Video : स्विमिंग पूल, प्रायव्हेट स्पा अन् सिनेमागृह, भाडं तब्बल 40 लाख, मुंबईतलं 'हे' घर आहे तरी कसं?
Mumbai Luxurious Home : मुंबईतल्या या घराची सध्या सगळीकडे चर्चा होत आहे. या घरातील सुविधा तर अचंबित करणाऱ्या आहेत. तुम्हाला या घरात राहायचे असेल तर तब्बल 40 लाख रुपये भाडे द्यावे लागेल.
मुंबई : मुंबईला स्वपांनी नगरी म्हटलं जातं. या शहरात रोज अनेक तरुण-तरुणी उराशी एक स्वप्न बाळगून येतात, झगडतात. हे शहर जसं गरीब, मध्यमवर्गीयांचं आहे, तसंच श्रीमंत, अतीश्रीमंतांचंही आहे. आशिया खंडात सर्वांत श्रीमंत म्हणून ओळख असलेलं अंबानी कुटुंब याच शहरात राहतं. या शहराची श्रीमंती पाहून भल्या-भल्यांचे डोळे विस्फारतात. दरम्यान, मुंबईची हीच श्रीमंती सांगणाऱ्या अशाच एका आलिशान घराची सध्या सगळीकडे चर्चा होत आहे. या घरात तुम्हाला भाड्यानं राहायचं असेल तर त्यासाठी महिन्याला तब्बल 40 लाख रुपये मोजावे लागतील.
घराचं भाडं तब्बल 40 लाख रुपये
या घरात राहायचं असेल तर घरभाडं म्हणून तुम्हाला महिन्याला तब्बल 40 लाख रुपये मोजावे लागतील. मुंबईच्या लोअर परळ या महागड्या भागात हे घर आहे. या घरातून तुम्हाला मुंबईच्या किनाऱ्याचा अरबी समुद्र दिसतो. हे घर साधसुधं नसून त्यामध्ये तुम्हाला प्रायव्हेट स्वीमिंग पूल मिळेल. हे घर खरेदी करायचं असेल तर तुम्हाला एक दोन नव्हे तर तब्बल 120 कोटी रुपये मोजावे लागतील.
120 कोटींच्या घराची विशेषता काय?
लोअर परळ या भागात असलेल्या अविघ्न इमारतीत हा ट्रिप्लेक्स पेंटहाऊस आहे. या घरात एकूण सहा बेडरुम्स आहेत. या सहा बेडरुम्समध्ये तुम्हाला सहा आलिशान बाथरुम देण्यात आलेले आहेत. तब्बल 1600 स्क्वेअर फूट परिसरात हे घर पसरलेलं आहे. या घरातून तुम्हाला पश्चिम आणि पूर्व अरबी समुद्र दिसतो.
आलिशान घराचा व्हिडीओ :
View this post on Instagram
प्रायव्हेट स्पा, स्वीमिंग पूल, प्रायव्हेट जीम
या घरात तुम्हाला आठ कार मावतील एवढी पार्किंग मिळेल. या घराचं उत्तम सजावट केलेलं इंटेरिअर आहे. घरात तुम्हाला तुमची प्रयाव्हेट लिफ्ट मिळेल. प्रायव्हेट छत, प्रायव्हेट स्वीमिंग पूल, प्रायव्हेट जीम, प्रायव्हेट पूल टेबल, प्रायव्हेट इंटरटेन्मेंट रुम, प्रायव्हेट स्पा, फॉर्मल-इन्फॉर्मल लिव्हिंग रुम तसेच संपूर्ण साहित्य असलेलं सुसज्ज किचन अशा उच्च प्रतिच्या सुविधा देण्यात आलेल्या आहेत.
घरातील बहुसंख्य वस्तू या तंत्रज्ञानाच्या मदतीने जगातून कुठूनही कंट्रोल करता येणार आहेत. या घरात तुम्हाला वायफआय असेल. या घरात मल्टी टायर सुरक्षा सुविधा आहे. दरम्यान, मुंबईतल्या या घराची सध्या जगभरात चर्चा होत आहे.
हेही वाचा :
महत्त्वाच्या बातम्या
