी शेवटचे दोन दिवस; जाणून घ्या अर्ज कुठे करावा
म्हाडाच्या मुंबई मंडळाने 2030 घरांसाठी लॉटरी जाहीर केली आहे. या लॉटरीत भाग घेण्यासाठी आता शेवटचे दोन दिवस शिल्लक राहिले आहेत.
मुंबई : महाराष्ट्र गृहनिर्माण व क्षेत्रविकास प्राधिकरणाचा (म्हाडा) विभागीय घटक असलेल्या मुंबई मंडळातर्फे मुंबईतील 2030 घरांसाठी सोडत राबवली जात आहे. मुंबईत स्वप्नातलं घर खरेदी करायचं असेल तर या लॉटरीसाठी अर्ज करणे हा सर्वोत्तम पर्याय ठरू शकतो. या लॉटरीसाठी अर्ज करण्यासाठी 19 सप्टेंबर ही शेवटची तरीख आहे. म्हणजेच आजचा दिवस मिळून म्हाडा लॉटरीसाठी (Mumbai Mhada Lottery) अर्ज करण्यासाठी एकूण दोन दिवस शिल्लक राहिले आहेत. याआधी ही तारीख 9 सप्टेंबर होती. मात्र म्हाडाने ही शेवटची तारीख 19 सप्टेंबरपर्यंत वाढवण्यात आली होती.
9 ऑगस्टपासून अर्ज करण्यास सुरुवात
काही दिवसांपूर्वी म्हाडाच्या मुंबई मंडळाने मुंबईत एकूण 2030 घरांसाठी सोडत जाहीर केली होती. त्यानंतर 9 ऑगस्टपासून या सोडतीसाठी अर्ज करण्यास सुरुवात झाली होती. याआधी अर्ज करण्याची शेवटची तारीख ही 9 सप्टेंबर निश्चित करण्यात आली होती. तसेच जुन्या तारखेप्रमाणे 13 सप्टेंबर रोजी सोडत जाहीर करण्यात येणार होती. या तारखांनुसार म्हाडाला अर्ज करण्यासाठी अवघा 26 दिवसांचा कालावधी मिळाला होता. हीच बाब लक्षात घेऊन म्हाडाने अर्ज करण्याची मुदत 19 सप्टेंबरपर्यंत वाढवली होती. अपेक्षेप्रमाणे प्रतिसाद न मिळाल्यामुळेही ही मुदतवाढ देण्यात आली होती.
कोणकोणत्या भागांत घरं?
म्हाडाच्या या सोडतीत एकूण 2030 घरं असणार आहेत. पहाडी गोरेगाव, अँटॉप हिल-वडाळा, कोपरी पवई, कन्नमवार नगर-विक्रोळी, शिवधाम कॉम्प्लेक्स-मालाड या भागात ही घरे आहेत. वेगवेगळ्या उत्पन्न गटात ही घरे असणार आहेत. सोडत जाहीर झाल्यानंतर या घरांची किंमत फारच जास्त आहे, असा सूर आळवला जात होता. त्यानंतर म्हाडाने 2030 पैकी साधारण वेगवेगळ्या 370 घरांच्या किमतीत 10 ते 12 लाख रुपयांची घट केली आहे.
अर्ज भरण्याची कार्यपद्धती
सर्वप्रथम म्हाडाच्या housing.mhada.gov.in किंवा mhada.gov.in या संकेतस्थळावर जावे येथे अथवा Mobile App - Mhada Housing Lottery System वर जावे. संकेतस्थळावर जाऊ अर्जदाराने सर्वप्रथम स्वतःची नाव नोंदणी करावी व सर्व माहिती काळजीपूर्वक भरावी. नाव नोंदणीसाठी अर्जदाराने, आवश्यक ती सर्व माहिती भरणे आवश्यक आहे. तसेच बंधनकारक असलेली माहिती भरणे बंधनकारक आहे.
हेही वाचा :
महत्त्वाच्या बातम्या
